ନିଆଳିରେ ବିଏସଏନଏଲ ଟାୱାର ଅଛି, ହେଲେ ସିଗନାଲ ନାହିଁ। ନେଟୱାର୍କ ନଥିବାରୁ ସରକାରୀ ଓ ବେସରକାରୀ ସଂସ୍ଥାରେ ରହୁନି ଲିଙ୍କ।
କନକ ବ୍ୟୁରୋ: ଭୂତକୋଠି ପାଲଟିଛି ୧୨ କୋଟିର ବିଏସଏନଏଲ୍ ଅଫିସ । କଟକ ଜିଲ୍ଲା ନିଆଳିରେ ବିଏସଏନଏଲ ଟାୱାର ଅଛି, ଅଫିସ ଅଛି କିନ୍ତୁ ନେଟୱାର୍କ ନାହିଁ । ଏଠାରେ ବିପର୍ଯ୍ୟସ୍ତ ବିଏସଏନଏଲ ସେବା । ବର୍ତ୍ତମାନ ଡିଜିଟାଲ ଯୁଗରେ ମଣିଷ ଚନ୍ଦ୍ରପୃଷ୍ଠରେ ଘର କରିବାକୁ ବାହାରିଛି । ମୋବାଇଲ ଇଣ୍ଟରନେଟ ଜରିଆରେ ସବୁ କାମ ସହଜରେ କରିହେଉଛି । ସମସ୍ତ ସରକାରୀ କିମ୍ବା ବେସରକାରୀ ସଂସ୍ଥାର କାମ କରିବା ପାଇଁ ମୋବାଇଲ ଇଣ୍ଟରନେଟର ଭୂମିକା ବେସ୍ ଗୁରୁତ୍ୱପୂର୍ଣ୍ଣ ରହିଛି । ତେଣୁ ଲୋକେ ବିଏସ୍ଏନ୍ଏଲ୍, ଜିଓ, ଭୋଡାଫୋନ୍, ଏୟାରଟେଲ, ଭଳି ନେଟୱାର୍କ ଉପରେ ନିର୍ଭର କରୁଛନ୍ତିା ଅନ୍ୟ ସବୁ ନେଟୱାର୍କ ନିରବଚ୍ଛିନ୍ନ ଭାବେ ଫୋର-ଜି, ଫାଇଭ-ଜି ସେବା ଯୋଗାଇ ଆସୁଥିବା ବେଳେ ନିଆଳିରେ ବିଏସଏନଏଲ ସେବା ଫେଲ ମାରିଛି ।
Kanak News is now on WhatsApp
Join and get latest news updates delivered to you via WhatsApp
ଦୀର୍ଘ ବର୍ଷ ହେଲା ଏଠାରେ ଥିବା ବିଏସଏନଏଲ ଏକ୍ସଚେଞ୍ଜ ଅଫିସ ଭୂତକୋଠି ପାଲଟିଥିବା ବେଳେ ସେବା ଯୋଗାଇବାରେ ବିଫଳ ହୋଇଛି ଏହି ସରକାରୀ ସଂସ୍ଥା । ଗ୍ରାମାଞ୍ଚଳରେ ନେଟୱାର୍କ ଲିଙ୍କ ଫେଲ ଯୋଗୁଁ ଗ୍ରାହକ ନିରାସ ହେଉଛନ୍ତି । ବିଏସ୍ଏନ୍ଏଲ୍ ନେଟୱାର୍କ ନଥିବାରୁ ବ୍ୟାଙ୍କ, ବ୍ଲକ, ତହସିଲ, ଥାନା ଓ ଜନସେବା କେନ୍ଦ୍ରରେ ଲିଙ୍କ ରହୁନି, ଫଳରେ ଗ୍ରାହକଙ୍କୁ ନିରାଶ ହୋଇ ଫେରିବାକୁ ପଡୁଥିବା ଅଭିଯୋଗ ହୋଇଛି । ନିଆଳିରେ ଅନ୍ୟ କୌଣସି ନେଟୱାର୍କ ଠିକ ଭାବେ କାମ କରୁ ନଥିବାରୁ ଲୋକେ ବାଧ୍ୟ ହୋଇ ବିଏସଏନଏଲ ଉପରେ ନିଭର କରୁଥିବା କହିଛନ୍ତି ।