କନକ ବ୍ୟୁରୋ: ଯେତିକି ପାଖଉଛି ନିର୍ବାଚନ ସେତିକି ସମସ୍ୟା ଭିତରେ ପଡୁଛି କଂଗ୍ରେସ । ମୁଣ୍ଡ ଉପରେ ୨୦୨୪ ନିର୍ବାଚନ ଥିବାବେଳେ ଆୟକର ବିଭାଗ ଦଳ ପାଇଁ ବଡ ସମସ୍ୟା ନେଇ ଆସିଛି । ୨୦୧୭-୧୮ ରୁ ୨୦୨୦ରୁ ୨୧ ବର୍ଷକୁ ନେଇ ଏହି ନୋଟିସ ପଠାଯାଇଛି । ୧୮ ଶହ କୋଟି ଟଙ୍କାର ଜରିମାନା ଓ ସୁଧ ଭରିବ କଂଗ୍ରେସ । ଏନେଇ ଦଳ ପକ୍ଷରୁ ସାମ୍ବାଦିକ ସମ୍ମିଳନୀ କରି ସୂଚନା ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
୨୦୧୭ରୁ ୨୦୨୧ ମଧ୍ୟରେ ଆୟକର ବିଭାଗର ଜରିମାନା ଉପରେ ପୁଣିଥରେ ଯାଞ୍ଚ କରିବାକୁ କଂଗ୍ରେସ ହାଇକୋର୍ଟଙ୍କ ଦ୍ୱାରସ୍ଥ ହୋଇଥିଲା । ମାର୍ଚ୍ଚ ୨୨ରେ କୋର୍ଟ ଦଳର ଆବେଦନ ଖାରଜ କରିଥିଲେ ।
- ମୁଣ୍ଡ ଉପରେ ନିର୍ବାଚନ
- କଂଗ୍ରେସକୁ ଆଇଟି ନୋଟିସ
- ୧୮ଶହ କୋଟି ଟଙ୍କା ଦେବ ଦଳ
ତେବେ ପୂର୍ବରୁ ଆୟକର ବିଭାଗ ୨୧୦କୋଟି ଟଙ୍କା ଜରିମାନା ଲଗାଇବା ସହ ପାଣ୍ଠି ଫ୍ରିଜ କରିଥିଲା । ତେବେ ଆଇଟି କାର୍ଯ୍ୟାନୁଷ୍ଠାନକୁ ନେଇ ବିଜେପିକୁ ଟାର୍ଗେଟ କରିଛି କଂଗ୍ରେସ । ଆଗକୁ ନିର୍ବାଚନ । କଂଗ୍ରେସକୁ ଦେବାଳିଆ କରିବା ପାଇଁ ବିଜେପି ଆୟକର ବିଭାଗର ଦୁରୁପଯୋଗ କରୁଥିବା କହିଛନ୍ତି ଦଳର ବରିଷ୍ଠ ନେତା ଅଜୟ ମାକେନ ।
ଏଥିସହ କଂଗ୍ରେସ କହିଛି ବିଜେପି ଉପରେ ୪୬୦୦ କୋଟି ଟଙ୍କାର ଜରିମାନା ରହିଛି । ତେଣୁ ବିଜେପିଠୁ ମଧ୍ୟ ଆୟକର ବିଭାଗ ଏହି ସମସ୍ତ ରାଶି ଆଦାୟ କରିବା ଉଚିତ । କିନ୍ତୁ କଂଗ୍ରେସ ଉପରେ କାହିଁକି କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି ବୋଲି ଦଳ ପ୍ରଶ୍ନ କରିଛ । ଆୟକର ବିଭାଗ ନୋଟିସ ବିରୋଧରେ ସୁପ୍ରିମକୋର୍ଟ ଯିବାକୁ ପ୍ରସ୍ତୁତ ହେଉଛି କଂଗ୍ରେସ ।