କନକ ବ୍ୟୁରୋ: ସାରା ବିଶ୍ୱରେ କରୋନା କାଳ । ଶକ୍ତିଶାଳୀ ରାଷ୍ଟ୍ରଙ୍କଠୁ ନେଇ ବିତଶାଳୀ ଦେଶ । କେହି ବି ବାଦ ପଡିନାହାଁନ୍ତି କରୋନାର ଭୟାବହ ପ୍ରକୋପରୁ । ତେବେ ଦୀର୍ଘ ଅଢେଇବର୍ଷ ଧରି ନିଜକୁ କରୋନାଠୁ ବଂଚାଇ ଆସୁଥିବା ଉତରକୋରିଆରେ ଏବେ ପହଁଚିଛି କରୋନା ଭୂତାଣୁ । ଏଠାରେ କରୋନାର ପ୍ରଥମ ମାମଲା ଚିହ୍ନଟ ହେବା ପରେ ଉତରକୋରିଆ ଶାସକ କିମ ଜଙ୍ଗ ଉନ୍ ପୂରା ଦେଶରେ ତାଲାବନ୍ଦ ଘୋଷଣା କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଦୀର୍ଘ ଦୁଇବର୍ଷ ଧରି ଯେଉଁ ସୀମା ଡେଇଁ ପହଁଚି ପାରିନଥିଲା ଏବେ ସେଠି ଏଟ୍ରିଂ ମାରିଛି କରୋନା ଭୂତାଣୁ । ନିଜକୁ ଶୂନ୍ୟ କୋଭିଡ ଦେଶ ଶ୍ରେଣୀଭାବେ ଦାବି କରି ଆସୁଥିବା ଉତରକୋରିଆର ଚିତ୍ର ଏବେ କରୋନା ପାଇଁ ହଠାତ ବଦଳିଛି । ଗୁରୁବାର ଦେଶରେ ପ୍ରଥମ କୋଭିଡ ସଂକ୍ରମିତ ଚିହ୍ନଟ ହୋଇଥିବା ଉତରକୋରିଆର ସ୍ଥାନୀୟ ଗଣାମଧ୍ୟମ ରିପୋର୍ଟରୁ ସ୍ପଷ୍ଟ ହୋଇଛି । ସେପଟେ ସ୍ଥିତିକୁ ଦେଖି ଦେଶରେ ତୁରନ୍ତ ଲକଡାଉନ ଘୋଷଣା କରିଛନ୍ତି ଦେଶର ଏକଛତ୍ରବାଦୀ ଶାସକ କୁହାଯାଉଥିବା କିମ ଜଙ୍ଗ ଉନ୍ । ହଠାତ ତାଲାବନ୍ଦ ଯୋଗୁଁ ଦେଶରେ ଜରୁରୀକାଳୀନ ପରିସ୍ଥିିତି ଲାଗୁ ହୋଇଛି ।
ସ୍ଥାନୀୟ ଗଣମାଧ୍ୟମ ରିପୋର୍ଟ ମୁତାବକ ଚିହ୍ନଟ ହୋଇଥିବା ସଂକ୍ରମିତ ପ୍ୟୋଙ୍ଗାୟାଙ୍ଗର ଓ ତାଙ୍କ ନିକଟରେ ସାମାନ୍ୟ ଲକ୍ଷଣ ପ୍ରକାଶ ପାଇଥିଲା । ନମୁନା ଯାଂଚରେ ସେ ଓମିକ୍ରନର ଉପପ୍ରଜାତି ବିଏ-ଟୁରେ ସଂକ୍ରମିତ ଥିବା ଜଣାପଡିଛି । ଏହି ଖବର ଜାଣିବା ପରେ ଗୁରୁବାର ନେଇ କିମଜଙ୍ଗ ବୈଠକ ଡାକିବା ପରେ ଲକଡାଉନ ଘୋଷଣା କରିଛନ୍ତି । ତେବେ କୋରିଆ ନାଗରିକଙ୍କ ଉପରେ ଆଉ କେଉଁ କେଉଁ ପ୍ରତିବନ୍ଧକ ଲଗାଯାଇଛି ସେକଥା ସ୍ପଷ୍ଟ ହୋଇନି ।
ଉତରକୋରିଆ ଗଣମାଧ୍ୟମ କୋରିଆନ ସେଂଟ୍ରାଲ ନ୍ୟୁଜ ଏଜେନ୍ସିର ରିର୍ପୋଟ ଅନୁସାରେ ବୈଠକରେ କିମ ଜଙ୍ଗ କହିଛନ୍ତି ଭୁତାଣର ମୂଳୋତ୍ପାଟନ ପାଇଁ ତାଲାବନ୍ଦ ଜରୁରୀ । ଏଥିସହ ସୀମାରେ ପହରା କଠୋର କରିବା ସହ ନିୟମ ଗୁଡିକୁ ଅଧିକ କଡ଼ାକଡ଼ି କରାଯିବ । ସେପଟେ ବିଶ୍ୱ ସ୍ୱାସ୍ଥ୍ୟ ସଂଗଠନ, ରୁଷ, ଆମେରିକାର ଟିକା ଅଫରକୁ ପ୍ରତ୍ୟାଖାନ କରି ନିଜ ଦେଶବାସୀଙ୍କୁ ଏବେ ସୁଦ୍ଧା ଟିକା ଦେଇନି ଉତରକୋରିଆ