ଇସ୍ତଫା ଦେବା ଖବରକୁ ନୀତେଶ ଗଙ୍ଗଦେବଙ୍କ ଖଣ୍ଡନ । ଫେସବୁକ୍ ଆଇଡି ହ୍ୟାକ୍ ହେଇଥିବା ନେଇ ଦେଲେ ସୂଚନା ।
କନକ ବ୍ୟୁରୋ: ହ୍ୟାକ୍ ହେଲା ସମ୍ବଲପୁର ବିଜେପି ସାଂସଦଙ୍କ ଫେସବୁକ୍ ଆଇଡି । ବିଜେପିରୁ ଇସ୍ତଫା ଦେବା ଖବରକୁ ଖଣ୍ଡନ କଲେ ନୀତେଶ ଗଙ୍ଗଦେବ । ସୋମବାର ସମ୍ବଲପୁର ବିଜେପି ସାଂସଦ ନୀତେଶ ଗଙ୍ଗଦେବ ବିଜେପିରୁ ଇସ୍ତଫା ଦେବା ନେଇ ସୋସିଆଲ୍ ମିଡିଆରେ ପୋଷ୍ଟ ସେୟାର କରିଥିଲେ । ହେଲେ ଏନେଇ କନକ ନ୍ୟୁଜ୍ ପ୍ରତିନିଧି ତାଙ୍କ ସହ ଯୋଗାଯୋଗ କରିବାରୁ, ସେ ତାଙ୍କ ଫେସବୁକ୍ ଆଇଡି ହ୍ୟାକ୍ ହେଇଯାଇଥିବା ନେଇ ସୂଚନା ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ନୀତେଶ ଗଙ୍ଗଦେବ କନକ ନ୍ୟୁଜକୁ ପ୍ରତିକ୍ରିୟା ଦେଇ କହିଛନ୍ତି, ସେ ବିଜେପିରେ ଅଛନ୍ତି ଆଉ ରହିବେ ମଧ୍ୟ । ଆବଶ୍ୟକ ପଡିଲେ ସେ ଦେବଗଡ ଯାଇ ମଧ୍ୟ ବିଜେପି ପାଇଁ ପ୍ରଚାର କରିବେ । ଯେଉଁଠି କି ତାଙ୍କ ଧର୍ମପତ୍ନୀ ବିଜେଡିରୁ ବିଧାୟିକ ପ୍ରାର୍ଥୀ ହେଇଛନ୍ତି ।
ସୂଚନାଯୋଗ୍ୟ ଯେ, ସମ୍ବଲପୁରରୁ ବିଜେପି ସାଂସଦ ଅଛନ୍ତି ନୀତେଶ ଗଙ୍ଗଦେବ । ହେଲେ ଏଥର କିନ୍ତୁ ବିଜେପି ତାଙ୍କୁ ଟିକେଟ୍ ଦେଇନି । ତାଙ୍କ ବଦଳରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ସମ୍ବଲପୁରରୁ ପ୍ରାର୍ଥୀ ହୋଇଛନ୍ତି । ଅନ୍ୟପଟେ ନୀତେଶ ଗଙ୍ଗଦେବଙ୍କ ପତ୍ନୀ ଅରୁନ୍ଧତୀ ଦେବୀ କିନ୍ତୁ କିଛି ଦିନ ତଳେ ବିଜେଡିରେ ବିଦ୍ଧିବଦ୍ଧ ଭାବେ ସାମିଲ ହେଇଛନ୍ତି । ଖାଲି ସେତିକି ନୁହେଁ, ନୀତେଶଙ୍କ ପତ୍ନୀଙ୍କୁ ବିଜେଡି ଦେବଗଡ ବିଧାନସଭା ଆସନରୁ ପ୍ରାର୍ଥୀ ମଧ୍ୟ ଘୋଷଣା କରିଥିଲା ।