କନକ ବ୍ୟୁରୋ: ହାଇକୋର୍ଟରେ ପହଞ୍ଚିଛି ରାଜ୍ୟର କରୋନା ମୃତ୍ୟୁ ମାମଲା । ରାଜ୍ୟରେ କରୋନାରେ କେତେ ଜଣଙ୍କର ମୃତ୍ୟୁ ହୋଇଛି, ଏହାର ସ୍ୱତନ୍ତ୍ର ଅଡିଟ୍ କରିବା ପାଇଁ ଜନସ୍ୱାର୍ଥ ମାମଲା ଦାୟର କରିଛନ୍ତି ଆଇନଜୀବୀ ନିଶିକାନ୍ତ ମିଶ୍ର । ବିଭିନ୍ନ ହସ୍ପିଟାଲ ଓ ଘରେ ଚିକିତ୍ସିତ ହେଉଥିବା ବେଳେ କେତେ ଲୋକ ଏହି ମହାମାରୀରେ ଆଖି ବୁଝିଛନ୍ତି ତାହାର ଅଡିଟ୍ କରାଯାଉ । ଏଭଳି କିଛି ଆବେଦନ କରି ପିଟିସନରେ ମୁଖ୍ୟ ଶାସନ ସଚିବଙ୍କ ସହ ୭ ଜଣଙ୍କୁ ପକ୍ଷଭୁକ୍ତ କରିଛନ୍ତି ଆଇନଜୀବୀ ନିଶିକାନ୍ତ ମିଶ୍ର । ଏହାସହ ରାଜ୍ୟରେ ଟିକାକରଣ ଓ ଟେଷ୍ଟିଂକୁ ତ୍ୱରାନ୍ୱିତ କରିବା ପାଇଁ ସେ ଆବେଦନରେ ଦର୍ଶାଇଛନ୍ତି ।

Advertisment