ତାମିଲନାଡ଼ୁ, ପୁଡ଼ୁଚେରୀରେ ‘ନିଭାର’ର ତାଣ୍ଡବ : ପ୍ରବଳ ବର୍ଷାରେ ଚେନ୍ନାଇ ଉବୁଟୁବୁ; ଜରୁରୀ ସ୍ଥିତି ମୁକାବିଲା ପାଇଁ ଯୁଦ୍ଧଜାହାଜ ମୁତୟନ
ତାମିଲନାଡ଼ୁ ଏବଂ ପୁଡୁଚେରୀରେ ଆତଙ୍କ ଖେଳାଇଛି ବାତ୍ୟା ‘ନିଭାର’ । ବାତ୍ୟା ପ୍ରଭାବରେ ଚେନ୍ନାଇରେ ପ୍ରବଳ ବର୍ଷା ଲାଗି ରହିଛି ଏବଂ ଚେନ୍ନାଇର ବିଭିନ୍ନ ଅଂଚଳ ଜଳମଗ୍ନ ହୋଇଯାଇଛି । ବର୍ଷା ସାଙ୍ଗକୁ ପ୍ରବଳ ପବନ ବହିବା ମଧ୍ୟ ଆରମ୍ଭ ହୋଇଯାଇଛି । ଏହାଦ୍ବାରା ଲୋକମାନଙ୍କ ମଧ୍ୟରେ ଭୟ ବଢ଼ିଯାଇଛି । ଆଜି ସନ୍ଧ୍ୟା ୭ରୁ ସକାଳ ୭ ପର୍ଯ୍ୟନ୍ତ ଚେନ୍ନାଇ ବିମାନବନ୍ଦରରୁ କୌଣସି ବିମାନ ଉଡ଼ାଣ କରିବନି କି ଅବତରଣ କରିବନି । ମେଟ୍ରୋ ସେବା ମଧ୍ୟ ବନ୍ଦ ରହିବ । ଶକ୍ତିଶାଳୀ ବାତ୍ୟା ‘ନିଭାର’ ଅତି ଭୟଙ୍କର ରୂପ ଧାରଣ କରିଛି । ପୁଡ଼ୁଚେରୀ ନିକଟସ୍ଥ ଉପକୂଳରେ ବାତ୍ୟା ମାଡ଼ ହେବ ବୋଲି ପାଣିପାଗ ବିଭାଗ ପକ୍ଷରୁ କୁହାଯାଇଛି । ବାତ୍ୟା ପ୍ରଭାବ ଚେନ୍ନାଇରେ ଅଧିକ ଦେଖିବାକୁ ମିଳିଛି । ପ୍ରବଳ ବର୍ଷା ଯୋଗୁଁ ଚେନ୍ନାଇର ପ୍ରମୁଖ ଅଂଚଳଗୁଡ଼ିକ ଜଳବନ୍ଦୀ ହୋଇଯାଇଛି । ଅସ୍ଥାୟୀ ଭାବେ କେତେକ ରାସ୍ତାକୁ ବନ୍ଦ କରିଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp