ତାଲାବନ୍ଦ ବଢ଼ାଇଲା ଦାଦନଙ୍କ ଦୁଃଖ: ତାମିଲନାଡୁରେ ଫସିଛନ୍ତି ଓଡିଆ ଶ୍ରମିକ; ଘର ଛାଡିବା ପାଇଁ ମାଲିକ ମାଡ ମାରୁଥିବା ଅଭିଯୋଗ
ଉଦ୍ଧାର କରିବାକୁ ଭିଡିଓ ମେସେଜ ଜରିଆରେ କଲେ ନିବେଦନ
କନକ ବ୍ୟୁରୋ: ସାରା ଦେଶରେ ଲକଡାଉନ ବା ତାଲାବନ୍ଦ ଫଳରେ ବିଭିନ୍ନ ସ୍ଥାନରେ ଲୋକେ ଘରୁ ବାହାରକୁ ବାହାରି ପାରୁନାହାନ୍ତି । ଏହି ସମୟରେ ବିଭିନ୍ନ ସ୍ଥାନରେ ଅଟକି ରହିଥିବା ଦାଦନ ଶ୍ରମିକଙ୍କ ଦୁର୍ଦ୍ଦଶା ବଢିବାରେ ଲାଗିଛି । ଏଭଳି ସମୟରେ ତାମିଲନାଡୁରୁ ଆସିଛି ବିଚଳିତ କରିବା ଭଳି ଖବର । ସେଠାରେ ଫସି ରହିଥିବା କିଛି ଓଡିଆଙ୍କୁ ଘର ମାଲିକ ମାଡ ମାରିବା ସହ ଘରୁ ବାହାର କରିଦେଇଥିବା ନେଇ ଭିଡିଓ ମେସେଜ୍ ମାଧ୍ୟମରେ ଅଭିଯୋଗ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏପରିକି ତାମିଲନାଡୁ ତିରପୁର ଜିଲ୍ଲାରେ ଘର ମାଲିକ ଗୁଣ୍ଡା ଲଗାଇ ଓଡିଶାର ମହିଳାଙ୍କୁ ମାଡ ମାରିଥିବା ଅଭିଯୋଗ କରିଛନ୍ତି । ତେଣୁ ସେମାନଙ୍କୁ ଉଦ୍ଧାର କରିବା ପାଇଁ ଅନୁରୋଧ କରିଛନ୍ତି । ଯଦି ସେମାନଙ୍କ କଥା ସରକାର ନବୁଝନ୍ତି ତେବେ ସେମାନେ ପାଦରେ ଚାଲି ଚାଲି ଓଡିଶା ଆସିବାକୁ ବାଧ୍ୟ ହେବେ ବୋଲି କହିଛନ୍ତି ।