କନକ ବ୍ୟୁରୋ: ୧୯୯୯ ମସିହାରୁ ୨୦୨୦ ଦୀର୍ଘ ୨୧ବର୍ଷ ଓଡ଼ିଆ ସଙ୍ଗୀତ ଶିଳ୍ପକୁ ଶ୍ରୀଚରଣ ମହାନ୍ତି ଦେଇଛନ୍ତି ଏକାଧିକ ସୁମଧୁର ଗୀତ । ତାହା ଭଜନ ହେଉ ଅବା ଆଧୁନିକ । ଏତିକିରେ ସୀମିତ ନାହାଁନ୍ତି ଶ୍ରୀଚରଣ ମହାନ୍ତି , ଓଡ଼ିଆ ଚଳଚିତ୍ରରେ ମଧ୍ୟ ତାଙ୍କର ନିଆରା ଗାୟନ ଶୈଳୀ ସ୍ରୋତାଙ୍କୁ ମୁଗ୍ଧ କରିଛି । ଜଣେ ଓଡ଼ିଆ ଭାବରେ ଓଡ଼ିଆ ଗୀତ ପ୍ରତି ତାଙ୍କର ଅନୁରାଗ ଏବଂ ଓଡ଼ିଆ ଭାଷା ପ୍ରତି ଅହେତୁକ ଦୁର୍ବଳତାକୁ ସହଜରେ ବୁଝିଯାଇହୁଏ ତାଙ୍କ ସଂସ୍ପର୍ଶରେ ଆସିଲେ । ଏ ଜାତିର ଆରାଧ୍ୟ ମହାପ୍ରଭୁ ଶ୍ରୀଜଗନ୍ନାଥ ଓ ତାଙ୍କ ଜନ୍ମ ମାଟିର ଠାକୁରାଣୀ ମାଆ ସାରଳା ହିଁ ଶ୍ରୀଚରଣ ଙ୍କ ପାଇଁ ସବୁକିଛି । ସେଇଥିପାଇଁ ତ ସକଳ ଶ୍ରେୟ ମାଆ ସାରଳା ଓ ଶ୍ରୀଜଗନ୍ନାଥଙ୍କୁ ସେ ଅର୍ପଣ କରନ୍ତି ।
Kanak News is now on WhatsApp
Join and get latest news updates delivered to you via WhatsApp
୨୦୨୦ ମାର୍ଚ୍ଚ ମାସର ଶେଷାର୍ଦ୍ଧ ଯେତେବେଳେ କରୋନା ମହାମାରୀ ରେ ସମଗ୍ର ବିଶ୍ୱ କବଳିତ ହେଲା, ଓଡ଼ିଆ ସଙ୍ଗୀତ ଶିଳ୍ପ ବାଦ ପଡ଼ନ୍ତା ବା କେମିତି ! ଗୀତକୁ ଜୀବନ ଆଉ ଜୀବିକା ଭାବିଥିବା ଶ୍ରୀଚରଣ ମଧ୍ୟ ଉପାୟ ଶୁନ୍ୟ ହୋଇଯାଇଥିଲେ । ସୌଭାଗ୍ୟର ବିଷୟ କେଇଟା ଦିନପରେ ଯେତେବେଳେ ଶ୍ରୋତା ଘରେ ବନ୍ଦୀ ହୋଇ ବସିବାକୁ ବାଧ୍ୟ ହେଲେ, ୟୁଟୁବ ରେ ଖୋଜିଥିଲେ ତାଙ୍କର ପ୍ରିୟ କଣ୍ଠଶିଳ୍ପୀ ଶ୍ରୀଚରଣ ମହାନ୍ତିଙ୍କୁ । ଶ୍ରୀଚରଣ ବି ନିରାଶ କରି ନ ଥିଲେ । ନିଜର ଫେସବୁକ ଆଉ ବିଭିନ୍ନ ୟୁଟୁଵ ଚାନେଲ ମାଧ୍ୟମରେ ଗାଇଥିଲେ ଅନେକ ନୂଆ ଗୀତ । ରେକର୍ଡ଼ କରିଚାଲିଥିଲେ ଗୋଟେ ପରେ ଗୋଟେ ଭାବପୁର୍ଣ ଭଜନ । କେବଳ ଓଡ଼ିଶା ନୁହଁ ବରଂ ସୁଦୂର ଆମେରିକା, କାନାଡ଼ା, ଦୁବାଇ, ମୁମ୍ବାଇ, ଦିଲ୍ଲୀରୁ ଛୁଟିଥିଲା ପ୍ରଶଂସାର ସୁଅ । ଅନେକ ଶ୍ରୋତା ନିଜ ନିଜର ମତାମତ ରଖିଥିଲେ, ବାଧି ନ ଥିଲା ଲକ ଡାଉନ ।
ନିକଟରେ ଆମେ ସବୁ କଟକଣା ଭିତରେ ଥାଇ ମଧ୍ୟ ଦୁର୍ଗା ପୂଜା, ଗଣେଶ ପୂଜା, କାର୍ତ୍ତିକ ପୂର୍ଣ୍ଣିମାରେ ଶୁଣିବାକୁ ପାଉଛୁ ଶ୍ରୀଚରଣଙ୍କ ସୁମଧୁର କଣ୍ଠ ସ୍ୱର ପୁଣି ଅରଖ ନୂଆ ଗୀତ । ସ୍ରୋତାଙ୍କ ଅନୁରୋଧ ରକ୍ଷା କରି, ଶ୍ରୀଚରଣ ଆୟୋଜନ କରିଥିଲେ ପ୍ରବାସୀ ଭାଇ ଭଉଣୀଙ୍କ ପାଇଁ ଏକ ବିମଳ ଭଜନ ଆସର(ଫେସବୁକ ଆଇ ଡି ରେ) । କଟକଣା କୁ ମାନି ସ୍ରୋତାଙ୍କୁ ନିରାଶ କରି ନ ଥିବା ଶ୍ରୀଚରଣ ଙ୍କ ଡିମାଣ୍ଡ ଆଜିବି ସ୍ୱୀକାର କରିବାକୁ ହେବ । ମହାପ୍ରଭୁଙ୍କ ପାଖରେ ଆମର ପ୍ରାର୍ଥନା, ଆଗକୁ ଏମିତି ନୂଆ ନୂଆ ଗୀତ ଶ୍ରୀଚରଣ ମହାନ୍ତି ଭେଟି ଦଉଥାନ୍ତୁ । ସମସ୍ତଙ୍କ ଛାତି ତଳେ ତାଙ୍କ ପାଇଁ ଜାଗା ଟେ ଥାଉ । ଅଶେଷ ଧନ୍ୟବାଦ କଣ୍ଠଶିଳ୍ପୀ ଶ୍ରୀଚରଣ ମହାନ୍ତିଙ୍କୁ ।