ସଂଧ୍ୟା ୬ଟା ପୂର୍ବରୁ ନିର୍ବାଚନ ମଣ୍ଡଳୀ ଛାଡନ୍ତୁ ଅଣଭୋଟର । ବାଲେଶ୍ୱର-ତିର୍ତୋଲ ଉପନିର୍ବାଚନ ନେଇ ନିର୍ଦ୍ଦେଶ ଦେଲେ ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ
କନକ ବ୍ୟୁରୋ : ସଂଧ୍ୟା ୬ଟା ପୂର୍ବରୁ ନିର୍ବାଚନ ମଣ୍ଡଳୀ ଛାଡନ୍ତୁ ଅଣ ଭୋଟର । ବାଲେଶ୍ୱର ଓ ତିର୍ତୋଲ ଉପନିର୍ବାଚନ ନେଇ ସାମ୍ବାଦିକ ସମ୍ମିଳନୀ କରି ନିର୍ଦ୍ଦେଶ ଦେଲେ ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ । ଏହାସହ ନଭେମ୍ବର ୩ରେ ଭୋଟ ପଡିବାକୁ ଥିବା ବେଳେ କରୋନା କଟକଣା ଭିତରେ ଭୋଟ ଗ୍ରହଣ କରାଯିବ ବୋଲି ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ ସୁୁସିଲ କୁମାର ଲୋହାନୀ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ମୁଖ୍ୟ ନିର୍ବାଚନ ଅଧିକାରୀଙ୍କ ପ୍ରେସମିଟ କରି ଆହୁରି ମଧ୍ୟ କହିଛନ୍ତି କି, କୋଭିଡ ନିୟମ ସହ ପ୍ରଚାର ପାଇଁ ବ୍ୟବସ୍ଥା କରାଯାଇଥିଲା । ନିୟମ ଉଲ୍ଲଘଂନ ନେଇ ୫୨ଟି ମାମଲା ରୁଜୁ ହୋଇଛି । ୧୧,୨୦୫ ଲିଟର ମଦ ଜବତ ହୋଇଛି ।
ପ୍ରଚାର ପାଇଁ ହାତରେ ଆଉ ମାତ୍ର ଘଂଟାଏ ସମୟ । ଆଜି ସରିବ ବାଲେଶ୍ୱର ଓ ତିର୍ତୋଲ ଉପ-ନିର୍ବାଚନ ପାଇଁ ପ୍ରଚାର । ସେଥିପାଇଁ ଶେଷ ମୁହୁର୍ତରେ ଭୋଟର୍ଙ୍କୁ ଆକର୍ଷିତ କରିବା ପାଇଁ ୩ ପ୍ରମୁଖ ଦଳର ଉଦ୍ୟମ ଜାରି ରଖିଛନ୍ତି । ସନ୍ଧ୍ୟା ଆଜି ଶେଷ ଦିନରେ ଦଳୀୟ ପ୍ରାର୍ଥୀଙ୍କ ସମର୍ଥନରେ ଭୋଟ୍ ମାଗୁଛନ୍ତି ନେତା । ବିଜେଡି ପକ୍ଷରୁ ପ୍ରଚାର କରୁଛନ୍ତି ନେତା ଓ ଅଭିନେତା । ସବୁ ଆସନରେ ତ୍ରିମୁଖୀ ପ୍ରତିଦ୍ୱନ୍ଦିତା ହେଉଛି ।
ବାଲେଶ୍ୱରରେ ସ୍ୱାଧୀନ ପ୍ରାର୍ଥୀ ବେଣୁଧର ବାରିକଙ୍କ ଉପସ୍ଥିତି ମାହୋଲକୁ ଅଧିକ ଗରମ କରିଛି । ଆଉ ଗୋଟିଏ ଦିନ ପରେ ଭୋଟ ହେଉଥିବାରୁ ପୋଲିଂ ବୁଥଗୁଡିକୁ ପୋଲିଂ ପାର୍ଟି ପଠାଇବା କାମ ଚାଲିଛି । କରୋନା କଟକଣା ମଧ୍ୟରେ ରାଜ୍ୟରେ ରାଜ୍ୟରେ ପ୍ରଥମ ନିର୍ବାଚନ ହେଉଛି ।