ନର୍ସ ନିହାରିକାଙ୍କ ହତ୍ୟାକାଣ୍ଡ ନେଇ ସସପେନ୍ସ ଜାରି । ହତ୍ୟାକାରୀକୁ ନେଇ ତନାଘନା, ୬ ଜଣକୁ ରାତିଅଧିଆ ଉଠାଇଆଣିଲା ପୋଲିସ ।
କନକ ବ୍ୟୁରୋ : କଟକର ଏକ ଘରୋଇ ହସ୍ପିଟାଲରେ କାମ କରୁଥିବା ଜଣେ ଷ୍ଟାଫ ନର୍ସଙ୍କ ହତ୍ୟାକାଣ୍ଡ ମାମଲା । ବିରିଡି ଥାନା ପୁଲିସ ହାଜିପୁର ଅଂଚଳରୁ ଗତକାଲି ୬ ଜଣଙ୍କୁ ଉଠାଇ ଆଣିଛି । ଥାନାରେ ଅଟକ ରଖି ୬ ଜଣ ସନ୍ଦିଗ୍ଧଙ୍କୁ ପଚରାଉଚରା କରୁଛି ପୁଲିସ । ସନ୍ଦିଗ୍ଧଙ୍କୁ ଜେରା କରିବା ପରେ ହତ୍ୟାକାଣ୍ଡର କାରଣ ଓ କିଏ କାହିଁକି ଷ୍ଟାଫ ନର୍ସ ନିହାରୀକାଙ୍କୁ ହତ୍ୟାକଲା ତାହା ଜଣାପଡିବ ବୋଲି ଆଶା କରାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ଗତକାଲି ଜଗତସିଂହପୁର କୂଳକଇଜଙ୍ଗା ନିକଟ ବିଲୁଆଖାଇ ନଈରୁ ଏକ ଅଖାରେ ହାତଗୋଡ ବନ୍ଧା ଅବସ୍ଥାରେ ନିହାରିକାଙ୍କ ମୃତଦେହ ଉଦ୍ଧାର କରାଯାଇଥିଲା । ମିଳିଥିବା ମୃତଦେହ ନିହାରୀକାର ବୋଲି ତାଙ୍କ ମାଆ ଚିହ୍ନଟ କରିଛନ୍ତି । ତେବେ ଦୀର୍ଘ ସମୟ ଧରି ପାଣିରେ ଭାସିଥିବାରୁ ମୃତଦେହ ନିହାରିକାର ନା ନୁହେଁ ତାହା ସ୍ପଷ୍ଟ ହେବାକୁ ପୁଲିସ ଡିଏନଏ ଟେଷ୍ଟ କରିପାରେ ବୋଲି ସୂଚନା ମିଳିଛି ।
ମୃତଦେହ ମିଳିବା ପରେ ତନାଘନା ଚଳାଇ ପୁଲିସ ଗତକାଲି ହାଜିପୁର ଅଂଚଳରେ ରାତି ଅଧିଆ ଚଢାଉ କରି ୬ ସନ୍ଦିଗ୍ଧଙ୍କୁ ଉଠାଇ ଆଣିଛି । ଷ୍ଟାଫ ନର୍ସ ନିହାରୀକାଙ୍କୁ କଟକରେ ହତ୍ୟା କରିବା ପରେ ମୃତଦେହକୁ ଏକ ଅଖାରେ ଭର୍ତି କରି ଭସାଇ ଦେଇଥିବା ସନ୍ଦେହ କରାଯାଉଛି ।