ଜାତୀୟ ଓ ଅର୍ନ୍ତଜାତୀୟସ୍ତରର ସୌନ୍ଦର୍ଯ୍ୟ ପ୍ରତିଯୋଗିତାରେ ପୁଣି ଚମକିଲେ ଓଡ଼ିଆ ପ୍ରତିଯୋଗୀ । କୋଲକତାରେ ଅନୁଷ୍ଠିତ ମିଷ୍ଟର, ମିସ୍ ଏବଂ ମିସେସ୍ ଇଣ୍ଡିଆ ଇଂଟରନ୍ୟାସନାଲ ୨୦୧୯ ପ୍ରତିଯୋଗିତାରେ ଆରାଧନା ମିଶ୍ର ‘ଓମେନ୍ ଅପ୍ ସବଷ୍ଟାନ୍ସ’ ବିବେଚିତ ହୋଇଛନ୍ତି । ଦେଶର ଅନେକ ପ୍ରତିଯୋଗୀଙ୍କୁ ପଛରେ ପକାଇ ଏହି ସଫଳତା ହାସଲ କରିଛନ୍ତି ଆରାଧନା ମିଶ୍ର । ସମ୍ବଲପୁର ଜିଲ୍ଲା ହୀରାକୁଦର ଆରାଧାନା ପୂର୍ବରୁ ଏକାଧିକ ଜାତୀୟ ଅର୍ନ୍ତଜାତୀୟ ପ୍ରତିଯୋଗିତାରେ ସାମିଲ ହୋଇ ସଫଳତା ଆଣିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହା ପୂର୍ବରୁ ଆରାଧନା ଉତରାଖଣ୍ଡର ହଲଦ୍ୱାନିରେ ଅନୁଷ୍ଠିତ ମିସ୍ ଆଣ୍ଡ ମିସେସ୍ ଇଣ୍ଡିଆ ସୌନ୍ଦର୍ଯ୍ୟ ପ୍ରତିଯୋଗିତାରେ ‘ମିସେସ୍ ଫଟୋଜେନିକ୍’ ବିଚେଚିତ ହୋଇଥିଲେ । ଏଥିରେ ଦେଶର ୩୦ଟି ରାଜ୍ୟର ୩୦ ଜଣ ପ୍ରତିଯୋଗୀ ଭାଗ ନେଇଥିଲେ । ଏହି ପ୍ରତିଯୋଗିତାରେ ଆରାଧନା ନିଜ ଆକର୍ଷଣୀୟ ବ୍ୟକ୍ତିତ୍ୱ ବଳରେ ‘ମିସେସ୍ ଫଟୋଜେନିକ୍’ ଟାଇଟଲ ହାସଲ କରିଥିଲେ ।
୨ଟି ସନ୍ତାନର ଜନନୀ ଥିବା ଆରାଧନା ମିଶ୍ର ପରିବାର ସହ ହୀରାକୁଦରେ ରୁହନ୍ତି । ସରଳତାକୁ ହିଁ ସୌନ୍ଦର୍ଯ୍ୟର ମନ୍ତ୍ର ବୋଲି କହିଛନ୍ତି ଆରାଧନା । ଆଉ ଜାତୀୟ ଓ ଅର୍ନ୍ତଜାତୀୟସ୍ତରର ଏହି ସମସ୍ତ ସଫଳତା ପାଇଁ ସେ ତାଙ୍କ ପରିବାର ଲୋକଙ୍କୁ ଶ୍ରେୟ ଦେଇଛନ୍ତି ।