କନକ ବ୍ୟୁରୋ : ନାଇଜେରିଆର ଲାଗୋସ ସହରରେ ଏକ ନିର୍ମାଣଧିକ କୋଠା ଭୁଶୁଡି ପଡିବାରୁ ୬ ଜଣ ଲୋକଙ୍କ ମୃତ୍ୟୁ ହୋଇଥିବା ବେଳେ ୧୦୦ ରୁ ଅଧିକ ନିଖୋଜ ଥିବା କଥା କୁହାଯାଇଛି । ନିଖୋଜ ଥିବା ଲୋକମାନେ ସେଠି କାମ କରୁଥିବା ଶ୍ରମିକ ବୋଲି ଜଣାପଡିଛି ।
Kanak News is now on WhatsApp
Join and get latest news updates delivered to you via WhatsApp
କୋଠାତଳୁ ଉଦ୍ଧାର ହୋଇଥିବା ଶ୍ରମିକମାନେ କହିଛନ୍ତି କି କୋଠା ଭୁଶୁଡିବା ସମୟରେ କୋଠା ଭିତରେ ପାଖା ପାଖି ୧୦୦ ଜଣରୁ ଅଧିକ ଶ୍ରମିକ କାମ କରୁଥିଲେ । କୋଠା ଭୁଶୁଡିଥିବା ସୂଚନା ପାଇବା ପରେ ଉଦ୍ଧାରକାରୀଦଳ ସେଠାରେ ପହଂଚି ଲୋକମାନଙ୍କୁ ଉଦ୍ଧାର କରିବା କାର୍ଯ୍ୟରେ ନିୟୋଜିତ ଅଛନ୍ତି ।
ଲାଗୋସ ସରକାରଙ୍କ ସୂଚନା ମୁତାବକ ସେଠାରେ ଏକ ୨୨ ମହଲା କୋଠା ନିର୍ମାଣ କରାଯାଉଥିଲା । ହେଲେ କୋଠା ଭୁଶୁଡିବାର କାରଣ ସ୍ପଷ୍ଟ ହୋଇନାହିଁ । ସେପଟେ ଉଦ୍ଧାରକାରୀ ଦଳ ଉଦ୍ଧାର କାର୍ଯ୍ୟ ଜାରି ରଖିଛନ୍ତି ।
କହିରଖୁ କି ଆଫ୍ରିକାର ସବୁଠାରୁ ଜନବହୁଳ ଦେଶ ନାଇଜେରିଆରେ କୋଠା ଭୁଶୁଡିବା ଏକ ସାଧାରଣ କଥା । ଏଠାରେ କୋଠା ନିର୍ମାଣ କରିବାର ନିୟମାବଳୀ କଡ଼ା ନଥିବା ବେଳେ ଏଠାରେ କୋଠା ନିର୍ମାଣ କାର୍ଯ୍ୟରେ ଲାଗୁଥିବା ସାମଗ୍ରୀ ନିମ୍ନମାନର ହୋଇଥାଏ ।