କନକ ବ୍ୟୁରୋ : କେନ୍ଦ୍ର ପରିବହନ ଓ ରାଜମାର୍ଗ ମନ୍ତ୍ରୀ ପ୍ରଥମେ ହେଲିକପ୍ଟରରୁ ଉହ୍ଲାଇଲେ, ତା ପରେ କାର୍ନିବାଲ ଗାଡିର ଡ୍ରାଇଭର ସିଟରେ ବସିଲେ ଓ ରାଜମାର୍ଗରେ ୧୫୦ କିଲୋମିଟର ପ୍ରତି ଘଂଟା ବେଗରେ ଗାଡି ଚଳାଇଲେ । ଏଭଳି ଦୃଶ୍ୟ ଦେଖିବାକୁ ମିଳଥିଲା ମଧ୍ୟପ୍ରଦେଶରେ । ମଧ୍ୟପ୍ରଦେଶରେ ନିର୍ମାଣ ହୋଇଥିବା ଦିଲ୍ଲୀ –ମୁମ୍ବାଇ ଏକ୍ସପ୍ରେସ ୱେରେ ଏଭଳି ଘଟଣା ଦେଖି ଲୋକ ଚକିତ ହୋଇପଡିଥିଲେ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଥାଉକି ସେପ୍ଟେମ୍ବର ୧୬ ତାରିଖରେ ଶତଲାମ ଜିଲ୍ଲା ଜାବରା ତହସିଲ ଠାରେ ଏକ ଜନସଭାକୁ ସମ୍ବୋଧିତ କରିବାକୁ ପହଂଚିଥିଲେ କେନ୍ଦ୍ର ରାଜମାର୍ଗମନ୍ତ୍ରୀ ନିତୀନ ଗଡକରୀ । ସେଠାରେ ପହଂଚିବା ପରେ ସେ ସଦ୍ୟ ନିର୍ମାଣ ସରିଥିବା ରାଜମାର୍ଗ ଦେଖିବାକୁ ପହଂଚିଯାଇଥିଲେ । ସେଠାରେ ଶ୍ରମିକମାନେ କାମ କରୁଥିବା ବେଳେ ଠିକାଦାର ବି ଉପସ୍ଥିତ ଥିଲେ । ଗଡକରୀ ସେଠାରେ ଚାଲିଥିବା କାମ ବାବଦରେ ପଚାରି ବୁଝିବା ସହ ରାସ୍ତାକାମ ଠିକ ହୋଇଛି କି ନାହିଁ ନିଜେ ତଦାରଖ କରିଥିଲେ । ଏହି କ୍ରମରେ ପାଖରେ ଥିବା ଠିକାଦାରଙ୍କ କାର୍ନିବାଲ ଗାଡିର ଡ୍ରାଇଭର ସିଟରେ ନିଜେ ବସିଥିଲେ ଗଡକରୀ । ଏହାପରେ ନିଜେ ଗାଡି ଚାଳନା କରି ଗାଡିର ଘଂଟାପ୍ରତି ବେଗ ୧୭୦ ପର୍ଯ୍ୟନ୍ତ ପହଂଚାଇ ଦେଇଥିଲେ ।
ହେଲେ ଏଠି କଥା ଉଠୁଛି ରାସ୍ତାର କ୍ୱାଲିଟି ଚେକ କରିବାକୁ ଜଣେ ରାଜମାର୍ଗ ମନ୍ତ୍ରୀ କିଭଳି ଭାବେ ରାଜମାର୍ଗ ନିୟମ ଉଲଙ୍ଘନ କଲେ । ଯଦି ଜଣେ ସାଧାରଣ ଲୋକ ଏହି ନିୟମ ଭଙ୍ଗକରେ ତେବେ ରାଜମାର୍ଗ ସୁରକ୍ଷା ନିମୟ ମୁତାବକ ତାଙ୍କ ଉପରେ ସର୍ବନିମ୍ନ ୨୦୦୦ ଟଙ୍କା ଜରିମାନା ଲାଗିଥାନ୍ତ । ହେଲେ ଜଣେ କେନ୍ଦ୍ରମନ୍ତ୍ରୀ ପୁଣି ସେହି ବିଭାଗର ମନ୍ତ୍ରୀ ହୋଇ ନିଜେ ପ୍ରସ୍ତୁତ କରିଥିବା ନିୟମ ଭାଙ୍ଗିବା ଅପରାଧରେ ତାଙ୍କ ଉପରେ ଜରିମାନା ଲାଗିବ କି ?
କହିରଖୁ କି ୯୮ ହଜାର କୋଟି ଟଙ୍କା ବିନିମୟରେ ଦିଲ୍ଲୀ-ମୁମ୍ବାଇ ଏକ୍ସପ୍ରେସ ୱେର ନିର୍ମାଣ କାମ ଚାଲିଛି । ପ୍ରଥମଥର ପାଇଁ ଦେଶରେ ୧୩୮୦ କିଲୋମିଟର ଲମ୍ବ ରାସ୍ତା ନିର୍ମାଣ ଚାଲିଛି । ଏହି ରାଜମାର୍ଗ ଦେଶର ୬ ଟି ରାଜ୍ୟକୁ ସଂଯୋଗ କରିବାକୁ ଯାଉଛି । ଦିଲ୍ଲୀ, ହରିଆଣା, ରାଜସ୍ଥାନ, ମଧ୍ୟ ପ୍ରଦେଶ, ଗୁଜୁରାଟ ଓ ମହାରାଷ୍ଟ୍ର ଦେଇ ଏହି ରାଜମାର୍ଗ ଯାଉଛି । ଏହି ରାସ୍ତା ନିର୍ମାଣ କାମ ୨୦୨୩ ସୁଦ୍ଧା ଶେଷ ହେବ ବୋଲି ଆଶା କରାଯାଉଛି ।