ଡ୍ରାଇଭିଂ ଲାଇସେନ୍ସକୁ ଆସିଲା ବଡ ଖବର । ଆରଟିଓରେ ଟେଷ୍ଟ ନଦେଇ ବି ପାଇପାରିବେ ଡିଏଲ୍ । ପଢନ୍ତୁ କଣ ରହିଛି ସରକାରଙ୍କ ନୂଆ ନିୟମ?
କନକ ବ୍ୟୁରୋ: ଡ୍ରାଇଭିଂ ଲାଇସେନ୍ସକୁ ନେଇ ଆସିଛି ବଡ ଖବର । ଏଣିକି ଲାଇସେନ୍ସ ପାଇଁ ଆଉ ଲୋକଙ୍କୁ ଆରଟିଓ ଚକ୍କର କାଟିବାକୁ ପଡିବ ନାହିଁ । କେନ୍ଦ୍ର ସରକାର ଡ୍ରାଇଭିଂ ଲାଇସେନ୍ସ ନିୟମରେ ପରିବର୍ତ୍ତନ କରିବା ସହିତ ଏହି ନୂଆ ନିୟମ ଜାରି କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ନୂଆ ନିୟମ ମୁତାବକ, ଏବେ ଡ୍ରାଇଭିଂ ଲାଇସେନ୍ସ ପାଇଁ ଆବେଦନ କରିଥିବା ଲୋକ ଆରଟିଓ ଯାଇ ସେଠାରେ ଡ୍ରାଇଭିଂ ଟେଷ୍ଟ ଦେବା ବାଧ୍ୟତାମୂଳକ ନୁହେଁ । ବଂର ଏହା ବଦଳରେ ଜଣେ ବ୍ୟକ୍ତି ସରକାରଙ୍କ ଦ୍ୱାରା ମାନ୍ୟତା ପ୍ରାପ୍ତ ଡ୍ରାଇଭିଂ ଟ୍ରେନିଂ ସ୍କୁଲରେ ରେଜିଷ୍ଟ୍ରେସନ କରିବା ସହିତ ସେଠାରେ ଟ୍ରେନିଂ ନେବେ । ସେଠାରୁ ଡ୍ରାଇଭିଂ ଟ୍ରେନିଂ ପାସ୍ କରିବା ପରେ ସେଠାରୁ ମିଳିଥିବା ସାର୍ଟିଫିକେଟ ଆଧାରରେ ଜଣେ ବ୍ୟକ୍ତି ଆରଟିଓରୁ ନିଜର ଲାଇସେନ୍ସ ପାଇପାରିବେ ।
ଏହାଫଳରେ ଅନେକ ବ୍ୟକ୍ତିଙ୍କୁ ଆଉ ଆରଟିଓରେ ଲାଇନ ଲାଗିବାକୁ ପଡିବ ନାହିଁ । ଲୋକମାନେ ଅତି ସହଜରେ ସେମାନଙ୍କର ଡ୍ରାଇଭିଂ ଲାଇସେନ୍ସ ବନେଇପାରିବେ । ଖାଲି ସେତିକି ନୁହେଁ, କୋଭିଡ୍ କାଳରେ ଲାଇସେନ୍ସ ପାଇଁ ଆରଟିଓରେ ଅଯଥା ଗହଳି ମଧ୍ୟ କମ ହୋଇପାରିବ ।
ନଜର ପକାନ୍ତୁ, କେନ୍ଦ୍ର ସରକାରଙ୍କ ନୂଆ ନିୟମ ଉପରେ...
- ଟ୍ରେନିଂ ସେଣ୍ଟରକୁ ନେଇ କେନ୍ଦ୍ର ସଡକ ଓ ପରିବହନ ମନ୍ତ୍ରାଳୟ ପକ୍ଷରୁ ମଧ୍ୟ ଏକ ଗାଇଡଲାଇନ୍ ଜାରି କରାଯାଇଛି । ଯେଉଁଥିରେ ଟ୍ରେନିଂ ସେଣ୍ଟରର କ୍ଷେତ୍ରଫଳଠାରୁ ଆରମ୍ଭ କରି କିପରି ଶିକ୍ଷା ଦିଆଯିବ ସେନେଇ ସୂଚନା ଦିଆଯାଇଛି ।
- ଅଧିକୃତ ଏଜେନ୍ସି ସୁନିଶ୍ଚିତ କରିବ, ଟ୍ରେନିଂ ସେଣ୍ଟରେ ଦୁଇ ଚକିଆ ଯାନର ଟ୍ରେନିଂ ପାଇଁ ଅତି କମରେ ଏକ ଏକର ଜାଗା ଥିବ । ସେହିପରି ମଧ୍ୟମ ଓ ଭାରିଯାନ ପାଇଁ ଦୁଇ ଏକର ଜାଗା ରହିବ ଜରୁରୀ
- ଟ୍ରେନିଂ ସେଣ୍ଟରର ଟ୍ରେନର ଜଣକ ଅତିକମରେ ୧୨ କ୍ଲାସ ପାସ୍ କରିବା ସହିତ ଡ୍ରାଇଭିଂରେ ଅତି କମରେ ୫ ବର୍ଷର ଅଭିଜ୍ଞତା ରଖିଥିବା ଦରକାର । ତା ସହିତ ଯାତାୟତ ନିୟମ ସହିତ ମଧ୍ୟ ଟ୍ରେନର ଜଣକ ଜଡିତ ଥିବା ଆବଶ୍ୟକ ।
- ଟ୍ରେନିଂ ସେଣ୍ଟରରେ ଜଣେ ବ୍ୟକ୍ତି ଅତିକମରେ ୪ ସପ୍ତାହ ପର୍ଯ୍ୟନ୍ତ ଟ୍ରେନିଂ ନେବା ଆବଶ୍ୟକ । ଯାହାକି ୨୯ ଘଣ୍ଟାରୁ କମ ହେବ ନାହିଁ ।