୨୦୧୫ରେ ଅଭାବୀଜିଲ୍ଲା ଭାବେ ବଦନାମ ହୋଇଥିଲା ନବରଙ୍ଗପୁର । କାଜୁ ଚାଷ, ଓ ପୋଖରୀ ନିର୍ମାଣ କରି ୪ ବର୍ଷରେ ଦାରିଦ୍ର୍ୟକୁ ଦୂର କଲେ ଓଡ଼ିଆ ଆଇଏଏସ ।
କନକ ବ୍ୟୁରୋ: କଥାରେ ଅଛି ଜଣେ ବଣିଆ ହିଁ ପ୍ରକୃତ ସୁନାକୁ ପରଖି ପାରେ ଆଉ ତା ମୂଲ କ’ଣ ହେବ ସେ ହିଁ ତାର ଜବାବ ଦେଇପାରେ । ୨୦୧୫ରେ ଭାରତର ସବୁଠାରୁ ଅଭାବଗ୍ରସ୍ତ ଜିଲ୍ଲା ବା ‘ଜିରୋ ଡିଷ୍ଟ୍ରିଟ୍’କୁ ନେଇ ୟୁଏସ-ଭାରତ ପଲିସି ଇଂଷ୍ଟିଚ୍ୟଟ୍ ତରଫରୁ ଏକ ସର୍ଭେ କରାଯାଇଥିଲା । ଆଉ ଦେଶର ସବୁଠାରୁ ପଛୁଆ ଜିଲ୍ଲା ବା ଜିରୋ-ଡିଷ୍ଟ୍ରିଟ୍ ଭାବେ ଓଡ଼ିଶାର ନବରଙ୍ଗପୁର ତୃତୀୟ ସ୍ଥାନରେ ରହିଥିଲା । କିନ୍ତୁ ଏହା ସ୍ଥାନୀୟ ବାସିନ୍ଦାଙ୍କୁ ଆଶ୍ଚର୍ଯ୍ୟ କରିନଥିଲା । କାରଣ ସେଠାରେ ସେତେବେଳର ସ୍ଥିତି ତାଙ୍କ ଜିଲ୍ଲାକୁ ମିଳିଥିବା ଟ୍ୟାଗ୍ ଚିନ୍ତିତ କରିନଥିଲା । ଏହାର ଆଉ ଏକ କାରଣ ଥିଲା ଯେ, ପାଖାପାଖି ୯୫ ପ୍ରତିଶତ ଦକ୍ଷିଣ-ପଶ୍ଚିମ ଓଡ଼ିଆ ଲୋକମାନେ ରାସନ କାର୍ଡଧାରୀ ଥିଲେ । ତେଣୁ ସେମାନଙ୍କୁ ୨୫ କିଲୋ ଚାଉଳ ମିଳିଯାଉଥିଲା ଯେଉଁଥିରେ ତାଙ୍କ ପେଟ ପୁରିଯାଉଥିଲା । କିନ୍ତୁ ଗୋଟେ ଉତ୍ତମ ଜୀବନଶୌଳୀ ପାଇଁ ସେମାନେ ସଂଘର୍ଷ କରୁଥିଲେ ।
Kanak News is now on WhatsApp
Join and get latest news updates delivered to you via WhatsApp
ସେପଟେ ନବରଙ୍ଗପୁର ଜିଲ୍ଲାର ବରଦାନ ପାଲଟି ୨୦୧୫ ଅଗଷ୍ଟ ମାସରେ ଜିଲ୍ଲାପାଳ ଭାବେ ଦାୟିତ୍ୱ ନେଇଥିଲେ ରଶ୍ମିତା ପଣ୍ଡା । ଆଉ ତାଙ୍କର ଗୋଟିଏ ଲକ୍ଷ୍ୟ ଥିଲା ଯେ, ସବୁଠାରୁ ଅଭାବିଗ୍ରସ୍ତ ଜିଲ୍ଲାରେ ମୂଳତ ସ୍ୱସ୍ଥ୍ୟ, ଜୀବନଜୀବୀକା ଓ କୃଷି ଭିତ୍ତିଭୂମି କ୍ଷେତ୍ରର ବିକାଶ କରିବା । ତେଣୁ କାଜୁ ଚାଷକୁ ବେଶ୍ ଗୁରୁତ୍ୱ ଦେଇଥିଲେ ରଶ୍ମିତା । କାରଣ ୧୯୭୦ରୁ ୯୦ ମସିହା ମଧ୍ୟରେ ଓଡ଼ିଶାରେ ପାଖାପାଖି ୧୮ ହଜାର ହେକ୍ଟର ଜମିରେ କାଜୁ ଚାଷ କରାଯାଉଥିଲା । ଏପରିକି ଦେଶକୁ ଏହି କାଜୁ ଚାଷରେ ପୂର୍ବ-ଭାରତର ରାଜ୍ୟ ଗୁଡ଼ିକର ବଡ଼ ଭୂମିକା ରହିଥିଲା । କିନ୍ତୁ ଧିରେ ଧିରେ ଏହି ଚାଷକୁ ଭୁଲି ଯାଇଥିବା ଚାଷୀଙ୍କୁ କିଭଳି ପୁଣି ସେଇ ଚାଷ କରିବାନେଇ ବୁଝାଇବେ ତାହା ତାଙ୍କ ପାଇଁ ଏତେ ସହଜ ନଥିଲା । ଏହାର ପ୍ରମୁଖ କାରଣ ଥିଲା ୨୦୦୪-୨୦୦୫ ମଧ୍ୟରେ ରାଜ୍ୟ ସରକାର ଏହି କାଜୁ ଚାଷରୁ ମାତ୍ର ୧କୋଟି ୮୦ ଲକ୍ଷ ଟଙ୍କା ରାଜ୍ୱସ ପାଉଥିଲେ । ତେଣୁ ଏହାକୁ ବୃଦ୍ଧି କରିବା ଏବଂ ସେମାନଙ୍କ ପାଇଁ ରୋଜଗାରର ଅନ୍ୟ ଏକ ଜରିଆ ବାହାର କରିଥିଲେ ରଶ୍ମିତା ।
ନବରଙ୍ଗପୁର ଜିଲ୍ଲାରେ ପାଖାପାଖି ୩୦ ପ୍ରତିଶତ ଚାଷ ଜମିରେ ଯେଉଁଠି ଧାନ କିମ୍ବା ମକା ଚାଷ ସମ୍ଭବ ହେଲା ନାହିଁ ସେଠି ଚାଷୀଙ୍କ ସହାୟତାରେ କାଜୁ ଚାଷ ଆରମ୍ଭ ହେଲା । ଆଉ ସବୁଠାରୁ ବଡ଼କଥା ହେଲା କି, ସେଠାରେ ସ୍ୱାଭାବିକ ବର୍ଷା, ପାଣିପାଗ କାଜୁ ଚାଷ ପାଇଁ ସବୁଠାରୁ ଉତ୍ତମ ଥିଲା । ତେଣୁ ଗରୀବ ଶ୍ରେଣୀର ଚାଷୀମାନଙ୍କୁ ଏହାକୁ ପାରମ୍ପାରିକ ଚାଷ ଭାବେ ଉପସ୍ଥାପନା କରିବାକୁ ପ୍ରୟାସ କରାଗଲା । ସରକାରଙ୍କ ବିଭିନ୍ନ ଯୋଜନରେ ସରକାରୀ ଅଦକାରୀ ଜମି ଗୁଡ଼ିକୁ ବିଭିନ୍ନ ଏଜେନ୍ସି ଗୁଡ଼ିକୁ ଦିଆଗଲା । ଯେଉଁଥିରେ ଭୂମିହୀନ ଚାଷୀଙ୍କୁ ଏହି ସରକାରୀ ଅଦରକାରୀ ଜମି ଗୁଡ଼ିକ ପ୍ରଦାନ କରାଗଲା । ଆଉ ସେମାନେ ପ୍ରତି ଏକର ଜମିରେ ୭୦-୮୦ କାଜୁ ଚାରା ରୋପଣ କରିଲେ । ଏହାପରେ ସେମାନଙ୍କୁ ଏହି କାଜୁ ଚାଷ ପ୍ରତି ଆକୃଷ୍ଟ କରିବା ପାଇଁ କାଜୁ ଚାରା ମାଗଣାରେ ପ୍ରଦାନ କଲେ ରାଜ୍ୟ ସରକାର ।
