କନକ ବ୍ୟୁରୋ : ନୀତି ଆୟୋଗଙ୍କ ପକ୍ଷରୁ ଜାରି ‘ଜାତୀୟ ବହୁମୁଖୀ ଦାରିଦ୍ର୍ୟ ସୂଚୀ: ୨୦୨୩’ ଅନୁସାରେ ଦେଶରେ ୫ ବର୍ଷରେ ଦାରିଦ୍ର୍ୟ ହ୍ରାସ ପାଇଛି । ରିପୋର୍ଟ ଅନୁସାରେ,
ଦେଶରେ ୧୩,୫ କୋଟି ଲୋକ ଦାରିଦ୍ର୍ୟ ରାକ୍ଷସ କବଳରୁ ମୁକ୍ତି ପାଇଛନ୍ତି ।
ଓଡିଶାରେ ୬୨ ଲକ୍ଷ ୮୫୨ ଜଣ ଲୋକ ଦାରିଦ୍ର୍ୟ ମୁକ୍ତ ହୋଇଛନ୍ତି
ଓଡିଶାରେ ଦାରିଦ୍ର୍ୟ ହାର ୨୯.୩୪% ୧୫.୮୬% କମିଛି
ଗ୍ରାମାଂଚଳରେ ଦାରିଦ୍ର୍ୟ ହାର ୩୨.୬୪%ରୁ ୧୭.୭୨% ହୋଇଛି
ସହରାଞ୍ଚଳରେ ୧୨.୩୨%ରୁ ୫.୪୨%କୁ କମିଛି ଦାରିଦ୍ର୍ୟ
୧୨ଟି ବିଭିନ୍ନ ଇଣ୍ଡିକେଟରକୁ ନେଇ ରିପୋର୍ଟ ପ୍ରକାଶ କରିଛି ନୀତି ଆୟୋଗ । ରିପୋର୍ଟ ଅନୁସାରେ ୨୦୧୫-୧୬ ତୁଳନାରେ ୨୦୧୯-୨୦୨୦ରେ ରାଜ୍ୟର ସବୁ ଜିଲ୍ଲାରେ ଦାରିଦ୍ର୍ୟ କମିଛି।
ଜିଲ୍ଲା ଦାରିଦ୍ର୍ୟହାର
ମାଲକାନଗିରି ୪୫.୦୧%
ରାୟଗଡା ୩୪.୦୩%
କୋରାପୁଟ ୩୩.୫୪%
ନବରଙ୍ଗପୁର ୩୩.୪୫%
ପୁରୀ ୩.୨୯%
ଖୋର୍ଦ୍ଧା ୩.୯୫%
କଟକ ୬.୩୧%
ଗଞ୍ଜାମ ୬.୩୧% ଦାରିଦ୍ର୍ୟହାର ରହିଛି ।
ନୀତିଆୟୋଗଙ୍କ ଏହି ରିପୋର୍ଟ ପରେ ରାଜନୀତି ଜୋର ଧରିଛି । ବିରୋଧୀ ରାଜ୍ୟସରକାରଙ୍କୁ ଟାର୍ଗେଟ କରିଥିବାବେଳେ ବିଜେଡି କହିଛି ଦାରିଦ୍ର୍ୟ ଦୂରୀକରଣରେ ଓଡିଶା ଅନେକ ପଦକ୍ଷେପ ନେଇଛି ।
ପୁରୀ, କଟକ, ଖୋର୍ଧା , ଗଞ୍ଜାମ, ଜଗତସିଂହପୁର, ନୟାଗଡ, କେନ୍ଦ୍ରାପଡା ଓ ସମ୍ବଲପୁର ଭଳି ଜିଲ୍ଲାରେ ଦାରିଦ୍ର୍ୟ ହାର ୧୦ ପ୍ରତିଶତକୁ କମ ରହିଛି । ଆଉ ଯେଉଁ ଜିଲ୍ଲାଗୁଡିକରେ ଦାରିଦ୍ର୍ୟ ହାର ୨ ଅଙ୍କ ରହିଛି ସେ ଉପରେ ଗୁରୁତ୍ୱର ସହ ବିଚାର କରିବା ସମୟ ଆସିଛି ବୋଲି ଅନେକ ମତ ଦେଇଛନ୍ତି ।