ଏଣିକି ଗୁଗୁଲ ଆସିଷ୍ଟାଣ୍ଟ ଆପଣଙ୍କୁ କିଣି ଦେବ ଫିଲ୍ମ ଟିକେଟ ! ଭଏସ ସର୍ଚ୍ଚ ପେଜରେ ଆପଣଙ୍କୁ କେବଳ ଏତିକି କହିବାକୁ ପଡିବ ।
ଗୁଗୁଲ ଆସିଷ୍ଟାଣ୍ଟ ଜରିଆରେ ଏବେ ଫିଲ୍ମ ଟିକେଟ କିଣିବା ଅତ୍ୟନ୍ତ ସହଜ ହୋଇଯାଇଛି । ଏଥି ପାଇଁ ଗୁଗୁଲ ଆମେରିକୀୟ ଟିକଟିଙ୍ଗ କମ୍ପାନୀ ଫଣ୍ଡାଙ୍ଗୋ ସହ ପାର୍ଟନରସିପ କରିଛି । ଏହି ପାର୍ଟନରସିପ ପରେ ବ୍ୟବହାରକାରୀମାନେ ଭଏସ କମାଣ୍ଡର ବ୍ୟବହାର କରି ଗୁଗୁଲ ଆସିଷ୍ଟାଣ୍ଟରୁ ଫିଲ୍ମ ଟିକେଟ କିଣିପାରିବେ ।
Kanak News is now on WhatsApp
Join and get latest news updates delivered to you via WhatsApp
ଆମେରିକାର ଗଣମାଧ୍ୟମ ରିପୋର୍ଟ ଅନୁଯାୟୀ, ଗୁଗୁଲ ଆସିଷ୍ଟାଣ୍ଟରୁ ଫିଲ୍ମ ଟିକେଟ କିଣିବା ପାଇଁ ଫଣ୍ଡାଙ୍ଗୋ ସହ ଗୁଗୁଲ ପାର୍ଟନରସିପ କରିଛି । ତେବେ ଟିକେଟ କିଣିବା ପାଇଁ କେବଳ ଏତିକି କହିବା ପାଇଁ ପଡିବ ଯେ, ବାୟ ଟିକେଟ୍ସ ୟା ହେ ଗୁଗୁଲ ଗେଟ ମି ଟିକେଟ ଫାର.. । ତେବେ ସୂଚନା ଅନୁଯାୟୀ, ଫଣ୍ଡାଙ୍ଗୋ ନିଜ ୱେବସାଇଟ ଏବଂ ମୋବାଇଲ ଆପ ଜରିଆରେ ଫିଲ୍ମ ଟିକେଟ ବିକ୍ରି କରିଥାଏ ।
ରିପୋର୍ଟରେ କୁହାଯାଇଛି ଯେ, ଯଦି ଆପଣ ଜାଣିନାହାନ୍ତି ଆପଣ କଣ ଦେଖିବାକୁ ଚାହୁଁଛନ୍ତି ତେବେ କେବଳ ଏତିକି କୁହନ୍ତୁ ସୋ ଟାଇମ୍ସ ନିୟର ମି । ଏବଂ ଏହା ପରେ ଗୁଗୁଲ ଆପଣଙ୍କୁ ଆପଣଙ୍କ ପାଖ ସିନେମା ଘରେ ଚାଲୁଥିବା ଫିଲ୍ମ ବିଷୟରେ କହିବ । ଯେଉଁଠାରୁ ଆପଣ ନିଜ ମନ ପସନ୍ଦର ଫିଲ୍ମ ବାଛିପାରିବେ । ଆପଣ ହୁ ଷ୍ଟାର୍ସ ଇନ ଇଟ ପଚାରି ମଧ୍ୟ ଫିଲ୍ମ ବାବଦରେ ଅଧିକ ସୂଚନା ପାଇପାରିବେ । ଏହି ଫିଚର ଆପଲ ସିରିରେ ଉପଲବ୍ଧ ଅଟେ । ତେବେ ଗୁଗୁଲ ଆସିଷ୍ଟାଣ୍ଟ ଜରିଆରେ ଆପଣ ଫଣ୍ଡାଙ୍ଗୋ ଆପ ଡାଉଣଲୋଡ ନକରି ମଧ୍ୟ ଫିଲ୍ମ ଟିକେଟ କିଣିପାରିବେ ।
ଏହା ପୂର୍ବରୁ ସୂଚନା ମିଳିଥିଲା ଯେ, ଗୁଗୁଲ ଭାରତରେ କେନ୍ଦ୍ରିୟ ମାଧ୍ୟମିକ ଶିକ୍ଷା ବୋର୍ଡ (ସିବିଏସଇ) ସହ ହାତ ମିଳାଇଛି । ଏହା ଦ୍ୱାରା ପରୀକ୍ଷାର୍ଥୀ ମାନେ ଗୁଗୁଲ ପ୍ଲାଟଫର୍ମରେ ପରୀକ୍ଷାର ଫଳାଫଳ ଦେଖିପାରିବେ । ତେବେ ଗୁଗୁଲ ସୂଚନା ଦେଇଛି ଯେ, ଜେଇଇ ମେନ ପରୀକ୍ଷାରେ ଏହାର ବ୍ୟବହାର ଆରମ୍ଭ ହୋଇଯାଇଛି । ଏବେ ସିବିଏସଇ ନିଜ ଷ୍ଟୁଡେଣ୍ଟସ ମାନଙ୍କୁ ଗୁଗୁଲର ସର୍ଚ୍ଚ ପେଜରେ ପରୀକ୍ଷାର ଫଳାଫଳ ଦେଖିବାର ସୁବିଧା ଉପଲବ୍ଧ କରାଉଛି ।