ମେ ୩ ଯାଏଁ ରଥ ନିର୍ମାଣ ବନ୍ଦ । ଏଥର ଅକ୍ଷୟ ତୃତୀୟାରୁ ଆରମ୍ଭ ହେବନି ମହାପ୍ରଭୁଙ୍କ ରଥ ନିର୍ମାଣ କାମ । ଲକଡାଉନ ପାଇଁ ମେ ୩ ଯାଏଁ ମନ୍ଦିର ବାହାରେ ହେବନି କୌଣସି କାମ । ସ୍ପଷ୍ଟ କଲେ ଗଜପତି ମହାରାଜ

କନକ ବ୍ୟୁରୋ: ମେ ୩ ଯାଏଁ ରଥ ନିର୍ମାଣ ବନ୍ଦ । ଆସନ୍ତା ୩ ମେ ଯାଏଁ ମନ୍ଦିର ବାହାରେ କୌଣସି କାମ ହୋଇପାରିବ ନାହିଁ । ସର୍ବସାଧାରଣ ସ୍ଥାନରେ ସରକାରଙ୍କ ଲକଡାଉନ ନିୟମ ପାଳନ ହେବ । ତେଣୁ ମହାପ୍ରଭୁଙ୍କ ରଥ ନିର୍ମାଣ କାମ ଲକଡାଉନ ନସରିବା ଯାଏଁ ଅର୍ଥାତ ୩ ମେ ଯାଏଁ ହୋଇପାରିବ ନାହିଁ ବୋଲି ସ୍ପଷ୍ଟ କରିଛନ୍ତି ଗଜପତି ମହାରାଜ ।

Kanak News is now on WhatsApp

Join and get latest news updates delivered to you via WhatsApp

Join Now

ତେବେ ରଥ ନିର୍ମାଣ ବନ୍ଦ ହେବା କଥା କହିବା ସହ ସେ ବକଳ୍ପ ବ୍ୟବସ୍ଥା କଥା ମଧ୍ୟ କହିଛନ୍ତି । ରଥ ନିର୍ମାଣ ନେଇ ବିକଳ୍ପ ବ୍ୟବସ୍ଥା କଥା ଶଙ୍କରାଚାର୍ଯ୍ୟ କହିବେ ବୋଲି ଗଜପତି ସ୍ପଷ୍ଟ କରିଛନ୍ତି । ରଥ ନିର୍ମାଣ କେମିତି ହେବ ଓ ତାର କଣ ବିକଳ୍ପ ଅଛି ସେନେଇ ଗଜତଗୁରୁ ଶଙ୍କରାଚାର୍ଯ୍ୟ ସ୍ପଷ୍ଟ କରିବେ ବୋଲି ଗଜପତି କହିଛନ୍ତି ।

ସେପଟେ ଅକ୍ଷୟ ତୃତୀୟା ଠାରୁ ରଥଯାତ୍ରା ପାଇଁ ରଥ ନିର୍ମାଣ କାମ ଆରମ୍ଭ ହୁଏ । ଆଉ ଦୁଇ ଦିନ ପରେ ଅକ୍ଷୟ ତୃତୀୟ ଥିବାରୁ ରଥ ନିର୍ମାଣ କାମ ଆରମ୍ଭ ହୋଇଥାନ୍ତା । ମାତ୍ର ଲକଡାଉନ ପାଇଁ ଆଉ ସଂକ୍ରମଣ ବିରୋଧରେ ଲଢେଇ କରିବା ପାଇଁ ରଥ ନିର୍ମାଣକୁ ୩ ମେ ଯାଏଁ ବନ୍ଦ କରାଯାଇଥିବା କହିଛନ୍ତି ଗଜପତି ।

ପରିଚାଳନା କମିଟି ବୈଠକ ପରେ ଗଜପତି ମହାରାଜଙ୍କ ବାର୍ତ୍ତା ଦେଇଛନ୍ତି ଯେ ଲୋକଙ୍କ ଜୀବନ, ଲୋକଙ୍କ ସ୍ୱାସ୍ଥ୍ୟ ଓ ଦେବନୀତି ଦୁଇଟି ଉପରେ ଗୁରୁତ୍ୱ ଦିଆଯିବ । ମେ ୩ ଯାଏଁ ମନ୍ଦିର ବାହାରେ କୌଣସି କାମ ହୋଇପାରବନି । ଲକଡାଉନ ସରିବା ପରେ ଯେଉଁ ନୂଆ ଗାଇଡଲାଇନ ଆସିବ ତାହା ପରେ ରଥଯାତ୍ରା ନେଇ ନିଷ୍ପତ୍ତି ନିଆଯିବ । ମେ ୩ ପରେ ମହାପ୍ରଭୁଙ୍କ ଦେବନୀତି ନେଇ ବ୍ୟବସ୍ଥା କରିବାକୁ ସରକାରଙ୍କୁ ପରିଚାଳନା କମିଟି ନିବେଦନ କରିଛି । ଲୋକଙ୍କ ଜୀବନ ସହ ଠାକୁରଙ୍କ ନୀତି କେମିତି ପାଳନ କରିହେବ ସେନେଇ ବ୍ୟବସ୍ଥା କରିବାକୁ ନିବେଦନ କରିଛୁ ବୋଲି ଗଜପତି ସାମ୍ବାଦିକ ସମ୍ମିଳନୀରେ କହିଛନ୍ତି ।