ନିର୍ବାଚନର ବଣ୍ଡ ଉପରେ ରୋକ୍ ଲଗାଇବାକୁ ହୋଇଥିବା ଆବେଦନକୁ ଖାରଜ କଲେ ସୁପ୍ରିମ କୋର୍ଟ । କହିଲେ ୨୦୧୮ ରୁ ଏହି ଯୋଜନା ଲାଗୁ ହୋଇଛି ଓ ଏବେ ବି ଜାରି ରହିଛି
କନକ ବ୍ୟୁରୋ : ୪ ଟି ରାଜ୍ୟ ଓ ଗୋଟିଏ କେନ୍ଦ୍ର ଶାସିତ ଅଞ୍ଚଳ ପାଇଁ ଅନୁଷ୍ଠିତ ହେବାକୁ ଯାଉଛି ବିଧାନସଭା ନିର୍ବାଚନ । ନିର୍ବାଚନ ପୂର୍ବରୁ ଏହି ୪ ଟି ରାଜ୍ୟରେ ଇଲେକ୍ଟ୍ରୋରାଲ ବଣ୍ଡ ବିକ୍ରି ବନ୍ଦ କରିବାକୁ ସୁପ୍ରିମକୋର୍ଟରେ ହୋଇଥିବା ଆବେଦନକୁ କୋର୍ଟ ଶୁକ୍ରବାର ଦିନ ଖାରାଜ କରିଛନ୍ତି । ଏପ୍ରିଲ ୧ ତାରିଖରୁ ୧୦ ତାରିଖ ଯାଏ ଜାରି ହେବାକୁ ଥିବା ବଣ୍ଡ ଉପରେ ରୋକ୍ ଲଗାଇବାକୁ କୋର୍ଟ ମନାକରିଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କହିରଖୁ କି ଏହି ଇଲେକ୍ଟ୍ରୋରାଲ ବଣ୍ଡ ବା ନିର୍ବାଚନୀ ବଣ୍ଡକୁ ବିଭିନ୍ନ ବ୍ୟବସାୟ ପ୍ରତିଷ୍ଠାନ ବନ୍ଧକ ରଖିô ରାଜନୈତିକ ଦଳମାନଙ୍କୁ ଚାନ୍ଦା ଦେଇଥାନ୍ତି । ଏଡିଆର ନାମକ ଏକ ସଂସ୍ଥା ନିର୍ବାଚନ ହେଉଥିବା ୪ ଟି ରାଜ୍ୟ ଓ ଗୋଟିଏ କେନ୍ଦ୍ର ଶାସିତ ଅଞ୍ଚଳରେ ଏହି ବଣ୍ଡ ବିକ୍ରି ଉପରେ ସାମୟିକ ରୋକ ଲଗାଇବାକୁ ସୁପ୍ରିମକୋର୍ଟରେ ଆବେଦନ କରିଥିଲେ । ଏହାର ଶୁଣାଣି କରି କୋର୍ଟ କହିଛନ୍ତି କି ଏହି ଯୋଜନା ୨୦୧୮ ରୁ ଲାଗୁ ହୋଇଛି । ଏହା ଏବେ ବି ବଳବତ୍ତର ରହିଥିବାରୁ ଏହା ଉପରେ ରୋକ୍ ଲଗାଯାଇ ପାରିବ ନାହିଁ ।
ଅନ୍ୟପଟେ କୋର୍ଟଙ୍କର ଏହି ରାୟ ଉପରେ ଯୁକ୍ତି ରଖି ବରିଷ୍ଠ ଅଇନଜୀବୀ ପ୍ରଶାନ୍ତ ଭୂଷଣ କହିଛନ୍ତି କି ନିର୍ବାଚନୀ ବଣ୍ଡ ଜରିଆରେ ବ୍ୟବସାୟୀ ମାନେ ଶାସକଦଳକୁ ଟଙ୍କା ଦେଇ ନିର୍ବାଚନ ପରେ ସ୍ୱାର୍ଥ ହାସଲ କରିଥା’ନ୍ତି । ବ୍ୟବସାୟୀ ଓ ରାଜନୈତିକଦଳ ମାନଙ୍କ ମଧ୍ୟରେ ଲାଂଚ କାରବାରର ନିର୍ବାଚନୀ ବଣ୍ଡ ଏବେ ଏକ ମାଧ୍ୟମ ସାଜିଛି ବୋଲି ଶ୍ରୀ ଭୂଷଣ କହିଛନ୍ତି । ଏହା ପୂର୍ବରୁ ମାର୍ଚ୍ଚ ୨୪ ତାରିଖରେ ସୁପ୍ରିମକୋର୍ଟ ଏହି ମାମଲାର ଶୁଣାଣି କରି ରାୟ ସଂରକ୍ଷିତ ରଖିଥିଲେ ।