ଓଟିଟି ପ୍ଳାଟଫର୍ମରେ ନୀଳମାଧବ ପଣ୍ଡାଙ୍କ ଡେବ୍ୟୁ ‘ଦ ଜେଙ୍ଗାବୁରୁ କର୍ସ’ । ଓଡିଶା ଖଣି ରାଇଜ ଷଡଯନ୍ତ୍ର ବିରୋଧରେ ସାହାସୀ ଝିଅର କାହାଣୀ

କନକ ବ୍ୟୁରୋ: ଆନ୍ତର୍ଜାତୀୟ ସ୍ତରରେ ପ୍ରଶଂସିତ ଓ ଜାତୀୟ ପୁରସ୍କାରପ୍ରାପ୍ତ ପ୍ରଯୋଜକ ଓ ନିର୍ଦ୍ଦେଶକ ନୀଳମାଧବ ପଣ୍ଡା ଭାରତର ପ୍ରଥମ କ୍ଲାଇମେଟ୍ ଫିକ୍ସନ ଥ୍ରୀଲର ସିରିଜ୍ ‘ଦ ଜେଙ୍ଗାବୁରୁ କର୍ସ’ର ରିଲିଜ୍ ପାଇଁ ପ୍ରସ୍ତୁତ ହୋଇଛନ୍ତି । ଏହି ସିରିଜ୍ ଆସନ୍ତା ଅଗଷ୍ଟ ୯ ତାରିଖ ୨୦୨୩ରୁ କେବଳ ସୋନି ଲିଭ୍ ଆପ୍‌ରେ ଷ୍ଟ୍ରିମ୍ ହେବ । ଓଡିଶାର ଏକ ଛୋଟିଆ ସହର ଉପରେ ପର୍ୟ୍ୟବେସିତ ଏହି ସିରିଜ୍ ଲଣ୍ଡନ୍‌ରେ ରହୁଥିବା ଜଣେ ଆର୍ଥିକ ବିଶ୍ଳେଷକ ପ୍ରିୟା ଦାସଙ୍କ କାହାଣୀ ଉପରେ ଆଧାରିତ । ଯେତେବେଳେ ତାଙ୍କ ବାପା ପ୍ରଫେସର ଦାସ ହଠାତ୍ ନିଖୋଜ ହୋଇଯାଆନ୍ତି, ଏହା ପ୍ରିୟାଙ୍କୁ ଓଡିଶା ଫେରିବାକୁ ବାଧ୍ୟ କରେ । ପ୍ରିୟା ବାପାଙ୍କୁ ଖୋଜିବା ସମୟରେ ଏକାଧିକ ଆଶ୍ଚର୍ଯ୍ୟଜନକ ଘଟଣାକୁ ସାମ୍ନାକୁ କରନ୍ତି, ଯାହା ସ୍ଥାନୀୟ ବୋଣ୍ଡା ଆଦିବାସୀ ଓ ଖଣି ରାଜ୍ୟ ଓଡିଶା ମଧ୍ୟରେ ଏକ ଅସାଧାରଣ ସଂଯୋଗକୁ ଉନ୍ମୋଚନ କରିଥାଏ ।

Against the backdrop of illegal mining, unexplained deaths, displaced communities and a missing father, Priya uncovers a dark international conspiracy around nuclear power that would endanger her life and the future of the country.
The Jengaburu Curse India’s first cli-fi web… pic.twitter.com/6p4F1x3GBF

— NILAMADHAB PANDA ନୀଳମାଧବ ପଣ୍ଡା (@nilamadhabpanda) July 13, 2023

ଦ ଜେଙ୍ଗାବୁରୁ କର୍ସ ମାଧ୍ୟମରେ ନୀଳମାଧବ ପଣ୍ଡା ଓଟିଟି ପ୍ଲାଟ୍‌ଫର୍ମରେ ଡେବ୍ୟୁ କରିଛନ୍ତି । ଷ୍ଟୁଡିଓ ନେକ୍ସଟ୍ ଦ୍ୱାରା ପ୍ରାୟୋଜିତ ଦ ଜେଙ୍ଗାବୁରୁ କର୍ସକୁ ନୀଳମାଧବ ପଣ୍ଡା ନିର୍ଦ୍ଦେଶନା ଦେଇଥିବା ବେଳେ ମୟଙ୍କ ତିୱାରୀ ଏହାର ଲେଖକ ଅଟନ୍ତି ଏବଂ ପାଉଲୋ ପେରେଜ ଡିଓପି ଭାବେ କାର୍ଯ୍ୟ କରିଛନ୍ତି । ଅଳକାନନ୍ଦା ଦାସଗୁପ୍ତା ଓ ଦୂର୍ଗା ପ୍ରସାଦ ମହାପାତ୍ର ସଙ୍ଗୀତ ନିର୍ଦ୍ଦେଶନା ଦେବା ସହ ଏହି ସିରିଜ୍ର ପ୍ରଡକ୍ସନ ଡିଜାଇନର ଅଟନ୍ତି । ଏହି ସିରିଜ୍‌ରେ ଫରିଆ ଅବ୍ଦୁଲ୍ଲା, ନସିର ମକରନ୍ଦ ଦେଶପାଣ୍ଡେ, ସୁଦେବ ନାୟର, ଦୀପକ ସମ୍ପତ୍ ଓ ହିତେଶ ଦାବେ ପ୍ରମୁଖ ଭୂମିକାରେ ଅଭିନୟ କରିଛନ୍ତି ।

ଏହି କାର୍ଯ୍ୟକ୍ରମ ସମ୍ପର୍କରେ ମତବ୍ୟକ୍ତ କରି କ୍ରିଏଟର ଏବଂ ଡାଇରେକ୍ଟର ଶ୍ରୀ ନୀଳମାଧବ ପଣ୍ଡା କହିଛନ୍ତି, ‘ଦ ଜେଙ୍ଗାବୁରୁ କର୍ସ’ ହେଉଛି ପ୍ରଥମ ଭାରତୀୟ କ୍ଲାଇମେଟ୍ ଫିକ୍ସନ ଥ୍ରୀଲର ସିରିଜ୍ । ଏହି ଫିଲ୍ମ ମାଧ୍ୟମରେ ଦର୍ଶକଙ୍କୁ ମନୋରଞ୍ଜନ ଦେବା ସହ ପରିବେଶର ସୁରକ୍ଷା ସମ୍ପର୍କରେ ସଚେତନତା ବୃଦ୍ଧି କରିବା ଲକ୍ଷ୍ୟ ବୋଲି କୁହନ୍ତି ନୀଳମାଧବ ପଣ୍ଡା ।