ସୂର୍ଯ୍ୟପରାଗ ନୀତିକୁ ମାନିବେନି ହେତୁବାଦୀ : ପରାଗ ସମୟରେ କରିବେ ରୋଷେଇ, ଖାଇବେ ଚିକେନ ବିରିୟାନୀ
କନକ ବ୍ୟୁରୋ : ସୂର୍ଯ୍ୟପରାଗ ନୀତିକୁ ମାନୁ ନାହାଁନ୍ତି ହେତୁବାଦୀ । ପରାଗରେ ପାକ ନିଷେଧ ନିୟମ ରହିଥିବାବେଳେ ଏହାକୁ ମାନୁ ନାହାଁନ୍ତି । ଆଉ ଏହି ସମୟରେ ଚିକେନ୍ ବିରିୟାନୀ ରାନ୍ଧି ଖାଉଛନ୍ତି । ସୂର୍ଯ୍ୟପରାଗ ପାଇଁ ପାକ ନିଷେଧର ନିୟମ ରହିଥାଏ । ଏହି ସମୟରେ ରାନ୍ଧିବା କି ରନ୍ଧା ଖାଦ୍ୟ ଖାଇବାରେ ବାରଣ ହୋଇଥାଏ ।
Kanak News is now on WhatsApp
Join and get latest news updates delivered to you via WhatsApp
ଆମ ସଂସ୍କୃତିରେ ଏହି ନୀତି କାହିଁ କେଉଁ କାଳରୁ ରହି ଆସିଛି । ହେଲେ ଏହାକୁ ଅନ୍ଧବିଶ୍ୱାସ ମାନୁଛନ୍ତି ହେତୁବାଦୀ । ଭୁବନେଶ୍ୱରରେ ବିଭିନ୍ନ ସ୍ଥାନର ହେତୁବାଦୀ ଏକାଠି ହୋଇ ରୋଷେଇ କରି ଖାଉଛନ୍ତି । ସେମାନଙ୍କ ମତରେ ପରାଗ ସମୟରେ ପାକ ନିଷେଧର କୌଣସି ଆବଶ୍ୟକତା ନାହିଁ । ଏହା ପ୍ରତ୍ୟେକ ଦିନର ଘଟଣା । ସୂର୍ଯ୍ୟ କାଲି ଯେଉଁ କିରଣ ଦେଉଥିଲେ ଆଜି ସେଥିରେ କୌଣସି ବ୍ୟତିକ୍ରମ ହୋଇନାହିଁ । ବୈଜ୍ଞାନିକ ଦୃଷ୍ଟିକୋଣରୁ ଏହା କୌଣସି ସମସ୍ୟା ନୁହେଁ ବୋଲି ହେତୁବାଦୀ କହିଛନ୍ତି ।