ପୁରୁଣା ଗାଡି ମାଲିକଙ୍କୁ ବଡ ଆଶ୍ୱସ୍ତି । ବନ୍ଦ ହେବନି ୧୫ ବର୍ଷରୁ ଅଧିକ ପୁରୁଣା ଗାଡି, ଟ୍ୱିଟ୍ କରି ସୂଚନା ଦେଲେ ରାଜ୍ୟ ପରିବହନ କର୍ତ୍ତୃପକ୍ଷ ।
କନକ ବ୍ୟୁରୋ : ପୁରୁଣା ଗାଡି ମାଲିକଙ୍କୁ ବଡ ଆଶ୍ୱସ୍ତି । ବନ୍ଦ ହେବନି ୧୫ ବର୍ଷର ପୁରୁଣା ଗାଡି । ରାସ୍ତାରେ ଚାଲିପାରିବ ୧୫ ବର୍ଷରୁ ଅଧିକ ପୁରୁଣା ଗାଡି । ଏନେଇ ଟ୍ୱିଟ୍ କରି ସୂଚନା ଦେଇଛନ୍ତି ରାଜ୍ୟ ପରିବହନ କର୍ତ୍ତୃପକ୍ଷ । ନୂଆ ଟ୍ରାଫିକ ନିୟମ ଲାଗୁ ହୋଇଥିଲେ ମଧ୍ୟ ୧୫ ବର୍ଷରୁ ଅଧିକ ଗାଡିକୁ ବନ୍ଦ କରିବାକୁ ରାଜ୍ୟ ସରକାର ନିଷ୍ପତି ନେଇନାହାନ୍ତି ବୋଲି କୁହାଯାଇଛି । ତେବେ ରାସ୍ତାରେ ୧୫ ବର୍ଷରୁ ଅଧିକ ଗାଡି ଚଳାଇବାକୁ ହେଲେ ଗାଡି ମାଲିକଙ୍କୁ ଅନେକ ଗୁଡିଏ ସର୍ତ୍ତ ପାଳନ କରିବାକୁ ହେବ ।
Kanak News is now on WhatsApp
Join and get latest news updates delivered to you via WhatsApp
At present there is no policy to scrap more than 15 year old vehicles. The owners of fifteen year old Non Transport vehicles can renew the RC at RTO office.
The validity of registration of transport vehicle is valid as long as its fitness certificate is valid. pic.twitter.com/rgKc3HUG6x— STA Odisha (@STAOdisha) November 26, 2019
ରାସ୍ତାରେ ୧୫ ବର୍ଷରୁ ଅଧିକ ପୁରୁଣା ଗାଡି ଚଳାଇବାକୁ ହେଲେ ଆରଟିଓରୁ ଗାଡିର ରେଜିଷ୍ଟ୍ରେସନ ରିନ୍ୟୁ କରିବାକୁ ପଡିବ । ଏହାଛଡା ଗାଡିର ଫିଟନେସ ସାର୍ଟିଫିକେଟ ବୈଧ ଥିବା ଯାଏଁ ଗାଡିର ରେଜିଷ୍ଟ୍ରେସନ ବୈଧ ରହିବ ବୋଲି ସ୍ପଷ୍ଟ କରାଯାଇଛି । ଫିଟନେସ ସାର୍ଟିଫିକେଟକୁ ମଧ୍ୟ ପୁଣିଥରେ ପଞ୍ଜୀକରଣ କରିପାରିବେ ଗାଡି ମାଲିକ ।