ମହାରାଷ୍ଟ୍ରରେ ଉପରମୁହାଁ କରୋନା ମିଟର । ୨୪ ଘଂଟାରେ ୬୮ ହଜାରରୁ ଅଧିକ ନୂଆ ମାମଲା । ସେପଟେ ବିହାରରେ ଲାଗୁ ହେଲା ନାଇଟକର୍ଫ୍ୟୁ ।
କନକ ବ୍ୟୁରୋ: ବିହାରରେ ସଂକ୍ରମଣ ବଢୁଥିବା ଦେଖି ସାରା ରାଜ୍ୟରେ ନାଇଟ କର୍ଫ୍ୟୁ ଲାଗୁ କରାଯାଇଛି । ମୁଖ୍ୟମନ୍ତ୍ରୀ ନୀତିଶ କୁମାର ନାଇଟ କର୍ଫ୍ୟୁ ଘୋଷଣା କରିଛନ୍ତି । ରାତି ୯ଟାରୁ ସକାଳ ୫ଟା ଯାଏଁ କଟକଣା ବଳବତ୍ତର ରହିବ । ରାଜ୍ୟ ସରକାରଙ୍କ ପକ୍ଷରୁ ଜାରି ନୂଆ ଗାଇଡଲାଇନ ଅନୁସାରେ ମେ ୧୫ ତାରିଖ ଯାଏଁ ସିନେମା ହଲ, ମଲ, କ୍ଲବ, ଜିମ ଓ ପାର୍କ ବନ୍ଦ ରହିବ । ପନିପରିବା, ଅଣ୍ଡା ଓ ମାଂସ ଦୋକାନ ସନ୍ଧ୍ୟା ୬ଟା ପରେ ଖୋଲି ପାରିବେ ନାହିଁ । ରେଷ୍ଟୁରାଂଟ ଓ ଢାବାରୁ ରାତି ୯ଟା ଯାଏଁ କେବଳ ଖାଦ୍ୟ ପାର୍ସଲ ନେଇପାରିବେ ।
Kanak News is now on WhatsApp
Join and get latest news updates delivered to you via WhatsApp
ସେହିପରି ସ୍କୁଲ, କଲେଜ ମେ ୧୫ ତାରିଖ ପର୍ଯ୍ୟନ୍ତ ବନ୍ଦ ରହିବ ଏବଂ ସେହି ସମୟରେ ରାଜ୍ୟ ସରକାରଙ୍କ ଦ୍ୱାରା ପରିଚାଳିତ ଶିକ୍ଷାନୁଷ୍ଠାନରେ ପରୀକ୍ଷା ମଧ୍ୟ ହୋଇପାରିବ ନାହିଁ । ରାଜ୍ୟର ସମସ୍ତ ଧାର୍ମିକ ପୀଠ ମେ ୧୫ ତାରିଖ ଯାଏ ବନ୍ଦ ରହିବ, ବିବାହ ଉତ୍ସବରେ ଶହେ ଜଣ ଓ ଅନ୍ତ୍ୟେଷ୍ଟି କ୍ରିୟାରେ ସର୍ବାଧିକ ୨୫ ଜଣ ସାମିଲ ହୋଇପାରିବେ ।
ଅନ୍ୟପଟେ ମହାରାଷ୍ଟ୍ରରେ ଉପରମୁହାଁ ହୋଇଛି କରୋନା ମଟିର । ପ୍ରତ୍ୟେକ ଦିନ ରାଜ୍ୟରେ ନୂଆ ଅଲୋଡା ରେକର୍ଡ ସୃଷ୍ଟି ହେଉଛି । ଗତ ୨୪ ଘଂଟାରେ ରାଜ୍ୟରେ ୬୮ ହଜାର ୬୩୧ ନୂଆ ମାମଲା ଚିହ୍ନଟ ହୋଇଛି । ଏହା ସହ ୫୦୩ ଜଣ ପ୍ରାଣ ହରାଇଛନ୍ତି । ମୁମ୍ବାଇରେ ବି ମାଡିଚାଲିଛି କରୋନା । ଏଠାରେ ଗତ ୨୪ ଘଂଟାରେ ୮୪ ୭୯ ନୂଆ ମାମଲା ଚିହ୍ନଟ ହୋଇଥିବାବେଳେ ୫୩ ଜଣ ପ୍ରାଣ ହରାଇଛନ୍ତି । ବର୍ତମାନ ସୁଦ୍ଧା ମହାନଗରୀରେ ହଜାରେରୁ ଅଧିକ ଅଟ୍ଟାଳିକାକୁ ବି ସିଲ କରାଗଲାଣି । କରୋନା ସଂକ୍ରମଣକୁ ଦୃଷ୍ଟିରେ ମହାରାଷ୍ଟ୍ର ସରକାର ଅନେକ ପ୍ରତିବନ୍ଧକ ଲଗାଇଛନ୍ତି ।