ସନ୍ଦେଶଖାଲି ପରେ ଏବେ ମେଦିନାପୁରରେ ଏନଆଇଏ ଟିମ୍ ଉପରେ ଜୋରଦାର ଆକ୍ରମଣ । ଗାଡି ଉପରକୁ ପଥରମାଡ

କନକ ବ୍ୟୁରୋ : ପଶ୍ଚିମବଙ୍ଗର ପୂର୍ବ ମେଦିନାପୁର ଜିଲ୍ଲାରେ ଏନଆଇଏ ଟିମ୍ ଉପରେ ଆକ୍ରମଣ କରାଯାଇଛି । କିଛି ଲୋକ ଏନଆଇଏ ଟିମକୁ ଘେରିଯାଇ ତାଙ୍କ ଗାଡି ଉପରକୁ ଢେଲା ପଥର ମାଡ କରିଛନ୍ତି । ଏହାପୂର୍ବରୁ ସନ୍ଦେଶଖାଲିରେ ମଧ୍ୟ ଇଡି ଟିମ୍ ଉପରେ ଆକ୍ରମଣ ହୋଇଥିଲା । ଏନଆଇଏ ଟିମ୍ କୋଲକତା ହାଇକୋର୍ଟଙ୍କ ନିର୍ଦ୍ଦେଶ କ୍ରମେ ଶନିବାର ଦିନ ସେଠାକୁ ଯାଂଚ ପାଇଁ ଯାଇଥିଲା । ଯାଂଚ ବେଳେ ଏଜେନ୍ସି କିଛି ଲୋକଙ୍କୁ ଗିରଫ କରିଥିଲା ।

#WATCH | West Bengal: NIA officers had to face protesters in Bhupatinagar while they were carrying out an investigation in connection with the Bhupatinagar, East Medinipur blast case. People allegedly tried to stop the NIA team from taking the accused persons along with them.… pic.twitter.com/KKL33S4Plm

— ANI (@ANI) April 6, 2024

ଗିରଫ ହୋଇଥିବା ଲୋକଙ୍କୁ ନେଇ ଏନଆଇଏ ଟିମ୍ ଫେରୁଥିବା ବେଳେ କିଛି ଲୋକ ହଠାତ ଟିମ୍ ଉପରକୁ ଆକ୍ରମଣ କରିଥିଲେ । ଏନଆଇଏ ଟିମ୍ ବିସ୍ଫୋରଣ ମାମଲାର ଯାଂଚ ପାଇଁ ସେଠାକୁ ଯାଇଥିଲେ । ସେଠାରେ ସେମାନେ ୨ଜଣଙ୍କୁ ଗିରଫ କରିଥିଲେ । ଏହି ଗିରଫଦାରୀକୁ ବିରୋଧ କରି ଗ୍ରାମବାସୀମାନେ ଏନଆଇଏ ଟିମ୍ ଉପରେ ଆକ୍ରମଣ କରିଥିଲେ । ୨୦୨୨ ମସିହା ଡିସେମ୍ବର ମାସରେ ଜଣେ ତୃଣମୂଳ କଂଗ୍ରେସ ନେତାଙ୍କ ଘରେ ବିସ୍ଫୋରଣ ହୋଇଥିଲା । ଏହି ମାମଲାରେ ଏନଆଇଏ କିଛି ଲୋକଙ୍କୁ ନୋଟିସ କରିଥିଲା । ଏହି ଘଟଣାରେ ଅଭିଯୁକ୍ତ ଥିବା ୩ଜଣଙ୍କର ମୃତ୍ୟୁ ହୋଇସାରିଥିବା ବେଳେ ଯାଂଚ ଏଜେନ୍ସି ବାକି ୨ଜଣଙ୍କୁ ଗିରଫ କରିଛି ।