ଦେଶରେ ପୁଣିଥରେ ନିର୍ବାଚନ ହେବନି, ଯଦି... । କାହିଁକି ଏମିତି କହିଲେ ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କ ସ୍ୱାମୀ ?

କନକ ବ୍ୟୁରୋ : ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କ ସ୍ୱାମୀ ତଥା ଅର୍ଥଶାସ୍ତ୍ରୀ ପରକଳା ପ୍ରଭାକରଙ୍କୁ ନେଇ ଜାତୀୟ ରାଜନୀତିରେ ହଟଚମଟ । ଏକ ୟୁଟ୍ୟୁବ ଚ୍ୟାନେଲକୁ ସାକ୍ଷାତକାର ଦେଇ ପରକଳା ଯାହା କହିଛନ୍ତି ତାହାକୁ ନେଇ ପୂରା ଦେଶରେ ଚର୍ଚ୍ଚା । ସାକ୍ଷାତକାରରେ ପ୍ରଶ୍ନକର୍ତ୍ତା ପଚାରିଥିଲେ ଯେ, ଯଦି ଦେଶରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ସରକାର ହୁଏ ତେବେ କଣ ହେବ । ଏହାର ଉତ୍ତରରେ ପରକଳା କହିଥିଲେ, ଯଦି ଏଭଳି ହୁଏ ତେବେ ଦେଶରେ ପୁଣିଥରେ ନିର୍ବାଚନ ହେବା ନେଇ ଆଶା ରଖିବେ ନାହିଁ । ପୁଣିଥରେ ବିଜେପି ଯଦି ସରକାର ଗଢେ ତେବେ ଦେଶରେ ନିର୍ବାଚନ ହେବ ନାହିଁ । ଦେଶର ସମ୍ବିଧାନ ସମ୍ପୂର୍ଣ୍ଣ ରୂପେ ବଦଳିଯିବ । ଦେଶର ସମ୍ବିଧାନକୁ ଆପଣ ଜାଣିପାରିବେ ନାହିଁ ।

2024 में अगर फिर से मोदी प्रधानमंत्री बने तो देश में फिर कभी भी चुनाव नहीं होंगे।

देश का संविधान बदल जाएगा।

मोदी खुद लाल किले से हेट स्पीच देंगे और लद्दाख-मणिपुर जैसी स्थिति पूरे देश में बन जाएगी।

- परकला प्रभाकर जी

परकला जी जाने-माने अर्थशास्त्री हैं और वित्त मंत्री… pic.twitter.com/Z1wsFiCgUe

— Congress (@INCIndia) April 7, 2024

ପାକିସ୍ତାନ ପଠାଇଦିଅ, ମାର, ହାଣ, କାଟ, କଣ ଖାଇବ, କଣ ଖାଇବନି ବୋଲି ବିଭିନ୍ନ ସ୍ଥାନରେ କୁହାଯାଉଛି । କିନ୍ତୁ ଏହି କଥା ଲାଲକିଲ୍ଲାରୁ ଶୁଣିବାକୁ ମିଳିବ । ଏଭଳି ମନ୍ତବ୍ୟକୁ ଖୁଲମଖୁଲ୍ଲା ଦିଆଯିବ । ଯାହା ସବୁଠୁ ବଡ ବିପଦ । ମଣିପୁରରେ ଏବେ ଯାହା ହେଉଛି, ଅନ୍ୟ ରାଜ୍ୟରେ ସେଭଳି ହେବାର ସମ୍ଭାବନା ନାହିଁ ତାହା ଭାବିବା ଭୁଲ । ଏବେ ମଣିପୁର, ଲଦାଖରେ ଯେଉଁଭଳି ସ୍ଥିତି ଅଛି ଏବଂ ଚାଷୀଙ୍କ ସହ ଯେଉଁଭଳି ବ୍ୟବହାର କରାଯାଇଛି ତାହା ପୂରା ଦେଶରେ ଦେଖିବାକୁ ମିଳିବ । ଯାହାର ଭିଡ଼ିଓ ସେୟାର କରିଛି କଂଗ୍ରେସ ।