କନକ ବ୍ୟୁରୋ : କିଛିଦିନ ହେବ ଦୁଇଟି ଜିନିଷ ପାଇଁ ଉତ୍ତରକୋରିଆ ଏବେ ବିଶ୍ୱରେ ଚର୍ଚ୍ଚିତ ହେଉଛି । ଏହି ଦେଶ ଏବେ କରୋନା ଓ ଖାଦ୍ୟ ସଂକଟ ସହ ଲଢେଇ କରୁଛି ତ ଅନ୍ୟପଟେ କ୍ଷେପଣାସ୍ତ୍ର ପରୀକ୍ଷା କରି ଆମେରିକାର ଟାର୍ଗେଟକୁ ଆସୁଛି । ଉତ୍ତରକୋରିଆ କିଛିଦିନ ମଧ୍ୟରେ ୩ ଥର କ୍ଷେପଣାସ୍ତ୍ର ପରୀକ୍ଷା କରିବା ସହ ଏବେ ଏକ ରହସ୍ୟମୟ ଅସ୍ତ୍ରକୁ ସମୁଦ୍ରରେ ପରୀକ୍ଷା କରି ବେସ୍ ଚର୍ଚ୍ଚାକୁ ଆସିଛି ।
Kanak News is now on WhatsApp
Join and get latest news updates delivered to you via WhatsApp
ଦକ୍ଷିଣ କୋରିଆର ସଂଯୁକ୍ତ ସେନା ମୁଖ୍ୟ କହିଛନ୍ତି କି, ଉତ୍ତରକୋରିଆ ପୁଣିଥରେ ରହସ୍ୟମୟ ଅସ୍ତ୍ରକୁ ପୂର୍ବ ସମୁଦ୍ରରେ ଲଂଚ କରିଛି । ହେଲେ ଏପର୍ଯ୍ୟନ୍ତ ଏହା ସ୍ପଷ୍ଟ ହୋଇନାହିଁ ଯେ ଉତ୍ତରକୋରିଆ କେଉଁ ପ୍ରକାର ଅସ୍ତ୍ର ପରୀକ୍ଷଣ କରିଛି । ଅନୁମାନ କରାଯାଉଛି କି, ଉତ୍ତରକୋରିଆ ରାଷ୍ଟ୍ରପତି କିମ୍ ଜଙ୍ଗ ଓନ ଏହି ପରୀକ୍ଷଣ ସହାୟତାରେ ଆଉ ଏକ କ୍ଷେପଣାସ୍ତ୍ର ଟେଷ୍ଟ କରିଛି ।
କହିରଖୁ କି, ଉତ୍ତରକୋରିଆ ଏହା ପୂର୍ବରୁ କ୍ରୁଜ କ୍ଷେପଣାସ୍ତ୍ର ପରୀକ୍ଷଣ କରିଥିଲା । ସିଓଲର ଜଏଣ୍ଟ ଚିଫ୍ ଅଫ୍ ଷ୍ଟାଫ୍ ଏକ ବିବୃତ୍ତିରେ କହିଛନ୍ତି କି ପରମାଣୁ ସଶସ୍ତ୍ର ଉତ୍ତରକୋରିଆ ପୂର୍ବତଟ ସମୁଦ୍ରରେ ଦୁଇଟି ଅଜଣା ଜିନିଷ ଟେଷ୍ଟ କରିଛି । ଏନେଇ ଦକ୍ଷିଣ କୋରିଆ ଓ ଆମେରିକା ଯାଂଚ କରୁଥିବା କଥା ସେ କହିଛନ୍ତି ।
ହେଲେ ସେ ତାଙ୍କ ବିବୃତ୍ତିରେ ସୂଚନା ଦେଇ ନାହାନ୍ତି ଯେ ଉତ୍ତରକୋରିଆ ପରୀକ୍ଷଣ କରିଥିବା କ୍ଷେପଣାସ୍ତ୍ରର ଲକ୍ଷଭେଦି କ୍ଷମତା କେତେ ଦୂର । କହିରଖୁ କି, ଏହି ଖବର ସେତେବେଳେ ସାମ୍ନାକୁ ଆସିଲା ଯେତେବେଳେ ଚୀନର ବିଦେଶମନ୍ତ୍ରୀ ଦକ୍ଷିଣ କୋରିଆର ବିଦେଶମନ୍ତ୍ରୀଙ୍କୁ ଭେଟିବାକୁ ସିଓଲ ଠାରେ ପହଂଚିଥିଲେ ।
ଉତ୍ତର କୋରିଆ ଏହି ଅଜଣା ପରମାଣୁ ପରୀକ୍ଷା କରିବା ପୂର୍ବରୁ ଚୀନର ବୈଦେଶିକ ମନ୍ତ୍ରୀ ବାଙ୍ଗ ଏକ ବିବୃତ୍ତି ଦେଇଥିଲେ । ସେଥିରେ ସେ କହିଥିଲେ ଯେ ଉତ୍ତରକୋରିଆ ଅଞ୍ଚଳରେ ଥିବା ସମସ୍ତ ଉପଦ୍ୱୀପରେ ଶାନ୍ତି ପ୍ରତିଷ୍ଠା କରିବାକୁ ସମସ୍ତ ଦେଶ ସହାୟକ ହେବେ । ସେ ଆହୁରି କହିଥିଲେ କି କେବଳ ଉତ୍ତରକୋରିଆ ନୁହେଁ, ଏମିତି ଆହୁରି କିଛି ଦେଶ ଅଛନ୍ତି ଯେଉଁମାନେ କି ମାନବ ସଭ୍ୟତାର ବିକାଶ ସେନା କ୍ଷମତାର ବିକାଶ ମାଧ୍ୟମରେ ହୋଇଥାଏ ବୋଲି ବିଶ୍ୱାସ ରଖି ସେହି ଦିଗରେ ଆଗକୁ ବଢୁଛନ୍ତି । ସେହି ଦେଶମାନଙ୍କ ସହ ଆଲୋଚନା କରିବାକୁ ସେ ଅନ୍ୟ ଦେଶମାନଙ୍କୁ ଆହ୍ୱାନ ଦେଇଥିଲେ ।
ସୂଚନା ଥାଉକି ଆମେରିକାର ରକ୍ଷା ବିଭାଗ ପେଣ୍ଟାଗନ ଏହା ପୂର୍ବରୁ ଉତ୍ତର କୋରିଆର ମିସାଇଲ ପ୍ରୋଗ୍ରାମକୁ ନେଇ ଚିନ୍ତା ପ୍ରକଟ କରିଥିଲା । ପେଣ୍ଟାଗନ ତରଫରୁ କୁହାଯାଇଥିଲା କି ଉତ୍ତରକୋରିଆ ଏଭଳି କ୍ଷେପଣାସ୍ତ୍ର ପରୀକ୍ଷା କରି ନିଜ ସେନାର କ୍ଷମତା ବୃଦ୍ଧି କରିବାକୁ ଚାହୁଁଛି । ଯାହାକି ପଡୋଶୀ ଦେଶ ମାନଙ୍କ ପାଇଁ ବିପଦ ବୋଲି ପେଣ୍ଟାଗନ କହିଛି ।