ଯୁବତୀଙ୍କ ବିଶ୍ୱ ରେକର୍ଡ, ଗୋଟିଏ ହାତରେ ଏକା ସାଂଗରେ ଆଙ୍କିଲେ ୧୫ ମହାପୁରୁଷଙ୍କ ଚିତ୍ର

କନକ ବ୍ୟୁରୋ : ସାରା ବିଶ୍ୱରେ କେତେ ଟ୍ୟାଲେଣ୍ଟେଡ ଲୋକ ଅଛନ୍ତି ତାହା ଆପଣ ଅନୁମାନ କରିପାରିବେ ନାହିଁ । ଯେବେଠାରୁ ସୋସିଆଲ ମିଡିଆର ସମୟ ଆସିଛି ସେବେଠୁ ଏମାନଙ୍କ କଳା ଲୋକଙ୍କ ସାମ୍ନାକୁ ଆସିବାରେ ଲାଗିଛି । ଏହି କ୍ରମରେ ଏବେ ଜଣେ ଯୁବତୀଙ୍କ ଚିତ୍ର ଆଙ୍କିବାର ଭିଡିଓ ସୋସିଆଲ ମିଡିଆରେ ବେଶ୍ ଭାଇରାଲ ହେବାରେ ଲାଗିଛି । ଏହି ଭିଡିଓରେ ଯୁବତୀ ଜଣଙ୍କ ଗୋଟିଏ ହାତରେ ଏକା ସାଂଗରେ ୧୫ ଜଣ ମହାପୁରୁଷଙ୍କ ଚିତ୍ର ଆଙ୍କିବାର ଦେଖିବାକୁ ମିଳିଛି । ଏହି କଳାକୁ ଦେଖିବା ପରେ ଆପଣ ବି ଆଶ୍ଚର୍ଯ୍ୟ ହୋଇଯିବେ ।

ଏହି ଭିଡିଓକୁ ଶିଳ୍ପପତି ଆନନ୍ଦ ମହିନ୍ଦ୍ରା ନିଜ ଟ୍ୱିଟର ଆକାଉଣ୍ଟରେ ସେୟାର କରିଛନ୍ତି । ଏହାର କ୍ୟାପସନରେ ସେ ଲେଖିଛନ୍ତି ଯେ ଏହା କିଭଳି ସମ୍ଭବ ହେଲା । ଏହି ଯୁବତୀ ଜଣଙ୍କ ଜଣେ ପ୍ରତିଭାଶାଳୀ କଳାକାର ଯେ କି ଗୋଟିଏ ହାତ ସହାୟତାରେ ଏକା ସାଂଗରେ ୧୫ ଜଣଙ୍କର ଚିତ୍ର ଆଙ୍କିପାରୁଛନ୍ତି । ଏହାସହ ଏହି ଯୁବତୀଙ୍କୁ ଛାତ୍ରବୃତ୍ତି ଓ ଅନ୍ୟ ସହାୟତା ଯୋଗାଇ ପାରିଲେ ସେ ଖୁସିହେବେ ବୋଲି ଆନନ୍ଦ ମହିନ୍ଦ୍ରା ଲେଖିଛନ୍ତି ।

How is this even possible?? Clearly she’s a talented artist. But to paint 15 portraits at once is more than art—it’s a miracle! Anyone located near her who can confirm this feat? If valid, she must be encouraged & I’d be pleased to provide a scholarship & other forms of support. pic.twitter.com/5fha3TneJi

— anand mahindra (@anandmahindra) October 27, 2022

ଏହି ଭିଡିଓରେ ଦେଖିବାକୁ ମିଳିଛି କି, ଯୁବତୀ ଜଣଙ୍କ ଏକ ଚଉଡା ବୋର୍ଡରେ ଏହି ଚିତ୍ର ଆଙ୍କୁଛନ୍ତି । ସେ କିଛି ଟୁକୁଡା କାଠକୁ ବର୍ଗାକାରରେ ଯୋଡି ତାହା ମଧ୍ୟେରେ କିଛି ଡଟପେନକୁ ଯୋଡିଛନ୍ତି । ଏହାପରେ ଯୁବତୀ ଜଣଙ୍କ ଗୋଟିଏ ହାତରେ ସେହି କାଠର ବାକ୍ସକୁ ଧରି ବୋର୍ଡ ଉପରେ ଚିତ୍ର ଆଙ୍କିବାରେ ଲାଗିଛନ୍ତି ।