ସାହିନବାଗ ଧାରଣାକୁ ନେଇ ସୁପ୍ରିମକୋର୍ଟଙ୍କ ବଡ଼ ରାୟ । କହିଲେ, ସାର୍ବଜନୀନ ସ୍ଥାନକୁ କେହି ଅନିଶ୍ଚିତ କାଳ ଯାଏଁ କରିପାରିବେ ନାହିଁ କବଜା ।
କନକ ବ୍ୟୁରୋ: ଦିଲ୍ଲୀରେ ସିଏଏ ବିରୋଧରେ ସାହିନବାଗରେ ହୋଇଥିବା ବିକ୍ଷୋଭ ପ୍ରଦର୍ଶନକୁ ନେଇ ସୁପ୍ରିମକୋର୍ଟ ବଡ ରାୟ ଦେଇଛନ୍ତି । ସର୍ବୋଚ୍ଚ ନ୍ୟାୟାଳୟ ରାୟ ଦେଇ କହିଛନ୍ତି, କୌଣସି ବ୍ୟକ୍ତି ବା ସମୂହ ସାର୍ବଜନୀନ ସ୍ଥାନକୁ ଅବରୋଧ କରିପାରିବେ ନାହିଁ । ସର୍ବସାଧାରଣ ସ୍ଥଳକୁ ଅନିଶ୍ଚିତ କାଳ ଯାଏଁ କବଜା କରାଯାଇ ପାରିବ ନାହିଁ । ଖଣ୍ଡପୀଠ କହିଛନ୍ତି ବିରୋଧ ପ୍ରଦର୍ଶନ କରିବା ଅଧିକାର ତା ସ୍ଥାନରେ ଅଛି, ହେଲେ ଅଗ୍ରେଂଜ ଶାସନ ସମୟର କାର୍ଯ୍ୟକଳାପ ଏବେ କରିବା ଉଚିତ ନୁହେଁ ।
Kanak News is now on WhatsApp
Join and get latest news updates delivered to you via WhatsApp
ବିରୋଧ ପ୍ରଦର୍ଶନ କରିବା ସମୟରେ ପବ୍ଲିକ ପ୍ଲେସ ବା ରାସ୍ତାକୁ ଅନିଶ୍ଚିତ କାଳ ଯାଏଁ ଅବରୋଧ କରାଯାଇ ପାରିବ ନାହିଁ । ସାର୍ବଜନୀନ ସ୍ଥାନରେ ବିରୋଧ ପ୍ରଦର୍ଶନ ଲୋକଙ୍କ ଅଧିକାରର ହନନ । ତେଣୁ ଏପରି ରାସ୍ତାରୋକକୁ ପ୍ରଶାସନିକ ଅଧିକାରୀ ହଟାଇବା ଉଚିତ ବୋଲି କହିଛନ୍ତି ସୁପ୍ରିମକୋର୍ଟ । ଏହା ବି ସତ ଯେ ସାର୍ବଜନିକ ବୈଠକ ଉପରେ ପ୍ରତିବନ୍ଧକ ଲଗାଇ ହେବ ନାହିଁ । ହେଲେ ତାହା ଏକ ନିର୍ଦ୍ଧିଷ୍ଟ ଅଂଚଳରେ ହେବା ଉଚିତ ।
ଖଣ୍ଡପୀଠ କହିଛନ୍ତି, ସମ୍ବିଧାନ ବିରୋଧ କରିବାକୁ ଅଧିକାର ଦେଇଛି ସତ, ହେଲେ ଏହାକୁ କର୍ତବ୍ୟ ସହ ବି ଯୋଡି ଦେଖିବା ଉଚିତ । ଉଲ୍ଲେଖ ଯୋଗ୍ୟ ସିଏଏ ବିରୋଧର ଶାହିନବାଗରେ ଶହେରୁ ଅଧିକ ଦିନ ଯାଏଁ ଧାରଣା ଦିଆଯାଇଥିଲା । କରୋନା ଭୂତାଣୁ ଯୋଗୁଁ ଦିଲ୍ଲୀରେ ୧୪୪ ଧାରା ଲାଗୁ ହେବା ପରେ ପୁଲିସ ବଳପୂୂର୍ବକ ଆନ୍ଦୋଳନକାରୀଙ୍କୁ ରାସ୍ତା ଉପରୁ ହଟାଇ ଦେଇଥିଲା । ଶାହିନବାଗର ଧାରଣା ଯୋଗୁଁ ଏକାଧିକ ରାସ୍ତାକୁ ବନ୍ଦ କରାଯିବାରୁ ସାଧାରଣ ଜନଜୀବନ ପ୍ରଭାବିତ ହୋଇଥିଲା ।