ଦୈନିକ ଖବରକାଗଜ ସମ୍ବାଦର ଆଜି ୩୭ ତମ ସ୍ୱନକ୍ଷତ୍ର । ୧୯୮୪ ମସିହା ଆଜିର ଦିନରେ ଓଡ଼ିଶା ଖବରକାଗଜ ଜଗତରେ ନୂଆ ବିପ୍ଳବ ନେଇ ଆସିଥିଲା ସମ୍ବାଦ
ଆଉ ଖବର ପ୍ରକାଶନରେ ବହୁ ନୂଆ ଧାରାର ପଥପ୍ରଦର୍ଶକ ସାଜି ଆସିଛି ସମ୍ବାଦ
କନକ ବ୍ୟୁରୋ: ଓଡିଶାର ଲୋକପ୍ରିୟ ଦୈନିକ ଖବରକାଗଜ ସମ୍ବାଦର ଆଜି ୩୭ ତମ ସ୍ୱନକ୍ଷତ୍ର ।୧୯୮୪ ମସିହା ଆଜିର ଦିନରେ ଅର୍ଥାତ୍ ଅକ୍ଟୋବର ୪ ତାରିଖରେ ଓଡ଼ିଶା ଖବରକାଗଜ ଜଗତରେ ନୂଆ ବିପ୍ଳବ ନେଇ ଆସିଥିଲା ସମ୍ବାଦ । ଆଉ ଖବର ପ୍ରକାଶନରେ ସମ୍ବାଦ, ବହୁ ନୂଆ ଧାରାର ପଥପ୍ରଦର୍ଶକ ସାଜି ଆସିଛି । ୩୬ ବର୍ଷର ଏହି ଗୌରବମୟ ଯାତ୍ରାରେ ଓଡ଼ିଶାର ଜନମାନସରେ ଏକ ସ୍ୱତନ୍ତ୍ର ସ୍ଥାନ ହାସଲ କରିପାରିଛି ସମ୍ବାଦ । ବହୁ ଝଡଝଂଜା ସହି ନିରବଚ୍ଛିନ୍ନ ଭାବେ ଓଡିଶାବାସୀଙ୍କ ପାଖରେ ଖବର ପହଂଚାଇ ଆସିଛି ଏବଂ ଆଜି ଘରେ ଘରେ ପରିଚିତ ହୋଇପାରିଛି ସମ୍ବାଦ ।
Kanak News is now on WhatsApp
Join and get latest news updates delivered to you via WhatsApp
ତେବେ କରୋନା କଟକଣା ଯୋଗୁଁ ସ୍ୱନକ୍ଷତ୍ର ଉତ୍ସବ ପାଳନ କରାଯାଉ ନଥିବା କହିଛନ୍ତି ସମ୍ବାଦର ସଂପାଦକ ସୌମ୍ୟରଂଜନ ପଟ୍ଟନୟକ । ସେ କହିଛନ୍ତି କରୋନା ମହାମରୀ ସବୁକିଛି ବଦଳାଇ ଦେଇଛି । ବଜାର ଉପରେ ସଂପୂର୍ଣ୍ଣ ନିର୍ଭରଶୀଳ ବ୍ୟବସ୍ଥା ଯେଉଁ ମୂଲ୍ୟବୋଧ ସଂକଟର ସମ୍ମୁଖୀନ ହୋଇ ଆସୁଥିଲା କରୋନା ମହାମାରୀ ପ୍ରଭାବରେ ସ୍ପଷ୍ଟ ଭାବେ ସାମ୍ନାକୁ ଆସିଛି । ସେହିପରି ଏକ ଦାୟିତ୍ୱବାନ ବୈଦ୍ୟୁତିକ ଗଣମାଧ୍ୟମ ହିସାବରେ ସଫଳତାର ସହ ୧୧ ବର୍ଷ ପୂରଣ କରିଛି କନକ ନ୍ୟୁଜ୍ ।
ସଠିକ ଓ ସତ୍ୟ ଖବର ପରିବେଷଣ ସହ ରାଜ୍ୟବାସୀଙ୍କ ପ୍ରତି ଥିବା ଦାୟିତ୍ୱକୁ ସୁଚାରୁ ରୂପେ ତୁଲାଇ ଆସିଛି । ଅନ୍ୟାୟ, ଅତ୍ୟାଚାର ବିରୋଧରେ ଲଢେଇ କରି ସତକୁ ସାମ୍ନାକୁ ଆଣିବା ସହ ଓଡିଶାବାସୀଙ୍କ ପସନ୍ଦ ପାଲଟିଛି କନକ ନ୍ୟୁଜ୍ । ବୈଦ୍ୟୁତିକ ଗଣମାଧ୍ୟମମାନଙ୍କ ମଧ୍ୟରେ ଖବର ପ୍ରସାରଣ ଶୈଳୀରେ ପରିବର୍ତନ ଆଣି ସାଢ଼େ ୪ କୋଟି ଜନତାଙ୍କ ସ୍ୱର ପାଲଟିଛି କନକ ନ୍ୟୁଜ୍ ।