ଲୋନ ମୋରାଟୋରିୟମ୍ କୁ ନେଇ ସୁପ୍ରିମକୋର୍ଟଙ୍କ ବଡ ଫଇସଲା । ଆଉ ବଢିବ ନାହିଁ ଲୋନ ମୋରାଟୋରିୟମ ଅବଧି
କନକ ବ୍ୟୁରୋ : କିଛିଦିନର ବ୍ୟବଧାନ ପରେ ସୁପ୍ରିମକୋର୍ଟ ଲୋନ ମୋରାଟୋରିୟମକୁ ନେଇ ରାୟ ପ୍ରକାଶ କରିଛନ୍ତି । ଏହି ରାୟରେ ସମସ୍ତ ପ୍ରକାର ରିହାତି ଛାଡ ନକରିବାକୁ କୋର୍ଟ ନିର୍ଦ୍ଦେଶ ଦେଇଛନ୍ତି । ଏହି ରାୟ ଆସିବା ପରେ ବ୍ୟାଙ୍କଗୁଡିକୁ ଆଶ୍ୱସ୍ତି ମିଳିଛି । ଅନ୍ୟପଟେ ପୁରା ରିହାତି ଛାଡ କରିବାକୁ କୋର୍ଟରେ ଆବେଦନ କରିଥିବା ବଡ ବଡ ଶିଳ୍ପପତି ଓ ରିଅଲ ଇଷ୍ଟେଟ୍ କମ୍ପାନୀଗୁଡିକୁ ଶକ୍ତ ଧକ୍କା ଲାଗିଛି । ଏହି ମାମଲାର ଶୁଣାଣି କରି ଜଷ୍ଟିସ ଅଶୋକ ଭୂଷଣ, ଜଷ୍ଟିସ ଆର. ଭୂଷଣ ରେଡ୍ଡୀ ଓ ଜଷ୍ଟିସ ଏମ,ଆର ଶାହା ଏଭଳି ନିର୍ଦ୍ଦେଶ ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହି ନିର୍ଦ୍ଦେଶ ଦେବା ବେଳେ ଖଣ୍ଡପୀଠ କହିଛନ୍ତି କି କରୋନା ମହାମାରୀ ବେଳେ କେବଳ କମ୍ପାନୀ ମାନେ ନୁହନ୍ତି ସରକାର ବି ଅନେକ କ୍ଷତି ସହିଛନ୍ତି । ଏହାସହ ଅର୍ଥନୈତୀକ ପଲିସି ମାମଲାରେ କୋର୍ଟ କୌଣସି ହସ୍ତକ୍ଷେପ କରିବେ ନାହିଁ । ସରକାର ଓ ଆରବିଆଇ ଉପରେ ଚାପ ପକାଇବାରେ କୋର୍ଟର କୌଣସି ଅଧିକାର ନଥିବା କଥା କୁହାଯାଇଛି । ଅନ୍ୟପଟେ ଏହି ମାମଲାରେ ସରକାରଙ୍କ ତରଫରୁ କୋର୍ଟରେ ଏକ ଉଲ୍ଲେଖନାମା ଦିଆଯାଇଛି । ଯେଉଁଥିରେ କୁହାଯାଇଛି କି ସରକାର ମହାମାରୀ ବେଳେ ବିଭିନ୍ନ ସେକ୍ଟରରେ ପର୍ଯ୍ୟପ୍ତ ପରିମାଣର ରିହାତି ଦେଇଛନ୍ତି । ଆଉ ଅଧିକ ରିହାତି ଦେବା ସମ୍ଭବ ନୁହେଁ । କେନ୍ଦ୍ର ପକ୍ଷରୁ ଆହୁରି କୁହାଯାଇଛି ମଧ୍ୟମ ସେକ୍ଟରରେ ରିହାତି ପାଇଁ କୌଣସି ନିର୍ଦ୍ଦେଶନାମା ନାହିଁ ।
କହିରଖୁ କି ଗତବର୍ଷ ଆରବିଆଇ ଋଣ ପ୍ରଦାନକାରୀ ସଂସ୍ଥା ମାନଙ୍କୁ ମୋରିଟୋରିୟମ ନେଇ ସୂଚନା ଦେଇଥିଲେ । ଯାହାର ଅବଧି ଅଗଷ୍ଟ ୩୧ ଯାଏ ବୃଦ୍ଧି କରାଯାଇଥିଲା । ଏହାଦ୍ୱାରା ଲୋକ ମାନେ ମୋରାଟୋରିୟମ ଯୋଜନାରେ ଅନେକ ଲାଭ ଉଠାଇଛନ୍ତି । ହେଲେ ବାକିଥିବା ରାଶି ଉପରେ ବ୍ୟାଙ୍କ ଡବଲ ସୁଧ ମାଗୁଥିବା ନେଇ ପୁଣି ଅଭିଯୋଗ ହୋଇଥିଲା । ଏହି ମାମଲା କୋର୍ଟରେ ପହଂଚିବା ପରେ କୋର୍ଟ କେନ୍ଦ୍ର ସରକାରଙ୍କୁ ଜବାବ୍ ତଲବ ମଧ୍ୟ କରିଥିଲେ । ଜବାବରେ କେନ୍ଦ୍ର ସରକାର କହିଥିଲେ କି ୨ କୋଟି ଋଚ୍ଚର ବାକି ସୁଧ ଉପରେ ସୁଧ ଲାଗୁ ହେବନି । ସରକାରଙ୍କ ପ୍ରସ୍ତାବରେ ଥିବା ୨ କୋଟି ମଧ୍ୟରେ ଏମଏସଏମଇ ଲୋନ, ଶିକ୍ଷା ଲୋନ, କ୍ରେଡିଟ୍ କାର୍ଡ ବକେୟା, ବିଭିନ୍ନ ପ୍ରକାରର ଗାଡି ଲୋନ , ହୋମ୍ ଲୋନ ସହ ବ୍ୟକ୍ତିଗତ ଲୋନ ବି ସାମିଲ ରହିଛି । ଏସବୁର ସୁଧ ଖର୍ଚ୍ଚ ବାବଦରେ ପାଖା ପାଖି ୭ହଜାର କୋଟି ଟଙ୍କା ଖର୍ଚ୍ଚ ହୋଇଛି ବୋଲି କୁହାଯାଇଛି ।