ଶ୍ରମିକଙ୍କୁ ମିଳୁନି ପାରିଶ୍ରମିକ ! କାମ କରି ଭୋକରେ ଶ୍ରମିକ, ମିଳିଲାନି ମଜୁରୀ । ଦାଦନ ଶ୍ରମିକଙ୍କ ଦୁଃଖ ବୁଝୁ ନାହାନ୍ତି ସ୍ଥାନୀୟ ଅଧିକାରୀ । ଗାଇସିଲଟ ବ୍ଲକରୁ ଆସିଲା ଦାଦନଙ୍କ ଦୁଃଖର କରୁଣ କାହାଣୀ
କନକ ବ୍ୟୁରୋ: ଦାଦନ ପ୍ରବଣ ଅଂଚଳରେ ଶ୍ରମିକକୁ ମିଲୁନି ପାରିଶ୍ରମିକ । ତାଲାବନ୍ଦ ଯୋଗଁ ଲୋକମାନେ ରୋଜଗାର ହରାଇଥିଲେ । ବାହାର ରାଜ୍ୟରେ କାମ କରୁଥିବା ଶ୍ରମିକ ମାନେ ନିଜ ଗାଁକୁ ଫେରିଥିଲେ । ଏହି ଶ୍ରମିକ ମାନେ ତାଲାବନ୍ଦ ସମୟରେ କିପରି ରୋଜଗାର କ୍ଷମ ହୋଇ ନିଜ ପରିବାର ପୋଷନ କରି ପାରିବେ ସେ ନେଇ ସରକାର ମନରେଗା ଯୋଜନାରେ ଲୋକଙ୍କୁ କାମ ଯୋଗାଇ ଦେଇଥିଲେ । ହେଲେ କିଛି ଅସାଧୁ କର୍ମଚାରୀଙ୍କ ଯୋଗୁଁ ଶ୍ରମିକ ମାନେ ପରିଶ୍ରମ କରି ମଧ୍ୟ ନିଜ ପରିଶ୍ରମିକ ପାଇବାରୁ ବଂଚିତ ହେଉଛନ୍ତି । ଏଭଳି ଅଭାବନୀୟ ଘଟଣା ଦେଖିବାକୁ ମିଲିଛି ଦାଦନ ପ୍ରବଣ ଅଂଚଳ ଗାଇସିଲାଟ ବ୍ଲକରେ ।
Kanak News is now on WhatsApp
Join and get latest news updates delivered to you via WhatsApp
ଗାଇସିଲାଟ ବ୍ଲକ ଗିଦମାଲ ଗ୍ରାମର ଶ୍ରମିକମାନେ ତାଲାବନ୍ଦ ସମୟରେ ମନରେଗା ଯୋଜନାରେ ଚାରି ସପ୍ତାହ ଅର୍ଥାତ ମାସେ ଧରି ମାଟି କାମ କରିଥିଲେ । ହେଲେ ମାଟି ବୋହିବାର ୬ ମାସ ବିତି ଯାଇଥିଲେ ମଧ୍ୟ ଶ୍ରମିକ ମାନେ ମଜୁରୀ ପାଇ ନାହାଁନ୍ତି । କାମ କରି ଟଙ୍କା ନ ପାଇ ବହୁ କଷ୍ଟାରେ ଧାର କରଜ କରି ଶ୍ରମିକମାନେ ପରିବାର ପ୍ରତିପୋଷଣ କରୁଛନ୍ତି । ଅସାଧୁ କର୍ମଚାରୀଙ୍କ ଏଭଳି କାର୍ଯ୍ୟ ଯୋଗୁଁ ଗରିବ ଖଟିଖିଆ ଲୋକ ଦାଦନ ଖଟିଯିବା ପାଇଁ ବାଧ୍ୟ ହେଉଥିବା ଅଭିଯୋଗ କରିଛନ୍ତି । ଏନେଇ ସ୍ଥାନୀୟ ଅଧିକାରୀଙ୍କୁ ବାରମ୍ବାର ଜଣାଇଛନ୍ତି । ହେଲେ ହେଲେ ସ୍ଥାନୀୟ ଅଧିକାରୀ କେବଳ ଭୂଆଁ ବୁଲାଉଛନ୍ତି ।