କନକ ବ୍ୟୁରୋ: ସତ୍ତା ବଳରେ ନେତାମାନେ ବିଭିନ୍ନ ସମୟରେ ଉନ୍ମତ୍ତ କାଣ୍ଡ ଘଟାଇବା ଦେଖିବାକୁ ମିଳେ । ଏବେ ଏପରି ଆଉ ଏକ ଘଟଣା ସାମନାକୁ ଅସିଛି । ଦିଲ୍ଲୀ ନୋଏଡା ଗୌତମ ନଗରରେ ଥିବା ସେକ୍ଟର-୯୮ରେ ରହୁଥିବା ଜଣେ ମହିଳାଙ୍କୁ ଅସଭ୍ୟ ବ୍ୟବହାର କରିଛନ୍ତି ବିଜେପି ବିଧାୟକ ଶ୍ରୀକାନ୍ତ ତ୍ୟାଗୀ ।
Kanak News is now on WhatsApp
Join and get latest news updates delivered to you via WhatsApp
ସୋସାଇଟି ପରିସରରେ କିଛି ଫୁଲ ଗଛ ଲଗାଇବାରୁ ରାଗିଯାଇଥିଲେ ବିଧାୟକ । ଏହାକୁ ନେଇ ମହିଳାଙ୍କ ଅସଭ୍ୟ ଭାଷାରେ ଗାଳିଗୁଲଜ କରିଥିଲେ ।ଏହାସହ ଧମକ ମଧ୍ୟ ଦେଇଥିଲେ । କିନ୍ତୁ ମହିଳା ଜଣଙ୍କର କିଛି ଦୋଷ ନଥାଇ ମଧ୍ୟ ସେ ନୀରବ ରହିଥିଲେ । ଏହି ଘଟଣାର ଭିଡିଓ ସୋସିଆଲ ମିଡିଆରେ ଘୁରି ବୁଲିବା ପରେ ଲୋକେ ବିଜେପି ନେତାଙ୍କ ବିରୋଧରେ ସ୍ୱର ଉଠାଇଥିଲେ । ଏହାକୁ ନେଇ ପୋଲିସରେ ମାମଲା ମଧ୍ୟ ଦାଏର କରିଛନ୍ତି ।
କିନ୍ତୁ ମାମାଲା ଦାଏର ହେବା ପରେ ପରେ କୁଆଡେ ଫେରାର ହୋଇଛନ୍ତି ଶ୍ରୀକାନ୍ତ ତ୍ୟାଗୀ । ତାଙ୍କୁ ପୋଲିସ ଏଯାଏଁ ଗିରଫ କରିପାରିନାହିଁ । ଅନ୍ୟପଟେ ବିଜେପିଙ୍କର ତ୍ୟାଗୀଙ୍କ ସହ କୌଣସି ସମ୍ପର୍କ ନାହିଁ ବୋଲି କହିଛି ବିଜେପି ।