ବିଜେପିର ଗଡ଼ କୁହଯାଉଥିବା ପଶ୍ଚିମ ଓଡ଼ିଶାରୁ କୌଣସି ସାଂସଦଙ୍କୁ ମୋଦୀ ମଣ୍ଡଳରେ ମିଳିଲାନି ସ୍ଥାନ : ୫ଜଣ ସାଂସଦ ଥାଇ ମଧ୍ୟ ଉପେକ୍ଷା
କନକ ବ୍ୟୁରୋ : ମୋଦୀଙ୍କ ନୂଆ ଟିମରେ ସ୍ଥାନ ପାଇ ନାହାନ୍ତି ପଶ୍ଚିମ ଓଡିଶାର ଜଣେ ହେଲେ ବି ସାଂସଦ । ପୂର୍ବତନ ମନ୍ତ୍ରୀ ଜୁଏଲ ଓରାମ ଏବଂ ବରିଷ୍ଠ ନେତା ସୁରେଶ ପୂଜାରୀଙ୍କୁ ମନ୍ତ୍ରୀପଦ ମିଳିବା ନେଇ ଜୋରଦାର ଚର୍ଚ୍ଚା ହେଉଥିଲା । କିନ୍ତୁ ପଶ୍ଚିମ ଓଡିଶାରୁ ୫ ଜଣ ସାଂସଦ ଲୋକସଭାକୁ ନିର୍ବାଚିତ ହୋଇଥିଲେ ସୁଦ୍ଧା, କାହାରିକୁ ନିଜ ନୂଆ ଟିମରେ ନେଇନାହାନ୍ତି ପ୍ରଧାନମନ୍ତ୍ରୀ ।
Kanak News is now on WhatsApp
Join and get latest news updates delivered to you via WhatsApp
ଜୁଏଲ ଓରାମ, ସୁରେଶ ପୂଜାରୀ, ବସନ୍ତ ପଣ୍ଡା, ସଂଗୀତା ସିଂଦେଓ, ନିତେଶ ଗଙ୍ଗଦେବ ଲୋକସଭାରେ ପଶ୍ଚିମ ଓଡିଶାକୁ ପ୍ରତିନିଧିତ୍ୱ କରୁଛନ୍ତି । ଏହି ସାଂସଦମାନଙ୍କ ପ୍ରଦର୍ଶନ ମଧ୍ୟ ବେଶ ଭଲ ରହିଥିବା କୁହାଯାଉଛି । ଆଶ୍ଚର୍ଯ୍ୟର କଥା ହେଉଛି ମୋଦୀଙ୍କ ଦ୍ୱିତୀୟ ପାଳିର ପ୍ରଥମ ପର୍ଯ୍ୟାୟରେ ପଶ୍ଚିମ ଓଡିଶାରୁ କାହାରିକୁ ନିଆଯାଇନଥିଲା । ତେଣୁ ଏଥର ଜଣକୁ ସୁଯୋଗ ମିଳିବ ବୋଲି ଜୋରଦାର ଆକଳନ ହେଉଥିଲା । କିନ୍ତୁ ସେହି ଅନୁମାନ ଭୁଲ ପ୍ରମାଣିତ ହେଲା ।
ଆଗକୁ ପୌର ଓ ପଂଚାୟତ ନିର୍ବାଚନ ଥିବାରୁ ପଶ୍ଚିମବଙ୍ଗରେ ଭୋଟ ବ୍ୟାଙ୍କକୁ ବିଜେପି ଅକ୍ଷତ ନରଖିଲେ ବହୁମୂଲ୍ୟ ଦେବାକୁ ପଡିବ ବୋଲି ରାଜନୈତିକ ବିଶେଷଜ୍ଞଙ୍କ ମତ । ତେବେ ବିଜେପି କି ରଣନୀତି ପ୍ରସ୍ତୁତ କରୁଛି ଓ ପ୍ରତିପକ୍ଷଙ୍କୁ ମୁକାବିଲା କରିବା ସହ ଦଳ ଭିତରେ ଅସନ୍ତୋଷ ମୁଣ୍ଡ ଟେକିଲେ କିଭଳି ସମାଧାନ କରୁଛି, ତା ଉପରେ ନଜର ରହିବ ।