ସଂକଟରେ ଆଫଗାନିସ୍ତାନ । ସୁରକ୍ଷା ପ୍ରସଙ୍ଗରେ ୭ ଦେଶର ସୁରକ୍ଷା ପରାମର୍ଶଦାତାଙ୍କ ବୈଠକ

କନକ ବ୍ୟୁରୋ : ଆଫଗାନିସ୍ତାନକୁ ତାଲିବାନ ଦଖଲ କରିବା ପରେ ସେଠାରେ ଦେଖାଦେଇଥିବା ବିଭିନ୍ନ ସମସ୍ୟା ନେଇ ୭ ଟି ଦେଶର ରାଷ୍ଟ୍ରୀୟ ସୁରକ୍ଷା ପରାମର୍ଶଦାତାମାନେ ଦିଲ୍ଲୀରେ ଏକ ବୈଠକ କରୁଛନ୍ତି । ଏହି ବୈଠକରେ ଇରାନ, ଋଷ, ତାଜିକିସ୍ତାନ, କିର୍ଗିସ୍ତାନଳ କଜାଖସ୍ତାନ, ଓଜବେକିସ୍ତାନ ଓ ତୁର୍କିମୋନିସ୍ତାନ ସାମିଲ ହୋଇଛି । ଏହି ବୈଠକରେ ଯୋଗ ଦେଇଥିବା ସମସ୍ତ ସଦସ୍ୟା ଆଫଗାନର ସ୍ଥତି ନେଇ ଚିନ୍ତା ପ୍ରକଟ କରିଛନ୍ତି । ବୈଠକରେ ବିଶେଷ କରି ଆତଙ୍କବାଦ ଓ ନିଶା ଚୋରା ଚାଲଣ ରୋକିବା ଉପରେ ଫୋକସ କରାଯାଇଛି ।

ଏହି ବୈଠକର ନାମ ‘ଦିଲ୍ଲୀ ରିଜନଲ ସିକ୍ୟୁରିଟି ଡାଏଲଗ ଅନ ଆଫଗାନିସ୍ତାନ’ ରଖାଯାଇଛି । ଏହି ଏନଏସଏ ଲେବଲ ବୈଠକକୁ ଭାରତ ଆୟୋଜିତ କରିଛି । ଏହାସହ ଭାରତର ଜାତୀୟ ସୁରକ୍ଷା ପରିଷଦର ଅଧ୍ୟକ୍ଷ ଅଜିତ ଡୋଭାଲ ଏହି ବୈଠକରେ ଅଧ୍ୟକ୍ଷତା କରୁଛନ୍ତି । ଏହି ବୈଠକରେ ଯୋଗ ଦେବାକୁ ପାକିସ୍ତାନ ମନା କରିଦେଇଥିଲା । ଏହାସହ ଚୀନ ବି ସିଡ୍ୟୁଲର ବାହାନା ଦେଖାଇ ଏହି ବୈଠକରୁ ଉହୁରି ଯାଇଛି ।

ଏହି ବୈଠକରେ ଡୋଭାଲ କହିଛନ୍ତି କି “ମୋର ପୂର୍ଣ୍ଣ ବିଶ୍ୱାସ ରହିଛି କି ଆମ ମଧ୍ୟରେ ବିଚାର ବିମର୍ଷ ଆଫଗାନ ଲୋକଙ୍କ ସମସ୍ୟା ସମାଧାନ କରିବା ସହ ଆମର ସାମୁହିକ ସୁରକ୍ଷା ବୃଦ୍ଧି କରିବାରେ ସହାୟକ ହେବ”