କନକ ବ୍ୟୁରୋ: ଏମିତିରେ ତ ମୋ ଜନ୍ମ ୧୯୭୨ରେ ହୋଇଯାଇଥିଲା, କିନ୍ତୁ ୪ ବର୍ଷ ପରେ ମୋତେ କେହି ଆବଶ୍ୟକ ମଣିନଥିଲେ । ଏହା ପରେ ମୋର ଜାଗା ନେଇଯାଇଥିଲେ ପାସପୋର୍ଟ, ରାଶନ କାର୍ଡ, ଭୋଟର ପରିଚୟ ପତ୍ର, ବ୍ୟାଙ୍କ ପାସବୁକ । ମୋତେ ଲୋକେ ସେମିତି ପୁରୁଣା ବହି ଭିତରେ ରଖିଦେଇଥିଲେ । ପରେ ସମୟ ବଦଳିବା ସହ ମୋର ରଙ୍ଗ ମଧ୍ୟ ବଦଳିଥିଲା କିନ୍ତୁ ଏହାକୁ କେହି ଧ୍ୟାନ ଦେଇନଥିଲେ । ତେବେ ଆପଣ ଜାଣିଛନ୍ତି ଏମିତି କାହିଁକି?
Kanak News is now on WhatsApp
Join and get latest news updates delivered to you via WhatsApp
କାରଣ ଏହା ଯେ, ମୋର ବ୍ୟବହାର କେବଳ ବର୍ଷରେ ଗୋଟିଏ ଥର ମାର୍ଚ୍ଚ ୩୧ ତାରିଖରେ ହେଉଥିଲା । ସେତେବେଳେ ଲୋକେ ଖୋଜିଖୋଜି ଏହାକୁ ବାହର କରୁଥିଲେ । ବେଳେବେଳେ ତ ଲୋକେ ତାକୁ ବି ମନେ ପକାଉନଥିଲେ । ମୋର ୧୦ ଅଙ୍କ ବିଶିଷ୍ଟ ନଂ କୁ ଲୋକେ ମନେ ରଖୁଥିଲେ ଯାହାଫଳରେ କାର୍ଡର ବି ଆବଶ୍ୟକତା ପଡୁନଥିଲା । ଆଧାରପରେ ତ ମୁଁ ଏକ ରକମର ନିରାଧାର ହୋଇଯାଇଥିଲି । ତେବେ ଆଶା ଥିଲା ଯେ ଦିନେ ନା ଦିନେ ମୁଁ ଆଗକୁ ବଢିବି । ତେବେ ଆଜି ସେ ଦିନ ଆସିଯାଇଛି । ବର୍ତ୍ତମାନ ମୁଁ କାହାର ପରିଚୟ ହେବାକୁ ଯାଉଛି । ଆଜ୍ଞା ହଁ ମୁଁ ସାଧାରଣ ଲୋକର ପରିଚୟ ହେବି । ଆପଣ ପଢୁଥିଲେ ପାନକାର୍ଡର ଆତ୍ମକଥା ।
ଏମିତି ନୁହେଁ ଯୋ ପାନକାର୍ଡ ବ୍ୟବହାର କରାଯାଉନଥିଲା । ତେବେ ୧୩୫ କୋଟି ଜନସଂଖ୍ୟା ବିଶିଷ୍ଟ ଦେଶରେ ମାତ୍ର ଏକ କିମ୍ବା ଦୁଇ ପ୍ରତିଶତଲୋକ ଏହାର ବ୍ୟବହାର କରୁଥିଲେ । କିନ୍ତୁ ଆଗାମୀ ଦିନରେ ଏହା ପରିଚୟ ପତ୍ର ଭାବେ ମଧ୍ୟ ବ୍ୟବହାର ହେବ । ଚଳିତ ବଜେଟରେ ଏନେଇ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ବଡ ଘୋଷଣା କରିଛନ୍ତି ।