ଶାନ୍ତି ପାଇଁ ନୋବେଲ ପୁରସ୍କାର: କ୍ଷୁଧା ବିରୋଧରେ ଲଢେଇ ଏବଂ କ୍ଷୁଧାମୁକ୍ତି ପାଇଁ “ଦି ୱାଲ୍ଡ ଫୁଡ ପ୍ରୋଗ୍ରାମ”କୁ ମିଳିବ ନୋବେଲ ଶାନ୍ତି ପୁରସ୍କାର
ଖାଦ୍ୟ ସୁରକ୍ଷାକୁ ଗୁରୁତ୍ୱ ପାଇଁ ମିଳିବ ସାମ୍ମାନ
କନକ ବ୍ୟୁରୋ: ନୋବେଲ ଶାନ୍ତି ପୁରସ୍କାର ୨୦୨୦ ଘୋଷଣା । “ଦି ୱାଲ୍ଡ ଫୁଡ ପ୍ରୋଗ୍ରାମ”କୁ ମିଳିବ ନୋବେଲ ଶାନ୍ତି ପୁରସ୍କାର । କ୍ଷୁଧା, ଓ ଖାଦ୍ୟ ସୁରକ୍ଷାକୁ ଗୁରୁତ୍ୱ ପାଇଁ ମିଳିବ ପୁରସ୍କାର । କ୍ଷୁଧା ବିରୋଧରେ ଲଢେଇ ଏବଂ କ୍ଷୁଧାମୁକ୍ତି ପାଇଁ “ଦି ୱାଲ୍ଡ ଫୁଡ ପ୍ରୋଗ୍ରାମ”କୁ ମିଳିବ ନୋବେଲ ଶାନ୍ତି ପୁରସ୍କାର । ବିଶ୍ୱର ୮୮ ଦେଶର ପ୍ରାୟ ୧୦୦ ମିଲିୟନ ଲୋକଙ୍କୁ ସହାୟତା ଦେଇଛି ଏହି ସଂସ୍ଥା ।
Kanak News is now on WhatsApp
Join and get latest news updates delivered to you via WhatsApp
ବିଶ୍ୱ ଖାଦ୍ୟ କାର୍ଯ୍ୟକ୍ରମ ବା ଓ୍ଵାର୍ଲଡ୍ ଫୁଡ ପ୍ରୋଗ୍ରାମ (ଡବ୍ଲୁଏଫପି)କୁ ଚଳିତ ବର୍ଷର ସମ୍ମାନଜନକ ନୋବେଲ ଶାନ୍ତି ପୁରସ୍କାର ପ୍ରଦାନ କରାଯିବ । କ୍ଷୁଧା ଓ ଖାଦ୍ୟ ସୁରକ୍ଷାକୁ ଗୁରୁତ୍ୱ ପାଇଁ ଡବ୍ଲୁଏଫପିକୁ ଏହି ପୁରସ୍କାର ପାଇଁ ବଛାଯାଇଛି । ନୋବେଲ ଶାନ୍ତି ପୁରସ୍କାର ଦୌଡ଼ରେ ବିଶ୍ୱ ସ୍ୱାସ୍ଥ୍ୟ ସଂଗଠନ (ଡବ୍ଲୁଏଚଓ) ଓ ପରିବେଶ କର୍ମୀ ଗ୍ରେଟା ଥନବର୍ଗ ଥିବାବେଳେ ସେମାନଙ୍କୁ ପଛରେ ପକାଇଦେଇଛି ଡବ୍ଲୁଏଫପି ।
ଏ ସମ୍ପର୍କରେ ଟ୍ଵିଟ୍ କରି ନୋବେଲ କମିଟି ପକ୍ଷରୁ କୁହାଯାଇଛି ଯେ ବିଶ୍ୱରେ କ୍ଷୁଧା ବିରୋଧରେ ଲଢେଇ, ଯୁଦ୍ଧଗ୍ରସ୍ତ ଅଞ୍ଚଳରେ ଶାନ୍ତି ଆଣିବା ଦିଗରେ ପ୍ରୟାସ ଏବଂ ଯୁଦ୍ଧ କିମ୍ବା ବିବାଦ ଲାଗି କ୍ଷୁଧାକୁ ଏକ ଅସ୍ତ୍ରଭାବେ ବ୍ୟବହାର କରାଯିବାକୁ ରୋକିବା ଦିଗରେ ଉଦ୍ୟମ ଲାଗି ଦି ଓ୍ଵାର୍ଲଡ୍ ଫୁଡ ପ୍ରୋଗ୍ରାମକୁ ନେବେଲ ଶାନ୍ତି ପୁରସ୍କାର ପ୍ରଦାନ କରାଯିବ । ଏଥର ନୋବେଲ ଶାନ୍ତି ପୁରସ୍କାର ପାଇଁ ମୋଟ ୩୧୮ଟି ମନୋନୟନକୁ ବିଚାରକୁ ନିଆଯାଇଥିଲା । ସେଗୁଡ଼ିକ ମଧ୍ୟରୁ ୨୧୧ ଜଣ ବ୍ୟକ୍ତି ଥିବାବେଳେ ୧୦୭ଟି ସଂଗଠନ ରହିଥିଲା । ଗତବର୍ଷ ଇଥିଓପିଆର ପ୍ରଧାନମନ୍ତ୍ରୀ ଆବି ଅହମ୍ମଦଙ୍କୁ ନୋବେଲ ଶାନ୍ତି ପୁରସ୍କାର ପ୍ରଦାନ କରାଯାଇଥିଲା ।