ବିହାରରେ ‘ସୁପର ଓଭର’କୁ ଯାଇପାରେ ମ୍ୟାଚ୍ । ଏନଡିଏ-ମହାମେଣ୍ଟ ମଧ୍ୟରେ ମହାମୁକାବିଲା । ନୀତିଶଙ୍କୁ ତେଜସ୍ୱୀଙ୍କ ଚେକ୍ ।
କନକ ବ୍ୟୁରୋ : ବିହାରରେ ଖେଳାଯିବ କି ‘ସୁପର ଓଭର’ ? କାରଣ ଆଗରେ ଏନଡିଏକୁ ଚେକ୍ ଦେଇ ବର୍ତ୍ତମାନ ସମୟରେ ଆଗକୁ ବଢି ବଢି ଚାଲିଛି ଆରଜେଡି । ବର୍ତ୍ତମାନର ରିପୋର୍ଟ ସୁଦ୍ଧା ୧୨୦ ଆସନ ସହ ଏନଡିଏ ଆଗରେ ରହିଛି କିନ୍ତୁ ୧୧୫ ଆସନରେ ଆଗୁଆ ରହିବା ସହ କଡା ଟକ୍କର ଦେଉଛି ମହାମେଣ୍ଟ ।
Kanak News is now on WhatsApp
Join and get latest news updates delivered to you via WhatsApp
ସବୁଠାରୁ ବଡ଼ କଥା ହେଉଛି, ବର୍ତ୍ତମାନ ମଧ୍ୟ ଏମିତି ଅନେକ ଆସନ ରହିଛି, ଯେଉଁଠି ଭୋଟ୍ ବ୍ୟବଧାନ ୫୦୦ରୁ ମଧ୍ୟ କମ୍ ରହିଛି । ଅର୍ଥାତ କେଉଁ ମୁହୂର୍ତ୍ତରେ ଯେ, ବିହାର ରାଜନୀତି ଗଣିତ ବଦଳିଯାଇପାରେ । ଆଉ ଏଭଳି ସ୍ଥିତିରେ ବିହାରରେ ପୂର୍ଣ୍ଣ ସରକାର ଗଠନ ହୋଇପାରୁଛି, ନା ଝୁଲା ସରକାର ହୋଇରହୁଛି, ତାଉପରେ ରହିଛି ସମସ୍ତଙ୍କ ନଜର ।
ତେବେ ନିର୍ବାଚନ ରଣାଙ୍ଗନରେ ଏମିତି ଲଢେଇ ବୋଧହୁଏ ଆଗରୁ କେବେ ଦେଖିନଥିଲା ବିହାର । ଗତ ୧୫ ବର୍ଷ ହେଲା ବିହାରରେ କ୍ଷମତା ନୀତିଶ କୁମାରଙ୍କ ହାତରେ ରହିଛି । କିନ୍ତୁ ଏଥର ନିର୍ବାଚନରେ ଜଣେ ୩୧ ବର୍ଷର ଯୁବକ ଏମିତି କଡା ଟକ୍କର ଦେବେ ତାହା ହୁଏତ କେହି କେବେ ଆକଳନ ବି କରିନଥିଲେ ।