ସରକାରୀ ପ୍ରୋତ୍ସାହନ ସହ ତାଲିମର ଅଭାବ ଚାଷୀଙ୍କୁ କରୁଛି ନିରାଶ । କ୍ଷେତରେ ସୋରିଷ ଚାଷ କରିବାକୁ ଚାହୁଁନାହାନ୍ତି ଚାଷୀ ।
କନକ ବ୍ୟୁରୋ: ସୋରିିଷ ଏଭଳି ଏକ ସାମଗ୍ରୀ ଯାହା ଆପଣ ପ୍ରତ୍ୟେକ ଘରେ ପାଇବେ । ପ୍ରତିଦିନର ରୋଷେଇ ହେଉ କି ଭୋଜି ଭାତ, ଗୋଟା ସୋରିଷ କିମ୍ବା ସୋରିଷ ତେଲର ବ୍ୟବହାର ହୋଇଥାଏ । କିନ୍ତୁ ଏହି ସୋରିଷ ଚାଷରୁ ଏବେ ମୁହଁ ଫେରାଉଛନ୍ତି ଚାଷୀ । ସରକାରୀ ପ୍ରୋତ୍ସାହନ, ଉଚିତ୍ ପ୍ରଶିକ୍ଷଣ ସାଙ୍ଗକୁ ଆବଶ୍ୟକ ବଜାରର ଅଭାବ ଚାଷୀଙ୍କୁ ଏହି ସୋରିଷ ଚାଷରୁ ମୁହଁ ଫେରାଇବାକୁ ବାଧ୍ୟ କରୁଛି ।
Kanak News is now on WhatsApp
Join and get latest news updates delivered to you via WhatsApp
ପୁରୀ ଜିଲା ପିପିଲି ,ଡେଲାଙ୍ଗ ,ସତ୍ୟବାଦୀ କଣାସ ବ୍ଲକର କିଛି ଅଂଶରେ ପୂର୍ବରୁ ସୋରିଷ ଚାଷ କରୁଥିଲେ ଅନେକ ଚାଷୀ । କିନ୍ତୁ ସରକାର ସହାୟତା ଅନେକ କ୍ଷେତ୍ରରେ ନ ଥିବାବେଳେ ରୋକ ପୋକ ଓ ସଠିକ ଚାଷ ପ୍ରଣାଳୀ ନଜାଣିବା ହେତୁ ଏବେ ଅନେକ ଚାଷୀ ଏହି ଚାଷ ରୁ ମୁହଁ ଫେରେଇଲେଣି । ଅଳ୍ପ କିଛି ଚାଷୀ ମାନେ ନିଜର ଖାଲି ଥିବା ବିଲରେ ପରିବାରକୁ ଆବଶ୍ୟକ ଅନୁସାରେ ସୋରିଷ ବୁଣି ସୋରିଷ ଚାଷ କରୁଛନ୍ତି ସତ ହେଲେ ଏହାକୁ ବିକ୍ରି କିମ୍ବା ଅଧିକ ଅମଳ କି ଲାଭବାନ ଆଶାରେ କରୁନାହାନ୍ତି । କାରଣ ଏହି ଚାଷ ପାଇଁ କିଛି ସରକାରୀ ସହଯୋଗ କି ରୋଗ ପୋକ ପାଇଁ କିଛି ମେଡ଼ିସିନ ମିଳୁନଥିବାରୁ ଚାଷୀ ମାନେ ସଠିକ ଭାବରେ ଏହି ଚାଷ ପ୍ରତି ମନ ବଳାଉ ନାହାନ୍ତି ବୋଲି ପିପିଲି ଓ ସତ୍ୟବାଦୀ ଅଞ୍ଚଳର ଅନେକ ସୋରିଷ ଚାଷୀ ଅଭିଯୋଗ ଆଣିଛନ୍ତି ।
ଗୋଟା ସୋରିଷ ୧ କୁଇଣ୍ଟାଲକୁ ୭୦୦୦ ହଜାର ଟଙ୍କା ପଡୁଥିବା ବେଳେ ଖାଇବା ପାଇଁ ସୋରିଷ ତେଲ ଲିଟର ପିଛା ୧୨୦ ରୁ ୧୩୦ ରେ ଭିତରେ କିଣିବାକୁ ପଡୁଛି । ଏହାରି ଭିତରେ ଅଧିକାଂଶ ସୋରିଷ ଓ ସୋରିଷ ତେଲ ବାହାର ରାଜ୍ୟରୁ ଆସୁଥିବାବେଳେ ଆମେ ଅଧିକ ଟଙ୍କା ଦେଇ କିଣିବାକୁ ବାଧ୍ୟ ହେଉଛୁ । ଯଦି ସରକାର ସୋରିଷ ଚାଷୀ ଓ ଚାଷ ପାଇଁ କିଛି ସହାୟତା ଓ ନୂତନ ଜ୍ଞାନ କୌଶଳ ବିଷୟରେ ଚାଷୀଙ୍କୁ ଅବଗତ କରନ୍ତେ ତେବେ ଅନେକ ଚାଷୀ ଏହି ଚାଷ କରି ଆମ ଅଞ୍ଚଳକୁ ସୋରିଷ ଯୋଗାଇବା ସହିତ ଦୁଇ ପଇସା ପାଇ ଲାଭବାନ ହୋଇପାରନ୍ତେ ।