ରାଜ୍ୟ ସରକାରଙ୍କ ଉପରେ ବର୍ଷିଲେ ପିସିସି ସଭାପତି: କହିଲେ, କ୍ୟାବିନେଟ ନିଷ୍ପତି ପୂର୍ବରୁ ବିଭାଗ ପାଖରେ ପହଞ୍ଚି ଯାଉଛି ଅର୍ଡର
ସେପଟେ ସାମୁହିକ ବନ୍ଦେ ଉତ୍କଳ ଜନନୀ ଗାନ ପଛରେ ଥିବା ଆନ୍ତରିକତା ନେଇ ପ୍ରଶ୍ନ ଉଠାଇଲେ ଖାରବେଳ ସ୍ୱାଇଁ
କନକ ବ୍ୟୁରୋ: କରୋନା ମୁକାବିଲାରେ ରାଜ୍ୟ ସରକାରଙ୍କ ପ୍ୟାକେଜ ଘୋଷଣା ନେଇ ସରକାର ଉପରେ ବର୍ଷିଲା କଂଗ୍ରେସ । ସାମ୍ବାଦିକ ସମ୍ମିଳନୀରେ ପିସିସି ସଭାପତି ନିରଂଜନ ପଟ୍ଟନାୟକ କହିଲେ ୧୭ ହଜାର କୋଟି ଟଙ୍କା ଘୋଷଣା କରିବା ଏ ପ୍ରହସନ । ମନ୍ତ୍ରୀ ପରିଷଦ ଓ କ୍ୟାବିନେଟ ବୈଠକ ପୂର୍ବରୁ ପହଂଚି ଯାଉଛି ସରକାର କ’ଣ ଖର୍ଚ୍ଚ କରିବେ ସେସବୁର ତଥ୍ୟ ୨୮ ତାରିଖରୁ ସବୁ ବିଭାଗକୁ ଉନ୍ନୟନ କମିଶନର ଦେଇ ସାରିଥିଲେ । ବୈଠକ ପୂର୍ବରୁ ଯଦି ନିଷ୍ପତି ନିଆସରିଥିଲା ତେବେ ମନ୍ତ୍ରୀ ପରିଷଦ ବୈଠକ କାହିଁକି ଡ଼କାଯାଉଥିଲା । ଏହା ସହ ରାଜ୍ୟ ସରକାର ଘୋଷଣା କରିଥିବା କୃଷି, ମନରେଗା ଭଳି ଅନ୍ୟାନ ସହାୟତା କେବେ ଅବଲୋକରାର କାହାଣୀ । ଲୋକଙ୍କୁ ଭ୍ରମିତ କରିବା ପାଇଁ ଏକ ଉପାୟ । ସେପଟେ କଂଗ୍ରେସର ଅଭିଯୋଗ ନେଇ ପ୍ରତିକ୍ରିୟା ରଖିଛି ବିଜେପି ।
Kanak News is now on WhatsApp
Join and get latest news updates delivered to you via WhatsApp
ସାମୁହିକ ବନ୍ଦେ ଉତ୍କଳ ଜନନୀ ଗାଇବାରେ ରାଜ୍ୟ ସରକାରଙ୍କ ଆନ୍ତରିକତାକୁ ନେଇ ପ୍ରଶ୍ନ ଉଠାଇଲେ ବିଜେପି ନେତା ଖାରବେଳ ସ୍ୱାଇଁ । କହିଲେ ବନ୍ଦେ ଉତ୍କଳ ଜନନୀ କେବଳ ମତଲବି ଭାବେ ଗାନ କରାଗଲା । କିଛି ଅଣ ଓଡ଼ିଆ ଅଧିକାରୀ ଯିଏ ଓଡ଼ିଆଙ୍କ ଭାବବେଗକୁ ବୁଝନ୍ତି ନାହିଁ, ସେମାନେ ଭାବିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କୋଭିଡ଼ ଯୋଦ୍ଧାଙ୍କ ସମ୍ମାନାର୍ଥେ ଥାଳି ଘଂଟ ବଜାଇ ନାଁ ନେଇଯିବେ । ସେଥିପାଇଁ ଏପରି ନିଷ୍ପତି ନେଇଛନ୍ତି । ୨୦ ବର୍ଷ ଧରି ବନ୍ଦେ ଉତ୍କଳ ଜନନୀକୁ ରାଜ୍ୟ ସଙ୍ଗୀତ ମାନ୍ୟତା ଦେଇ ପାରିଲେନି । ପଶ୍ଚିମ ଓଡ଼ିଶାର ମୁଷ୍ଟିମେୟ କିଛି ଲୋକଙ୍କ ବିରୋଧ ଯୋଗୁ ସରକାର ଏହି ସଙ୍ଗୀତକୁ ମାନ୍ୟତା ଦେଉନାହାନ୍ତି । ଯୋର୍ଦ୍ଧାଙ୍କୁ ସମ୍ମାନ ପାଇଁ ଅନ୍ୟ କିଛି କରାଯାଇ ପାରିଥାନ୍ତା । ରାଷ୍ଟ୍ରବାଦ ସଙ୍ଗୀତ ଗାନ କରିବା ଉଚିତ ନୁହେଁ ।