ବଂଚିବା ପାଇଁ ଚାଲ ଚଳାଇଛନ୍ତି ନିର୍ଭୟା ମାମଲାର ଦୋଷୀ । କ୍ୟୁରେଟିଭ୍ ପିଟିସନ ଦାଖଲ କଲେ ଅକ୍ଷୟ ଓ ବିନୟ , ମୁକେଶ କରିଥିବା ଆବେଦନ ଉପରେ ଆଜି ରାୟ ଶୁଣାଇ ପାରନ୍ତି କୋର୍ଟ
କନକ ବ୍ୟୁରୋ : ଫାଶୀରୁ ବଂଚିବା ପାଇଁ ନିର୍ଭୟା ଦୋଷି ଅକ୍ଷୟ ସିଂହ ମଙ୍ଗଳବାର ସୁପ୍ରିମକୋର୍ଟରେ କ୍ୟୁରେଟିଭ୍ ପିଟିସନ ଦାଖଲ କରିଛି । ଅନ୍ୟତମ ଦୋଷୀ ବିନୟ କୁମାର ମଧ୍ୟ ଦୟା ଆବେଦନ କରିଛି । ଅନ୍ୟପଟେ ଫାଶୀ ତାରିଖ ନେଇ ତିହାର ଜେଲ ପ୍ରଶାସନକୁ ପଚାରିଛନ୍ତି ସୁପ୍ରିମକୋର୍ଟ । ଏହା ସହ ଦୋଷୀଙ୍କ ବିରୋଧରେ ଡେଥ୍ ୱାରେଂଟ ଜାରି ହୋଇଛି କି ନାହିଁ ମଧ୍ୟ ପଚାରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏନେଇ ଆଜି ସୁପ୍ରିମକୋର୍ଟଙ୍କୁ ସୂଚନା ଦେବ ଜେଲ୍ ପ୍ରଶାସନ । ସେପଟେ ଦୋଷୀ ମୁକେଶ କରିଥିବା ଆବେଦନକୁ ଶୁଣାଣି କରି ରାୟ ସଂରକ୍ଷିତ ରଖିଛନ୍ତି ଖଣ୍ଡପୀଠ । ଆଜି ଏହି ମାମଲାର ରାୟ ଆସିପାରେ । ନିର୍ଭୟା ଦୋଷୀଙ୍କୁ ଫେବ୍ରୁଆରୀ ପହିଲା ସକାଳ ୬ଟା ବେଳେ ଫାଶୀ ଦେବା ପାଇଁ ନିର୍ଦ୍ଦେଶ ଦେଇଛନ୍ତି ତଳ କୋର୍ଟ । ତେଣୁ ଏହାକୁ ଟାଳିବା ପାଇଁ ଦୋଷୀମାନେ ବିଭିନ୍ନ ଚାଲ ଖେଳୁଛନ୍ତି ।