ସବ-ଇନସପେକ୍ଟର ପାଇଁ ଆଶାୟୀ କି ? ରାଜ୍ୟ ସରକାର ଦେଉଛନ୍ତି ବଡ ସୁଯୋଗ
କନକ ବ୍ୟୁରୋ : ବେକାର ଯୁବକ ଓ ଯୁବତୀଙ୍କ ପାଇଁ ବଡ ଖବର । ସବ ଇନସପେକ୍ଟର ହେବା ପାଇଁ ଆଶା ଅଛି କି । ତେବେ ରାଜ୍ୟ ସରକାର ଆଣିଛନ୍ତି ସୁବର୍ଣ୍ଣ ସୁଯୋଗ । ରାଜ୍ୟର ପୋଲିସ ବିଭାଗରେ ଖାଲି ଥିବା ୯୨ଟି ପୋଲିସ ସବ ଇନସପେକ୍ଟର ପଦବୀ ପୂରଣ କରିବା ପାଇଁ ରାଜ୍ୟ ସରକାର ନିଷ୍ପତି ନେଇଛନ୍ତି । ରାଜ୍ୟ ଷ୍ଟାଫ ସିଲେକସନ କମିଶନ ଦ୍ୱାରା ଏହି ପଦବୀ ଗୁଡିକ ପୂରଣ କରିବା ପାଇଁ ତୁରନ୍ତ ପ୍ରକ୍ରିୟା ଆରମ୍ଭ କରିବାକୁ ଖୋଦ୍ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନିର୍ଦ୍ଦେଶ ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏଠାରେ ସୁଚନାଯୋଗ୍ୟ ଯେ, ପୋଲିସ ବିଭାଗର ଖାଲିଥିବା ମୋଟ ୧୮୪ଟି ପଦବୀ ମଧ୍ୟରୁ ୯୨ଟି ପଦବୀ ପଦୋନ୍ନତି ଭିତ୍ତିରେ ପୂରଣ ହେବାକୁ ଥିବା ବେେଳେ ବାକି ୯୨ଟି ପଦବୀ ସିଧାସଳଖ ନିଯୁକ୍ତି ପ୍ରକ୍ରିୟାରେ ପୂରଣ କରାଯିବ । ଏନେଇ ଖୁବଶୀଘ୍ର ବିଜ୍ଞପ୍ତି ପ୍ରକାଶ ପାଇବ । ସେହିଭଳି ପୋଲିସ ମୋଟର ପରିବହନ ବିଭାଗରେ ୨୩୧ଟି ଡ୍ରାଇଭର ପଦବୀ ପୂରଣ ପାଇଁ ମଧ୍ୟ ନିଷ୍ପତି କରାଯାଇଛି ।