ବାତ୍ୟା ଚାଲିଯିବା ପରେ ଘର ସଜାଡ଼ୁଛି ଉତ୍ତର ଓଡ଼ିଶା : ବାଲେଶ୍ୱର ବାହାନଗାରେ ସର୍ବାଧିକ ବିପର୍ଯ୍ୟୟ କରିଛି ୟାସ୍; ଏବେ ଜୋରଦାର ହେଉଛି ଉଦ୍ଧାର ଓ ରିଲିଫ କାମ
କନକ ବ୍ୟୁରୋ : ବାତ୍ୟା ଚାଲିଯିବା ପରେ ଏବେ ରିଲିଫ ଓ ଉଦ୍ଧାର କାମକୁ ଜୋରଦାର କରିଛି ଜିଲ୍ଲା ପ୍ରଶାସନ । ବାଲେଶ୍ୱର ଜିଲ୍ଲାର ବାହାନଗା ଅଂଚଳରେ ବାତ୍ୟା ସାୟ ଲ୍ୟାଣ୍ଡଫଲ କରିଥିବାରୁ ଏହିଠାରେ ସର୍ବାଧିକ କ୍ଷୟକ୍ଷତି ହୋଇଛି । ବିଭିନ୍ନ ସ୍ଥାନରେ ବଡ ବଡ ଗଛସବୁ ଉପୁଡି ପଡିବା ସହ ବିଦ୍ୟୁତ ଖୁଂଟ ଭାଙ୍ଗି ପଡିଛି । ଗଛପଡି କଚ୍ଚା ଘରସବୁ ନଷ୍ଟ ହୋଇଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସେହିପରି ଜିଲ୍ଲାର ପ୍ରାୟ ୮୬ଟି ଗାଁରେ ସମୁଦ୍ର ପାଣି ପଶି ଯାଇଥିବାବେଳେ ଏବେ ବର୍ଷା କମିବା ପରେ ଧିରେଧିରେ ସ୍ଥିତି ସ୍ୱାଭାବି ହେବାରେ ଲାଗିଛି । ଅନ୍ୟପଟେ ଅଗ୍ନିଶମ, ଏନଡିଆରଏଫ ଏବଂ ଓଡ୍ରାଫ ଟିମ୍ ଗଛକାଟି ରାସ୍ତା ସଫା କରିବାରେ ଲାଗିଛନ୍ତି ।
ଅନ୍ୟପକ୍ଷରେ ବାତ୍ୟା ୟାସ ପ୍ରଭାବରେ ଦେବଗଡ ଜିଲ୍ଲାରେ ଗତକାଲି ପୂର୍ବାହ୍ନରୁ ବର୍ଷା ସହ ପବନ ବୋହୁଥିବା ଦେଖିବାକୁ ମିଳିଛି । ଗତକାଲି ପୂର୍ବହ୍ନରୁ ଜିଲ୍ଲାର ବିଭିନ୍ନ ଅଂଚଳରେ ହାଲିକା ପବନ ବୋହିବା ସହ ଝିପିଝିପ ବର୍ଷା ଲାଗି ରହିଛି । ଲାଗି ରହିଥିବା ବର୍ଷା ପବନ ପୈାରଂଚଳର ୬ ନଂ ୱାର୍ଡରେ ବାସମତୀ ମୁଖୀଙ୍କ ଘର ଉପରେ ଗଛ ଭାଙ୍ଗି ପଡ଼ିଯାଇଥିଲା ।
ଏହି ଘଟଣାରେ କାହାର କିଛି କ୍ଷତି ହୋଇନାହିଁ । ଆଜି ଅଗ୍ନିଶମ ବାହିନୀ ଘଟଣାସ୍ଥଳରେ ପହଚିଂ ଗଛକାଟି ସଫା କରୁଥିବା ଦେଖିବାକୁ ମିଳିଛି । ସେହିପରି ୱାର୍ଡ ନଂ ୮ ଗୋବିନ୍ଦପୁର ବସ୍ତିର ରଜନୀକାନ୍ତ ମୁଣ୍ଡାଙ୍କ ଘର ଛାପର ଭାଙ୍ଗି ପଡିଥିବା ଦେଖିବାକୁ ମିଳିଛି । ଗତକାଲି ବର୍ଷାଓ ପବନ ର ପ୍ରଭାବରେ ଜିଲ୍ଲାରେ ବିଦ୍ୟୁତ ସରବାରହ ବ୍ୟାହର ହୋଇଥିବା ଦେଖିବାକୁ ମିଳିଛି ।