ତାଲାବନ୍ଦ ବେଳେ ରାସନ ସାମଗ୍ରୀ ପାଇଁ ଲୋକେ ହଟହଟା: ଘଂଟା ଘଂଟା ଧରି ଲମ୍ବାଲାଇନରେ ଛିଡା ହେବା ପରେ ମଧ୍ୟ ରାସନ ସାମଗ୍ରୀ ମିଳୁନଥିବା ଅଭିଯୋଗ
ବାଲେଶ୍ୱରରୁ ଆସିଲା ଅଭାବନୀୟ ଚିତ୍ର
କନକ ବ୍ୟୁରୋ: ତାଲା ବନ୍ଦ ସମୟରେ ରାସନ ଏକ ଜରୁରୀ ସାମଗ୍ରୀ ପାଲଟିଥିବା ବେଳେ ଏହାକୁ ପାଇବା ପାଇଁ ଲୋକଙ୍କୁ ଲମ୍ବାଲାଇନରେ ଦୀର୍ଘସମୟ ଧରି ଛିଡା ହେବାକୁ ପଡୁଛି । ଏପରି ଅଭାବନୀୟ ଚିତ୍ର ଆସିଛି ବାଲେଶ୍ୱର ଜିଲ୍ଲାରୁ । ଖଇରା ବ୍ଲକ ଜଲଦା ଗାଁରେ ରାସନ ପାଇଁ ଲମ୍ବା ଲାଇନରେ ଛିଡା ହେଉଛନ୍ତି ଲୋକେ । ଠିକଣା ସମୟରେ ରାସନ ସାମଗ୍ରୀ ପାଇପାରୁନଥିବାରୁ ଲୋକେ ନାହିଁନଥିବା ଅସୁବିଧା ଭୋଗୁଥିବା ଅଭିଯୋଗ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ତାଲା ବନ୍ଦ ସମୟରେ ଲୋକଙ୍କ ପାଖରେ କିପରି ରାସନ ସାମଗ୍ରୀ ପହଂଚିପାରିବ ସେନେଇ ସରକାରୀ ସ୍ତରରେ ଅନେକ ପଦକ୍ଷେପ ନିଆଯାଇଥିବା ବେଳେ ତ୍ରୁଣମୂଳସ୍ତରରେ ଏହାର କାର୍ଯ୍ୟକାରିତାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି । ତାଲା ବନ୍ଦ ସମୟରେ କେବଳ ଜରୁରୀ ସାମଗ୍ରୀ ଆଣିବା ପାଇଁ ଲୋକେ ବାହାରକୁ ଆସୁଥିବା ବେଳେ ରାସନ ସାମଗ୍ରୀ ଟିକକ ପାଇବା ପାଇଁ ସେମାନଙ୍କୁ ବଡ ହିନସ୍ତା ହେବାକୁ ପଡୁଛି ଯାହାକିୁ ସରକାରୀ ବ୍ୟବସ୍ଥା ଉପରେ ପ୍ରଶ୍ନବାଚୀ ସୃଷ୍ଟି କରିଛି ।