ଏହାପରେ ଫଳମୁତାବକ ଗୋଟିଏ କାଜୁ ଗଛରୁ ପାଖାପାଖି ୧୨ରୁ୧୫ କେ.ଜି କାଜୁ ମିଳିପାରିଲା । ଯାହାର ବଜାରରେ ମୁଲ୍ୟ ଥିଲା ୧୨୦-୧୩୦ ଟଙ୍କା । କିଛି ଦିନ ମଧ୍ୟରେ ଏହି ଚାଷ ଦ୍ୱାରା ଚାଷୀମାନଙ୍କ ରୋଜଗାରେ ଉନ୍ନତି ଆଣିପାରିଲା । ପୂର୍ବତନ ଉନ୍ନୟନ କମିଶନର ଆର.ବାଲକ୍ରୀଷ୍ଣନ୍ ସେତେବେଳେ ନବରଙ୍ଗପୁର ଜିଲ୍ଲାର ନୋଡ଼ାଳ ଅଫିସର ଭାବେ ନିଯୁକ୍ତି ହୋଇଥିଲେ । ଯାହାକି ଏହି ଚାଷ ଏବଂ ଏଭଳି କାର୍ଯ୍ୟ ପାଇଁ ତାଙ୍କ ଠାରୁ ବେଶ୍ ସମର୍ଥନ ମିଳିଥିଲା । ତେଣୁ ସ୍ଥାନୀୟ କୃଷକ ସାଥୀଙ୍କ ସହାୟତାରେ ଘର ଘର ବୁଲି ଅଦରକାରୀ ଜମି ଗୁଡ଼ିରେ ଏହି କାଜୁ ଚାଷ କରିବାକୁ ବୁଝାଇଥିଲୁ । ଯେିଁଥିରେ ସେମାନଙ୍କୁ ଅତିରିକ୍ତ ରୋଜଗାର ଏକ ଜରିଆ ହୋଇପାରିବ । ଅନେକ ବୈଠକ ଅନେକ ଆଲୋଚନା ବୁଝାଇବା ପରେ ବିଭିନ୍ନ ଚାଷୀମାନେ ଏହି କାଜୁ ଚାଷ ପ୍ରତି ଆକୃଷ୍ଟ ହୋଇଥିଲେ ବୋଲି ରଶ୍ମିତା କହିଛନ୍ତି ।
ସେପଟେ ଏହି ଅଦକାରୀ ଚାଷ ଜମି ଗୁଡ଼ିକୁ କାଜୁ ଚାଷ ଉପଯୋଗୀ କରିବା ପାଇଁ ସେଠରେ ବିଦ୍ୟୁତ୍ ସଂଯୋଗୀ କରଣ ସହ ପ୍ରତି ଜମି ପାଇଁ ନୂଆ ନଳକୂପ ସ୍ଥାପନ କରଗଲା । ଯାହାଫଳରେ ୨୦୧୫ରୁ ୨୦୧୭ ମଧ୍ୟରେ ପାଖାପାଖି ୧୩ ହଜାର ହେକ୍ଟର ଜମିରେ ଏହି କାଜୁ ଚାଷ ସଫଳତା ପାଇଲା । କେବଳ ନବରଙ୍ଗପୁରରେ ନୁହେଁ ବରଂ ରାଜ୍ୟର ଅନ୍ୟ ୯ଟି ଜିଲ୍ଲାରେ ମଧ୍ୟ ଏହି ଚାଷରେ ଅଭିବୃଦ୍ଧି ଘଟିଲା । ଅନ୍ୟପଟେ ୨୦୧୭ ଏହି ଜିଲ୍ଲାର ଚଷୀମାନଙ୍କ ପାଇଁ ରବି ଫସଲରେ ପନିପରିବା ଚାଷର ଅଭିବୃଦ୍ଧି ପାଇଁ ୨୫ ଫୁଟ ଚଉଡ଼ା ଏବଂ ୧୭ ଫୁଟ ଗଭୀରର ୧୧୩ଟି କୂପର ନିର୍ମାଣ କରାଯାଇଥିଲା । ଏହାସହ ୧ ହଜାର ୩୫୪ଟି ପୋଖରୀ , ଅତିରିକ୍ତ ୧୪୦ଟି ଜେକ୍ ଡ୍ୟାମ୍ ଚାଷୀଙ୍କ ଉନ୍ନତି ପାଇଁ ମଧ୍ୟ ନିର୍ମାଣ କରାଯାଇଥିଲା । ଯାହାକି ପାଖାପାଖି ୧ ହଜାର ୯୨୦ ହେକ୍ଟର ଜମିକୁ ଚାଷ କ୍ଷେତ୍ରରେ ସହାୟତା କରୁଥିଲା ।
