ସୁଲଭ ମୂଲ୍ୟରେ ମିଳିବ କର୍କଟ ଔଷଧ ! କର୍କଟ ଭଳି ଘାତକ ରୋଗର ୩୯୦ ଟି ଔଷଧ ଉପରେ ଜାରୀ ହେଲା ନୂଆ ଏମଆରପି ।

ରାଷ୍ଟ୍ରୀୟ ଔଷଧ ମୂଲ୍ୟ ପ୍ରଧିକରଣ (ଏନପିପିଏ) ତରଫରୁ ଶୁକ୍ରବାର କ୍ୟାନ୍ସରର ଉପଚାର ପାଇଁ ବ୍ୟବହାର ହେଉଥିବା ୩୯୦ ମେଡିସିନ୍ ଉପରେ ନୂଆ ଏମଆରପି ଲିଷ୍ଟ୍ ଜାରୀ କରିଛନ୍ତି । ଏନପିପିଏ ଏହି ଔଷଧର ଦାମରେ ୮୭ ପ୍ରତିଶତ ପର୍ଯ୍ୟନ୍ତ ଦାମ୍ କମ୍ କରିଛନ୍ତି । ଏନପିପିଏ ୩୮ ଟି ବଟିକାର ଦାମରେ ୭୫ ପ୍ରତିଶତ କମ୍ କରିଛନ୍ତି । ଏଭଳି ଅନୁମାନ କରାଯାଉଛି ଯେ ଔଷଧର ଦାମ୍ କମ୍ ହେବା ପରେ ରୋଗୀ ପାଖାପାଖି ୮୦୦ କୋଟି ଟଙ୍କା ବଚାଂଇପାରିବେ ।

ଏହା ପୂର୍ବରୁ ଫେବୃୟାରୀ ୨୭ ତାରିଖରେ ଅସାଧାରଣ ଶକ୍ତି ପ୍ରଦର୍ଶନ କରି ରାଷ୍ଟ୍ରୀୟ ଔଷଧ ମୂଲ୍ୟ ପ୍ରଧିକରଣ ଅଧିସୂଚନାରେ କୁହାଯାଇଥିଲା ଯେ କ୍ୟାନ୍ସରର କିଛି ମେଡିସିନ୍ ଉପରେ ୩୦ ପ୍ରତିଶତରୁ ଅଧିକ ଲାଭ ନିଆଯାଇପାରିବ ନାହିଁ । କ୍ୟାନ୍ସରର ଚିକିତ୍ସାରେ କାମ ଆସୁଥିବା ୪୨ ବେଆଇନ୍ ଅନୁସୂଚିତ ମେଡିସିନ୍ ଏବେ ମୂଲ୍ୟର କାଟେଗୋରୀରେ ଆସିଯାଇଛନ୍ତି । କ୍ୟାନ୍ସର ସହ ଜଡିତ ୫୭ ଟି ଔଷଧ ପୂର୍ବରୁ ମୂଲ୍ୟ ନିୟନ୍ତ୍ରଣର କାଟେଗୋରୀରେ ରହିଛନ୍ତି । ତେବେ ବ୍ୟବସାୟ ଲାଭ ଉପରେ ଲଗାମ ଲଗାଯାଇ ୩୫୫ ବ୍ରାଣ୍ଡ ଏବେ ମୂଲ୍ୟ ନିୟନ୍ତ୍ରଣ କାଟେଗୋରୀରେ ଆସି ଯାଇଛନ୍ତି ।