କନକ ବ୍ୟୁରୋ : ମୁମ୍ବାଇର ପୂର୍ବତନ ପୋଲିସ କମିଶନର ପରମବୀର ସିଂଙ୍କ ପାଇଁ ଅଡୁଆ ବଢିବାରେ ଲାଗିଛି । ଥାନେର ଏକ କୋର୍ଟ ଏବେ ପରମବୀରଙ୍କ ବିରୋଧରେ ଜାମିନ ବିହୀନ ଗିରଫ ପରୱାନା ଜାରି କରିଛନ୍ତି । ପୋଲିସ ପକ୍ଷରୁ ବୁଧବାରଦିନ କୋର୍ଟରେ ଆବେଦନ କରି କହିଥିଷଲ କି ସିଂଙ୍କ ବିରୋଧରେ ଜାମିନ ବିହୀନ ଗିରଫ ପରୱାନା ଜାରି କରାଯାଉ, କାରଣ ତାଙ୍କ ଉପରେ ଥିବା ଲାଂଚ ଅଭିଯୋଗ ପରେ ସେ ଫେରାର ହୋଇଯାଇଛନ୍ତି ଓ ନୋଟିସ କରି ପଚରା ଉଚରା ପାଇଁ ଡକାଯାଉଥିଲେ ବି ସେ ହାଜର ହେଉ ନାହାଁନ୍ତି ।
Kanak News is now on WhatsApp
Join and get latest news updates delivered to you via WhatsApp
କହିରଖୁ କି ମୁମ୍ବାଇର ବିପିନ ଅଗ୍ରୱାଲ ନାମକ ଜଣେ ବ୍ୟବସାୟୀ ମୁମ୍ବାଇର ଗୋରେଗାଁଓ ପୋଲିସ ଷ୍ଟେସନରେ ଅଭିଯୋଗ କରିଥିଲେ । ସେ ତାଙ୍କ ଅଭିଯୋଗରେ ପରମବୀର ସିଂ ସମେତ ଏଣ୍ଟେଲିଆ ମାମଲାରେ ଗିରଫ ହୋଇଥିବା ସଚୀନ ବାଜେ ଓ ଛୋଟା ସର୍କିଲ ଗ୍ୟାଙ୍ଗର ଗୁର୍ଗା ରିୟାଜ ମୁମ୍ବାଇର ଅନେକ ବାର ଓ ରେଷ୍ଟୁରାଣ୍ଟରୁ ମାସିକ ଚନ୍ଦା ଆଦାୟ କରୁଥିବା କଥା କହିଥିଲେ ।
ଅନ୍ୟପଟେ ଏସବୁ ମାମଲାରେ ଛନ୍ଦି ହେବା ପରେ ତାଙ୍କୁ ସରକାର ପଦରୁ ହଟାଇ ଦେଇଥିଲେ । ସେ ପଦବୀରୁ ଯିବାର କିଛିଦିନ ପରେ ପରମବୀର ସିଂ ଚଳିତ ବର୍ଷ ଆରମ୍ଭରେ ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କୁ ଏକ ଚିଠି ଲେଖି କହିଥିଲେ କି ମହାରାଷ୍ଟ୍ରର ପୂର୍ବତନ ଗୃହମନ୍ତ୍ରୀ ଅନିଲ ଦେଶମୁଖ ତାଙ୍କୁ ଟଙ୍କା ଆଦାୟ କରିବାକୁ କହିଥିଲେ ।