ଓଡିଆ ଫିଲ୍ମକୁ ମିଳୁନି ହଲ : କାହିଁକି ଓଡିଆ ଫିଲ୍ମ ପ୍ରତି କମୁଛି ଆଗ୍ରହ ?
କନକ ବ୍ୟୁରୋ : ଆଜି ଜାତୀୟ ସିନେମା ଦିବସରେ ସାରା ଦେଶରେ ୪ହଜାରରୁ ଅଧିକ ହଲରେ ମାତ୍ର ୭୫ଟଙ୍କାରେ ଟିକେଟ ଦିଆଯାଇ ହଲ୍ ପ୍ରତି ଦର୍ଶକଙ୍କୁ ଅଧିକ ଆକୃଷ୍ଟ କରାଯାଉଛି । କିନ୍ତୁ ଏପଟେ ଓଡ଼ିଆ ଫିଲ୍ମକୁ ହଲ୍ ମିଳୁନି ? ପ୍ରଶ୍ନ ଉଠୁଛି କାହିଁକି ?
Kanak News is now on WhatsApp
Join and get latest news updates delivered to you via WhatsApp
ସମସ୍ତଙ୍କର ଗୋଟିଏ ମତ ସିନେମା ଭଲ ହେଉନି, ଦକ୍ଷିଣରୁ କାହାଣୀ କପି ହେଉଛି, ବାହାରର ନିର୍ଦ୍ଦେଶକ ଓଡ଼ିଆ ଦର୍ଶକଙ୍କ ରୁଚିକୁ ବୁଝି ସେ ପ୍ରକାର ଚଳଚିତ୍ର କରିପାରୁନାହାନ୍ତି । ଗତ ୧୦-୧୫ବର୍ଷ ଧରି ଓଡ଼ିଆ ସିନେମାର ପତନର ଧାରା ଆରମ୍ଭ ହୋଇଯାଇଛି । ବିଭିନ୍ନ ସମୟରେ ଆମ ଚଳଚ୍ଚିତ୍ର ଭିନ୍ନ ଆଉ ଏହାକୁ ଦେଖିବା ପାଇଁ ହଲକୁ ଆସନ୍ତୁ କହି କଳାକାର ମାନେ କ୍ୟାମ୍ପେନ କରିନ୍ତି କିନ୍ତୁ ହଲକୁ ଆସି ଦର୍ଶକ ହତାଶ ହୋଇ ଫେରୁଛନ୍ତି । ଯଦି ଭଲ ସିନେମା ହେବ ତା ହେଲେ ନିଶ୍ଚୟ ଚାଲିବ ଆଉ ହଲ ମାଲିକମାନେ ବି ଏ ସିନେମା ପାଇଁ ପ୍ରତିଯୋଗିତା କରିବେ ।
ଓଡ଼ିଆ ଦର୍ଶକଙ୍କୁ ଆକୃଷ୍ଟ କରିପାରୁନି ଓଡ଼ିଆ ଚଳଚ୍ଚିତ୍ର । ଫିଲ୍ମର କାହାଣୀ ଦମଦାର ହେଉନଥିବାରୁ ଦର୍ଶକ ଫିଲ୍ମ ହଲ୍ ଆସିବାକୁ ଚାହୁଁନାହାନ୍ତି । ଫିଲ୍ମର ଭଲ ପ୍ରମୋସନ ହେଉନଥିବାରୁ ବ୍ୟବସାୟ ବି ଆଖିଦୃଶିଆ ହେଉନଥିବା କହିଛନ୍ତି ଫିଲ୍ମ ହଲ କର୍ତ୍ତୃପକ୍ଷ । ହଲରେ ଓଡ଼ିଆ ଚଳଚ୍ଚିତ୍ର ପଡିଲେ ବି ମାତ୍ର ଗୋଟିଏ ଶୋ ପରେ ଦର୍ଶକଙ୍କ ଭିଡ ଦେଖିବାକୁ ମିଳୁନାହିଁ । ସେଥିପାଇଁ ଓଡ଼ିଆ ଫିଲ୍ମ ବଦଳରେ ହିନ୍ଦୀ ଫିଲ୍ଳ ହଲରେ ପଡୁଛି ।