ଅପହରଣକୁ ବିତିଲା ୩୬ ଘଣ୍ଟା, ହେଲେ ଏବେ ବି ମିଳିନି ସ୍ୱିଗି ଡେଲିଭରୀ ବୟଙ୍କ ପତ୍ତା ।
କନକ ବ୍ୟୁରୋ : ନିଖୋଜ ହେବାର ୩୬ ଘଂଟା ପରେ ସ୍ୱିଗୀ ଡେଲିଭରୀ ବୟ ପତିତପାବନଙ୍କର କୌଣସି ପତା ମିଳିନି । ସେ କେଉଁଠି ଅଛନ୍ତି କେମିତି ଅଛନ୍ତି , ବିଭିନ୍ନ ଦିଗକୁ ଆଧାର କରି ତଦନ୍ତ କରୁଛି ପୋଲିସ । ସମୟ ଗଡିବା ସହ ଅପହରଣକୁ ନେଇ ବଢ଼ୁଛି ସସପେନ୍ସ ।
Kanak News is now on WhatsApp
Join and get latest news updates delivered to you via WhatsApp
ଅପହରଣର ପ୍ରାୟ ୩୬ ଘଣ୍ଟା ପରେ ବି ସ୍ୱିଗୀ ଡେଲିଭରି ବୟ ପତିତପାବନ କେଉଁଠି ଅଛନ୍ତି, କେମିତି ଅଛନ୍ତି, ତାଙ୍କର କୌଣସି ପତା ମିଳି ନାହିଁ । ମିଳିଥିବା ତଥ୍ୟକୁ ଆଧାର କରି ବିଭିନ୍ନ ଦିଗରୁ ତଦନ୍ତ ଜାରି ରଖିଛି ପୋଲିସ । ସୂଚନା ଅନୁସାରେ ଅପହୃତ ପତିତପାବନଙ୍କ ମୋବାଇଲ କେଉଁଠି ସୁଇଚ୍ ଅଫ୍ ହୋଇଥିଲା, ତାର ଲୋକେସନ ଯାଞ୍ଚ ଚାଲିଛି । ଯେଉଁଠି ମୋବାଇଲ ସୁଇଚ୍ ଅଫ୍ ହୋଇଛି, ସେହି ସ୍ଥାନରେ ଥିବା ସିସିଟିଭି ଫୁଟେଜର ଯାଞ୍ଚ କରୁଛି ପୋଲିସ ।
ଶେଷ କଲ୍ କେଉଁ ମୋବାଇଲରୁ ଓ କେଉଁ ସ୍ଥାନରୁ ଘରକୁ କଲ୍ କରିଥିଲେ । ଯେଉଁ ସ୍ଥାନରେ ତାଙ୍କ ମନି ପର୍ସ ପଡିଥିଲା, ସେଠାକୁ ସେ କେମିତି ଆସିଲେ, ସେସବୁ ସ୍ଥାନକୁ ଯାଇ ଯାଞ୍ଚ ଚଳାଇଛି ଧଉଳି ପୋଲିସ । କିନ୍ତୁ ଦୀର୍ଘ ସମୟ ବିତି ଯାଇଥିବାରୁ ପତିତପାବନଙ୍କ ପରିବାର ଲୋକେ ଚିନ୍ତାରେ ପଡିଛନ୍ତି ।
ଅନ୍ୟଟେ ପତିତପାବନଙ୍କୁ ଅପହରଣ ପଛର କାରଣ କଣ ଏପର୍ଯ୍ୟନ୍ତ ସ୍ପଷ୍ଟ ହୋଇପାରିନାହିଁ । ସେ ଯିବାବେଳେ ତାଙ୍କ ପାଖରେ କିଛି ଟଙ୍କା ଥିବା ଏବେ ଜଣାପଡିଛି । ତେବେ ପତିତପାବନଙ୍କୁ ଟଙ୍କା ପାଇଁ ଅପହରଣ କରାଯାଇଛି ନା ଏହା ପଛରେ ଆଉ କିଛି କାରଣ ରହିଛି ତାକୁ ନେଇ ସନ୍ଦେହ ବଢ଼ିବାରେ ଲାଗିଛି ।