ଏବେ ରାଜ୍ୟ ମାନଙ୍କୁ କେନ୍ଦ୍ର ସରକାର ଯୋଗାଇବେ ନାହିଁ ରେମଡେସିଭିର୍ ଇଂଜେକ୍ସନ । ସିଧା କମ୍ପାନୀ ମାନଙ୍କ ଠାରୁ କିଣିବେ ରାଜ୍ୟ ସରକାର
କନକ ବ୍ୟୁରୋ : ଦେଶରେ ଚାଲିଥିବା କରୋନା ମହାମାରୀ ଭିତରେ ସବୁଆଡେ ରେମଡେସିଭିର୍ ଇଂଜେକ୍ସନର ଅଭାବ ଅନୁଭୂତ ହେଉଛି । କିଛି ରାଜ୍ୟରେ ଏହି ଇଂଜେକ୍ସନର କଳାବଜାରୀ ହେଉଥିବା ଖବର ବି ପ୍ରକାଶ ପାଉଛି । ଏହାସହ କିଛି ସହରରୁ ପୋଲିସ ରେମଡେସିଭିର୍ ନକଲି ଇଂଜେକ୍ସନ ବି ଜବତ୍ କରିଛି । କମ୍ ଉତ୍ପାଦନ କାରଣରୁ ଏହି ଇଂଜେକ୍ସନକୁ କେନ୍ଦ୍ର ସରକାର ରାଜ୍ୟମାନଙ୍କର ଆବଶ୍ୟକତାକୁ ନଜର କରି ଆବଣ୍ଟନ କରୁଥିଲେ । ଏବେ କେନ୍ଦ୍ର ସରକାର ଘୋଷଣା କରିଛନ୍ତି କି ରାଜ୍ୟ ସରକାରମାନେ ସେମାନଙ୍କ ଆବଶ୍ୟକତା ମୁତାବକ କମ୍ପାନୀ ମାନଙ୍କ ଠାରୁ ରେମଡେସିଭିର୍ ଇଂଜେକ୍ସନ ସିଧା ସଳଖ କିଣିପାରିବେ ।
ରସାୟନ ଓ ସାର ରାଜ୍ୟମନ୍ତ୍ରୀ ମନସୁଖ୍ ମଣ୍ଡଭିୟା ଶନିବାର ଦିନ ଘୋଷଣା କରିଛନ୍ତି କି କେନ୍ଦ୍ର ସରକାର ରାଜ୍ୟ ମାନଙ୍କୁ ରେମଡେସିଭିର୍ ଇଂଜେକ୍ସନ ଆବଣ୍ଟନ ବନ୍ଦ କରିବାକୁ ନିଷ୍ପତ୍ତି ନେଇଛନ୍ତି । ଏହାସହ ସେ କହିଛନ୍ତି କି ନ୍ୟାସନାଲ ଫାର୍ମାସ୍ୟୁଟିକାଲ ପ୍ରାଇସିଂ ଏଜେନ୍ସି ଓ ସିଡିଏସସିଓ କୁ ରେମଡେସିଭିର ର ଉପଲବ୍ଧତା ନେଇ ଲଗାତର ନଜର ରଖିବାକୁ ନିର୍ଦ୍ଦେଶ ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
Government has decided to discontinue the central allocation of Remdesivir to states. He has directed the National Pharmaceuticals Pricing Agency & CDSCO to continuously monitor the availability of Remdesivir in the country: Ministry of Chemicals and Fertilizers
— ANI (@ANI) May 29, 2021
କେନ୍ଦ୍ର ସରକାରଙ୍କ ମୁତାବକ ଏବେ ଦେଶରେ ରେମଡେସିଭିର ଇଂଜେକ୍ସନ ଉତ୍ପାଦନ କରୁଥିବା କମ୍ପାନୀ ମାନଙ୍କ ସଂଖ୍ୟା ୨୦ ରୁ ୬୦ କୁ ବୃଦ୍ଧି କରାଯାଇଛି । ଏହାସହ କେନ୍ଦ୍ର ସରକାରଙ୍କ ସୂଚନା ମୁତାବକ ଏବେ ଆବଶ୍ୟକତା ଠାରୁ ଉତ୍ପାଦନ ଢେର ଅଧିକ ରହିଛି । ମାଣ୍ଡଭିୟାଙ୍କ ସୂଚନା ମୁତାବକ ଏବେ ରେମଡେସିଭିର୍ ଇଂଜେକ୍ସନର ଉତ୍ପାଦନ ୧୦ ଗୁଣା ବୃଦ୍ଧି ହୋଇଛି । ପ୍ରଧାନମନ୍ତ୍ରୀଙ୍କ ନେତୃତ୍ୱରେ ୧୧ ଏପ୍ରିଲ ଠାରୁ ଦେଶରେ ଦୈନିକ ୩୩ ହଜାର ରେମଡେସିଭିର୍ ଇଂଜେକ୍ସନ ଉତ୍ପାଦିତ ହେଉଥିବା ବେଳେ ଏବେ ଦୈନିକ ୩.୫ ଲକ୍ଷ ଉତ୍ପାଦିତ ହେଉଛି ।