ଏତିକିରେ ରଶ୍ମିତାଙ୍କ ଲକ୍ଷ୍ୟ ଶେଷ ହୋଇନଥିଲା ବରଂ ନବରଙ୍ଗୁପର ଜିଲ୍ଲାବାସୀଙ୍କ ପାଇଁ ୨୫ଟି ଡିଜିଟାଲ୍ ଡାକ୍ତରଖାନା ନିର୍ମାଣ କରିବା ତାଙ୍କ ପାଇଁ ସବୁଠାରୁ ଗୌରାବନ୍ୱିତ କାର୍ଯ୍ୟ ବୋଲି କହିଛନ୍ତି ଆଇଏଏସ ରଶ୍ମିତା ପଣ୍ଡା । ଏହାସହ ୪୯ଟି ପିଏଚସି ନିର୍ମାଣ କରିଥିଲେ । ଯେଉଁଠି ସ୍ୱାସ୍ଥ୍ୟ ସେବା ସବୁଠାରୁ ଗୁରୁତ୍ୱପୂର୍ଣ୍ଣ ବିଷୟ ଥିଲା ସେଠାରେ ସ୍ଥାନୀୟ ଲୋକମାନଙ୍କ ସ୍ୱାସ୍ଥ୍ୟସେବାରେ ମଧ୍ୟ ଉନ୍ନତି ଆଣିବାରେ ସଫଳ ହୋଇଥଲେ ବୋଲି କହିଛନ୍ତି ରଶ୍ମିତା । ପରେ ପରେ ଏଠାରେ ନବମ-ଦଶମ ଶ୍ରେଣୀ ଠାରୁ ପିଲାମାନଙ୍କୁ ବିଭିନ୍ନ ସେକ୍ଟରରେ କୁଶଳୀ ତାଲିମ ପ୍ରଦାନ କରାଗଲା । ବିଶେଷ କରି ସ୍ୱାସ୍ଥ୍ୟ, ଶିକ୍ଷା, କୃଷି, ଜଳସେଚନ ଏବଂ ଜୀବିକା ଭଳି କ୍ଷେତ୍ରରେ ସେମାନଙ୍କୁ ଏହି ଶ୍ରେଣୀରୁ ତାଲିମ କରାଗଲା । ଫଳରେ ୧୦ଟି ବ୍ଲକରେ ବିଭକ୍ତ ହୋଇଥିବା ଏହି ଜିଲ୍ଲାରେ ଏହିସବୁ କ୍ଷେତ୍ରକୁ ଗୁରୁତ୍ୱ ଦେଇ କାର୍ଯ୍ୟ ଆଗେଇ ଚାଲିଲା । ଆଉ ୨୦୧୯ ଫେବୃୟାରୀ ଅଥବା ୪ ବର୍ଷ ମଧ୍ୟରେ ନବରଙ୍ଗପୁର ଜିଲ୍ଲା ଅତି ଚମକ୍ରାର ସଫଳତା ପାଇପାରିଛି ।
ସେପଟେ ଏହାରି ମଧ୍ୟରେ ନବରଙ୍ଗପୁର ଜିଲ୍ଲାପାଳ ରଶ୍ମିତା ପଣ୍ଡାଙ୍କ ବଦଳି ହୋଇଛି । ୨୦୧୫ରେ ଜିଲ୍ଲାପାଳ ରୂପେ ଦାୟୀତ୍ୱ ଗ୍ରହଣ କରି ଜିଲ୍ଲାକୁ “ଜିରୋ ଡିଷ୍ଟ୍ରିଟ”ରୁ ପରିବର୍ତ୍ତନ କରି ଜିଲ୍ଲାକୁ ବିକାଶ ପଥରେ ଆଗେଇ ନେଇପାରିଥିଲେ । ଏଥିପାଇଁ ରାଜ୍ୟ ସରକାରଙ୍କ ଠାରୁ ଚାରି ଚାରି ଥର ପୁରଷ୍କୃତ ହୋଇଥିଲେ । ସେହିଭଳି “ବେଷ୍ଟ ରିହାବିଲ୍ଟେଡ ଇନ୍ ସୋସିଆଲ୍ ସେକ୍ୟୁରିଟି”, ”ସର୍ବଶ୍ରେଷ୍ଠ ଜେଡ୍ କେଏସ୍ ଏସ୍ ”ପୁରଷ୍କାର ଓ “ବେଷ୍ଟ ଇମର୍ପୁଭ ଡିଷ୍ଟିଟ(ଏମ୍ ଏସ୍ ଏଇ) ନିମନ୍ତେ ମୁଖ୍ୟମନ୍ତ୍ରୀଙ୍କ ଠାରୁ ପୁରଷ୍କୃତ ହୋଇଥିଲେ ରଶ୍ମିତା ପଣ୍ଡା ।