ଖୁବଶୀଘ୍ର ଆରଜେଡିରେ ବିଲୟ ହୋଇପାରେ ଜେଡିୟୁ ! ବିଧାୟକଙ୍କୁ ଭେଟି ରାଜ୍ୟପାଳଙ୍କ ନିକଟରେ ପହଂଚିଲେ ନୀତିଶ କୁମାର
କନକ ବ୍ୟୁରୋ: ବିହାର ମୌସୁମୀ ବର୍ଷା ରାଜ୍ୟବାସୀଙ୍କୁ ବେହାଲ କରିଥିବା ବେଳେ ଏବେ ବିହାର ରାଜନୀତିରେ ନୂଆ ସମିକରଣକୁ ନେଇ ବିହାର ରାଜନୀତି ବି ବେହାଲ ଅବସ୍ଥାରେ ପହଂଚିଛି । ବିହାର ମୁଖ୍ୟମନ୍ତ୍ରୀ ରାଜ୍ୟପାଳଙ୍କୁ ଭେଟ କରିବା ପରେ ଏବେ ଦଳର ବିଧାୟକ ଓ ବରିଷ୍ଠ ନେତାଙ୍କ ସହ ବୈଠକ କରୁଛନ୍ତି । ଏହି ବୈଠକ ପରେ ବିହାରରେ ଜେଡିୟୁ ଓ ଆରଜେଡି ମଧ୍ୟରେ ମିଶ୍ରଣକୁ ନେଇ ଚର୍ଚ୍ଚା ଜୋର ଧରିଛି । ଆରଏଲଡି ବି ରାଷ୍ଟ୍ରୀୟ ଲୋକଦଳର ମୁଖ୍ୟ ଉପେନ୍ଦ୍ର କୁଶବାହା ଦାବି କରିଛନ୍ତି ଆରଜେଡିରେ ଜେଡିୟୁକୁ ବିଲୟ କରିବା ନେଇ ନୀତିଶ କୁମାର ନିଷ୍ପତ୍ତି ନେଇସାରିଛନ୍ତି, କେବଳ ଔପଚାରିକ ଘୋଷଣା ବାକି ରହିଛି । ଜେଡିୟୁ ରାଷ୍ଟ୍ରୀୟ ଅଧ୍ୟକ୍ଷ ଲଲନ ସିଂ ଏହାର ସୂତ୍ରଧର ଓ ଲଲନ ସିଂ ଏବେ ଆରଜେଡି ପାଇଁ କାମ କରୁଥିବା କୁଶବାହା ଦାବି କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କେବଳ ଉପେନ୍ଦ୍ର କୁଶବାହା ନୁହଁନ୍ତି ବିଜେପି ବିହାର ଅଧ୍ୟକ୍ଷ ସମ୍ରାଟ ଚୌଧୁରୀ ମଧ୍ୟ ଏହା ଉପରେ ଟିପ୍ପଣୀ ଦେଇଛନ୍ତି । ସେ କହିଛନ୍ତି କି, ନୀତିଶ କୁମାର ବିଜେପିକୁ ଭୟ କରୁଛନ୍ତି । ଏବେ ତାଙ୍କର ନିଜ ଦଳର ବିଧାୟକ ଓ ସାଂସଦଙ୍କ ଉପରେ ମଧ୍ୟ ଭରସା କରିପାରୁ ନାହାଁନ୍ତି । ଏହି କାରଣରୁ ଜଣେ ଜଣେ କରି ଦଳର ସମସ୍ତ ବିଧାୟକ ଓ ସାଂସଦମାନଙ୍କୁ ଭେଟୁଛନ୍ତି ନୀତିଶ କୁମାର ।
ସୂଚନା ଥାଉକି ଆରଜେଡିରେ ଜେଡିୟୁକୁ ବିଲୟ କରିବା ନେଇ ପ୍ରଥମେ ଜେଡିୟୁ ସଂସଦୀୟ ବୋର୍ଡର ଅଧ୍ୟକ୍ଷ ଥିବା ବେଳେ ଉପେନ୍ଦ୍ର କୁଶବାହା କଥା ଉଠାଇଥିଲେ । ସେ କହିଥିଲେ କି ଯଦି ଏଭଳି ହେବ ତେବେ ଜେଡିୟୁ ପାଇଁ ଏହା ଆତ୍ମଘାତି ହୋଇପାରେ । ଏହାସହ ଥରେ ନୀତିଶ କୁମାର ମଧ୍ୟ କହିଥିଲେ କି ୨୦୨୫ ବିହାର ବିଧାନସଭା ନିର୍ବାଚନରେ ମହାଗଠବନ୍ଧନର ନେତୃତ୍ୱ ତେଜସ୍ୱୀ ଯାଦବ ନେବେ ।