୨୦୦୦ ଟଙ୍କିଆ ନୋଟ୍ ଛାପିବା ପାଇଁ ସରକାରଙ୍କୁ ଖର୍ଚ୍ଚ କରିବାକୁ ପଡୁଥିଲା ୪.୧୮ ଟଙ୍କା ! ଜାଣନ୍ତୁ ଅନ୍ୟ ନୋଟ୍ ପାଇଁ କେତେ ବ୍ୟୟ ହୋଇଥିଲା ।
ଭାରତ ସରକାର ୫୦୦,୨୦୦,୫୦,୧୦ ଟଙ୍କିଆ ନୋଟରେ ଅଙ୍କୁଶ ଲଗାଇବା ପରେ ଭାରତ ବଜାରକୁ ୨୦୦୦,୫୦୦,୨୦୦,୫୦ ଏବଂ ୧୦ ଟଙ୍କିଆ ନୂଆ ନୋଟ୍ ଆସିଥିଲା । ଶୁଣିବାକୁ ମିଳୁଛି ଯେ ନୂଆ ନୋଟ୍ ଆସିବା ଏବଂ ପୁରୁଣା ନୋଟ୍ ବନ୍ଦ ହେବା ପଛରେ ବହୁତ ଟଙ୍କା ଖର୍ଚ୍ଚ ହୋଇଛି । ତେବେ ଆସନ୍ତୁ ଜାଣିବା ଗୋଟିଏ ନୂଆ ନୋଟ୍ ଛାପିବା ପାଇଁ କେତେ ଟଙ୍କା ଖର୍ଚ୍ଚ କରିବାକୁ ପଡୁଥିଲା । ଆଇଟିଆଇ ଉତ୍ତରରେ ସରକାର ଦେଇଥିବା ସୁଚନା ଅନୁସାରେ,୧୦ ଟଙ୍କାର ୧୦୦୦ ନୋଟ୍ ଛପାଯାଇଥିଲା ଯେଉଁଥିପାଇଁ ୧୦୧୦ ଖର୍ଚ୍ଚ ହୋଇଥିଲା । ଏହାର ଅର୍ଥ ଗୋଟିଏ ନୋଟ୍ ଛାପିବା ପରେ ଏହାର ଦାମ୍ ୧.୦୧ ଟଙ୍କା ଲାଗୁଥିଲା ।
Kanak News is now on WhatsApp
Join and get latest news updates delivered to you via WhatsApp
ସେହିଭଳି ୨୦ ଟଙ୍କିଆ ନୋଟ୍ ପାଇଁ ୧୦୦୦ ନୋଟରେ ୧୦୦୦ ଟଙ୍କା ହୋଇଥିଲା ଏହାର ଅର୍ଥ ଗୋଟିଏ ନୋଟ୍ ପାଇଁ ୧ ଟଙ୍କା ଖର୍ଚ୍ଚ କରିବାକୁ ପଡୁଥିଲା । ୫୦ ଟଙ୍କାର ୧୦୦୦ ନୋଟରେ ୧୦୧୦ ଟଙ୍କା ଅର୍ଥାତ୍ ଗୋଟିଏ ନୋଟରେ ୧.୦୧ ଟଙ୍କାର ଖର୍ଚ୍ଚ ବହନ କରିବାକୁ ପଡିଥାଏ । ୧୦୦ ଟଙ୍କାର ୧୦୦୦ ନୋଟ୍ ଛାପିବା ପାଇଁ ୧୫୧୦ ଟଙ୍କା ଅର୍ଥାତ୍ ଗୋଟିଏ ନୋଟ୍ ପିଛା ୧.୫୧ ଟଙ୍କା ଖର୍ଚ୍ଚ ହୁଏ ।
୫୦୦ ଟଙ୍କିଆ ୧୦୦୦ ଟି ନୋଟ୍ ଛାପିବା ପାଇଁ ୨୫୭୦ ଟଙ୍କା ଖର୍ଚ୍ଚ ହେଉଥିବାବେଳେ ଗୋଟିଏ ନୋଟ୍ ପିଛା ୨.୫୭ ଟଙ୍କା ଖର୍ଚ୍ଚ ହୁଏ । ସେହିପରି ୨୦୦୦ ଟଙ୍କିଆ ହଜାରଟି ନୋଟ୍ ଛାପିବା ପାଇଁ ୪୧୮୦ ଟଙ୍କା ଏବଂ ଗୋଟିଏ ନୋଟ୍ ପିଛା ୪.୧୮ ଟଙ୍କା ଖର୍ଚ୍ଚ ହୋଇଥାଏ । ତେବେ ଆପଣଙ୍କ ଜ୍ଞାତ ସକାଶେ କହିରଖୁଛୁ ୫୦୦ ଏବଂ ୧୦୦୦ ଟଙ୍କିଆ ନୋଟ୍ ୩୦୯୦ ଟଙ୍କାର ଖର୍ଚ୍ଚ ମଧ୍ୟ ହୋଇଛି । ଅନ୍ୟ ପକ୍ଷରେ ପୂର୍ବରୁ ୧୦୦୦ ଟଙ୍କିଆ ୩.୫୪ ଟଙ୍କାରେ ଛପାଯାଉଥିଲା ।